ياهلا وغلا بالغالي ( خالد )
ألف مبروك الزواج يالغالي .... وأسأل الله أن يسعدكم في حياتكم
أنا لي ملاحظات وتعديلات :
1) ثمانية أيام قليلة جدآ في ماليزيا ... أنصحك تزيد المدة إلى ( 12 يوم ) على الأقل
2) رحلة ( كوالا - لنكاوي ) أجعلها في الصباح ... لتستمع وتستغل اليوم من بدايته
3) أنصحك تختار ( الجراند ملينيوم ) في كوالا ... أجمل وأفضل من ( بيكولو ) سيئ السمعة ...
4) في لنكاوي أختر ( البرحايا ) وخصوصآ ( بريمر شالية على الماء ) ...
5) أنصحك ببطاقة ( فيزا تسوق الراجحي ) هي الأفضل والأشهر
6) أنصحك تحجز من ( النت ) أرخص وأضمن ... وتفضل موضوعي هذا
https://artravelers.com/p/re/528372
وافي

بحبح عمرك وزدها أربع أيام ع الأقل والله حرام 8 أيام أو أجل رحلتك شوي لين تزين أمورك يالغالي < نصيحة محب لك

السلام عليكم
أخوي وآفي بزمن جآفي
يشهد الله إنك ضمن الأعضاء اللي صدق أهتم بمواضيعهم وقراءاتي لهم خلال تصفحي للمنتدى وبحثي عن أسرار ماليزيا
وعسى الله يبآرك بعمرك ..
لي تعقيب على بعض ملاحظآتك
1) ثمانية أيام قليلة جدآ في ماليزيا ... أنصحك تزيد المدة إلى ( 12 يوم ) على الأقل
زيآدة الأيام تعني زيآدة صرف .. وتعني زيآدة زيارات لمدن جديده
مآدري .. بس مسألة ماليزيا ترى ماجت إلا ك ( نشبه من الحرمه )
خ
2) رحلة ( كوالا - لنكاوي ) أجعلها في الصباح ... لتستمع وتستغل اليوم من بدايته
الفكره حلوه .. وتستحق الإهتمام خاصة أني ماحجزت على الطيرآن للحين
3) أنصحك تختار ( الجراند ملينيوم ) في كوالا ... أجمل وأفضل من ( بيكولو ) سيئ السمعة ...
أما سيئ سمعه .. !
عاد خويك ملتزم .. يعني أبعدنا عن الشبهات لاهنت
4) في لنكاوي أختر ( البرحايا ) وخصوصآ ( بريمر شالية على الماء ) ...
اللي عندي إسمه ( Berjaya langkawi resort )
أظنه هو البرحايا اللي قلت عنه .. بس وش سالفة ( شاليه على المآء ) !
يعني هذا الشاليه دآخل البرحايا ؟؟
5) أنصحك ببطاقة ( فيزا تسوق الراجحي ) هي الأفضل والأشهر
فيه فيزآ يقولون عنها مسبقة الدفع أظن .. يعني هي اللي أحط فيها الفلوس اللي أبي .. يعني تجيني كذآ بدون رصيد وأنا أحط الرصيد اللي أبي
العربي جيتهم اليوم ماعندهم .. !
بعدين سمعت الراجحي إن بطاقتهم تكون حروفه كتابه ( بدون بروز ) ..
واللي ماتكون حروفها بارزه .. صعب تنقبل هنآك !!
6) أنصحك تحجز من ( النت ) أرخص وأضمن ... وتفضل موضوعي هذا
موضوعك بعين الإعتبآر ..
والحجز للفنادق وغيره بإذن الله بيكون من النت ..
لاتوصي يا سيّد
خ.الد

السلام عليكم
أخوي لسآ فآكر
لسا فاكر؟؟
يعني تتوقع ال 12 يوم بتزين ماليزيا بعيني أكثر من ال 8 أيام ؟
بعدين وش يمنع إني أختصرها ب 8 أيام .. مادام إني قآدر أغطي أكثر الأماكن شهره و حلا في ماليزيا !!
طيب لو زودتها 4 أيام .. وش تشير علي إني أسوي بها ؟؟
خ.الد

اي نعم كما قال الاخوان لازم تزيدها تضرب خط 7 ساعات علشان 8 ايام
بعدين قولي وين حصلت سعر 1300 بالاتحاد
ماحصلت هذا السعر من موقعهم على اساس الطيران من ممطار الرياض بتاريخ 19و العوده 29 ؟؟
ولا زرت مكتبهم ؟
ياريت تفيدهم انا انسان اهتم بعلم التذاكر و احاول افهم استراتيجية تغير الاسعار

الغالي ( خالد )
تفضل هذه ( التعقيبات ) ... ( وافي ) لابد أن يوصل فكرته بشكل واضح

• فندق البرجايا ... هو نفسه اللي تقصده
• فندق ( بيكولو ) عندهم ( بار ) أمام الباب ... وماينفع أبدآ للعوائل المحافظة
• كل البطاقات الفيزا ( مقبولة ) سواء المحفورة أو البارزة
• زيادة الأيام ( لابد منها ) ... وتضيف فقط ( مدينة واحدة ) ومافيه فرق كبير بصراحة ..

وافي

السلام عليكم
أخوي العدني
al3dni
أنا قلت ( أظن ) بالإتحاد ..
عموما" دورت حجوزآت اليوم ولقيتها زي ماهي ألحين حسب ال / أغلى
الإماراتيه ب 7048 وتستغرق رحلتها حوالي 11 ساعه
..
الماليزيه ب 6982 ريآل
..
القطريه ب 6856 , وخلال 11 ساعه تقريبا"
..
الإتحاد ب 5988 .. خلال 16 ساعه تقريبا"
..
السعوديه ب 5288 .. وخلال 12 ساعه
يعني أشوف الأنسب السعوديه .. خاصة وإن فيها نظام ( فرسان )
يعني بتستفيد من السعر و تستفيد من فرسآن
أما ال 1300 شكلي دورت على شخص واحد وذهاب بس ..
أو إني مضيع مادري خ
خ.ألد

هلا وغلا بالغالي احسك معصب
شوف وأنا أخوك عندك خيارات واجد انك تروح لبينانغ وتقعد ثلاث ايام ويصير باقي لك يوم تروح منتجع جراند لكزس غرفه على البحر بمسبح خاص وبسعر ممتاز
او انك تسكن في جنتنغ وخاصة حنا نبي ننحاش من الحر ويكفيك مدينة الالعاب اللي فيها والجو الحلو وخاصة الضباب
وفي النهاية وانا اخوك حنا هنا لإبداء الرأي فقط ودائماً الخيار يرجع لك في كل شيء يا تاج راسي ^ ^

خ.آلد
أنا قلت ( أظن ) بالإتحاد ..
عموما" دورت حجوزآت اليوم ولقيتها زي ماهي ألحين حسب ال / أغلى
الإماراتيه ب 7048 وتستغرق رحلتها حوالي 11 ساعه
..
الماليزيه ب 6982 ريآل
..
القطريه ب 6856 , وخلال 11 ساعه تقريبا"
..
الإتحاد ب 5988 .. خلال 16 ساعه تقريبا"
..
السعوديه ب 5288 .. وخلال 12 ساعه
يعني أشوف الأنسب السعوديه .. خاصة وإن فيها نظام ( فرسان )
يعني بتستفيد من السعر و تستفيد من فرسآن
أما ال 1300 شكلي دورت على شخص واحد وذهاب بس ..
أو إني مضيع مادري خ
خ.ألد
خ ربشتني ياخوي
0انا قلت شكله عاملين عروض
بس تعرف احب اشكرك لانك الصراحه دخلت فراسي ابحث في موقع اكسبيديا مره ثانيه ولقيت عرض حلو
الاماراتيه دايركت تكلفني شخص واحد من دبي الى ماليزيا 2140 درهم
الاتحاد دايركت 2190 درهم لشخص واحد نفس توقيت الاماراتيه السفره بالفجر يعني
وعاد اخوك احتار بين الاماراتيه و الاتحاد وسألت ناس كثير قالوا لي الاتحاد طيرات اجدد
واكتشفت ان طيران القطريه حاط التذكره بسعر خوورافي 1700 درهم تقريبا رايح جاي لشخص بس الرحله 13 ساعه روحه و 9 ساعات رجعه وانا اكره الترانزيت
رحله موفقه لك يا غالي