اهلا وسهلا بكِ اختي الكريمة
بعد الإذن من احبتي الكرام المشرفين الكرام ,,
إقتراحك مميز وإن شاء الله ابوصله للإدارة
تقدرين توصلينه للإدارة عن طريق الكتابة في بوابة الاقتراحات بطلباتك ,, جزاك الله خيرا على إهتمامك ,,
وفي أمان الله .

انا اشوف ان المواضيع الخاصه الاستفسارات .,, مثل الموضوع المثبت الخاص بالاسأله لا ينفع كثيرا
نحن في منتدى سياحي بمعنى غالبية من يسأل عن المدن ستكون الاسأله سياحية ويجب ان يأخذ رأي الجميع
ولكي يأخذ رأي الجميع يجب ان يفتح موضوع خاص ويكتب سؤاله لكي يفيده الجميع

عليكم السلام حبيبتي
شوفي ياقلبي انا من وضع الموضوع الخاص بالاستفسارات عن السكن وانا اللي اقفل اي موضوع ينزل بالبوابه واقوله حط استفسارك للسكن بالموضوع المثبت وانتي اللحين تبين الرد على هالشئ
شوفي حبيبتي لما كانت البوابه مفتوحه لجميع الاستفسارات وكل واحد جاء وحط استفساره كانت البوابه فيه قمه الفوضى ومافيها اي ترتيب لانه اغلب الاستفسارات متشابهه واحيانا ينزل استفسارين كلهم يسئلون عن فندق واحد وكان كثير من الاعضاء يرسلون لي رسايل انه لازم يكون مواضيع مخصصه للسكن والتقارير لانه البوابه حوسه ويبيلها ترتيب ومن هالكلام فنزلت انا موضوع السكن والاخ صاحب الكمله جزاه الله خير نزل موضوع التقارير
وانا اتمنى كل واحد وكل عضو يتعاون معانا في ترتيب وتنظيم البوابه ماتدورن كيف الواحد يعتب عشان ينظم ويعدل وانتوا الله يهديكم تبون الفوضى ترجع
ثاني شي حبيبتي موضوع الاستفسارات توه ببدايه الثلاثينات ماوصل ستين الف صفحه على كلامج ولو وصل صفحات كثيره بنحذفه ونحط واحد ثاني
ومافيها شي لوحطيتي استفسارج وانتظرتي الرد وانا احاول باسرع وقت ارد عليكم وماانتظر ارد بعد فتره طويله الا لظروف خارجه عن ارادتي وطبعاغير استفسارت السكن مانحذف شي ابد الا اذا كان مخالف لقوانين المنتدى والاداره بنفسها قالت ممنوع ولازم ينحذف
وبالنسبه لبوابه خاصه بالاستفسارات احنا المشرفين مالنا علاقه فيها راسلي الاداره وشوفي شيردون عليج
اتمنى انج فهمتي الوضع حبيبتي

eman_kk
اتفق معك وبقوة

وعليكم السلام ورحمة الله وبركاته
بالنسبه للموضوع المثبت والخاص بأستفسارات الفنادق والشقق ، وضعته اختنا الفاضله فاررسه لتسهيل وتنظيم البوابة من كثرة الاسئلة المتكرره ولمعرفة غالبية الأعضاء لهذه البوابه بوجود الموضوع المثبت لتعم الفائده في الطرح للجميع ..
وأنا من مؤيدي الفكره ، لأنني شاهدت البوابة قبل الموضوع المثبت وبعد وعرفت الفرق ..
هذا من وجهة نظري الشخصيه ، ولو كان على طلبك قسم خاص للأستفسارات لكان أفضل ، ويكون لكل عضو ان حب يستفسر موضوعه المستقل ، ولكن اجده صعب لأن لو صار فعلاً لأنتهت مهمة البوابة لأن الاستفسار بيكون عن كل شي وما راح يخص السكن فقط ..
وأتمنى لك وللجميع التوفيق والرأي السديد ..

اتفق مع كاتب الموضوع
موضوع الإستفسارات أصلاً يقتل المنتدى
ويجيب الملل
غالباً الواحد يدخل المنتدى لشيئين
الأول اذا كان مروق ويبي يشوف تقارير وهذي مافيها أي مشكله
الثاني يكون مستعجل ويبغى معلومه سريعه
لو كتب موضوع انحلت مشكلته بسرعه كبيره
وممكن يرد عليه أي عضو
اما سالفة الموضوع المثبت ( الممل ) فما دخلت مزاجي
مع احترامي لمجهودات المشرفين
على العموم .. هذا أحد مشاكل منتدى العرب المسافرون
زوار وأعضاء ( كثر )
وإذا جت الصاميل مالقيت أحد !!!!
وكلها بسبة نقل المواضيع وحذفها والإصرار على مواضيع الإستفسارات المثبته أو أقسامها ( الميته )

الغاليه الفارسه
اقدر جهودك وكل المنظمين خلف الكواليس في ترتيب هذه البوابة..
واكيد ما ابي تكون بوابتنا فوضى وحوسه,,
ابي ساحه خاصه للاستفسارات فقط لاغير..
وبعدين انا لما قلت 60 الف صفحه قلتها من باب المبالغه فقط لاغير والا اكيد انه ما وصل ولا راح يوصل,,,,
واذا الاداره مو مقتنعين يا ريت ينزلون تصويت
(( مع او ضد بوابه خاصه للاستفسارات ))
وبناء على نتيجة التصويت ينظر في الامر..

divino
لا فض فوك اخوي

eman_kk

• في حال الرغبة بإبداء اقتراح أو الاتصال بإدارة العرب المسافرون لأي سبب كان يجب طرح ذلك في بوابة " بوابة الاقتراحات والحلول والدعم الفني " أو عبر البريد الالكتروني بواسطة " اتصل بنا " .
• يمنع منعا باتا التدخل بالأمور الإدارية من خلال الكتابة لبوابات العرب المسافرون .

منتدى العرب المسافرون - قوانين وشروط المنتدى https://artravelers.com