كابتن
وش أسم الشاليهات واذا ممكن عندك صور لها
من خلال زياره عابره للقنفذه قبل عامين وجدتها مدينه متجاهله للأسف من الحكومه مع العلم انها تملك شواطىء جميله
وسكانها أهل طيبه وكرم

حياك الله يا كابتن
فعلا فيه شاليهات واسمها بعد الكادي وهي لمجموعة من
تجار محافظة بلجرشي متوسط اسعارها تقريبا 200 ريال
وهي دورين وتقع قرب شاطئ رأس حنيش
انا من زورا القنفذة لكن ما حصل واني استأجرت فيها
على البحر على طول
مهاجر انت شفتها قبل عامين اجل لو زرت قبل خمس وش بتقول
هي كانت متجاهلة لكن هي الان متطورة نوعا ما
والسبب هو ان كثير من تجار بلجرشي حولوا جزء من تجارتهم هناك
وسلامتكم

الأخ بلا ملامح
أشكرك على سرعة الرد
وفعلاً انا سمعت ان البلد دمرانه
وانا شفت بعيوني بعض أهلها ساكنين في عشش
لا حول ولا قوة إلا بالله
لماذا يتم الإهتمام بمناطق دون أخرى
من حق المواطن ان ينعم بالعيش الرغد في أي مكان مثل البقيه
لكن ما نقول إلا حسبي الله ونعم الوكيل

مهاجر
وش فيك اخوي انت الظاهر زرتها قبل 10 سنين
بالعكس القنفذة تطورت تطور جميل
اسواق ومطاعم وفندق وشقق مفروشة
وفي عندهم مشروع مطعم البيك والطازج البيك صار في القنفذة
ولا وصل عندنا بالرياض
وعندهم كورنيش حديث وجميل والمزدوج الجديد بيمر من القنفذة
وعندهم ايضا كلية تقنية وكلية معلمين وكلية التربية للبنات
وصناعية وادارة تعليم منفصلة لحالها وشركة الكهرباء الرئيسية عندهم بعد
زروها الان خاصة ان الاجواء جيدة واحكم بنفسك

الحقيقه ان المدينه جميله وخاصة في فصل الشتاء بس خذ في بالك لاتظن انها مثل جده او الخبر
ولكن الاخ اللي يقول انها عشش او شي من هذا القبيل فكلامه اما انه قديم قبل 10 سنوات او انه لايقصدها
والله اعلم
سؤالي للاخوان ماهو مستوى الخدمه داخل هذه الشاليهات وهل فعلا تستاهل المشوار
ودمتم لنا ذخرا