السلام عليكم ورحمة الله،،
الله يسعد اوقاتكم اخواني واخواتي المسافرين،،
أي مسافر خليجي اقابله وهو لسا واصل يسألني ( وين احصل اكل عربي زين ) ولازم اجاوبه على قد سؤاله وبدون فلسفة
لكن انتم ان شاءالله اني امون عليكم
انا اعتبر الاكل جزء من التجربة السياحية ، وكثير مطاعم في ماليزيا حلال ومايمنع انك تجرب.
والمشكلة في المطاعم العربية ان الاكل مو ذاك الزود فضلا عن المبالغة في السعر،، ومو ذاك المندي ولا الكبسة اللي حنا عارفينها وقابلني اذا شبعتك الوجبة
انا اكره ان يتم استغلال الخليجي بكل مكان ،، السياحة في البلدان العربية يستغلوننا وترتفع الاسعار علينا،،
نجي ماليزيا ونحصل نفس الزلمات ،، واعرف ثلاث او اربع مطاعم بينهم صحبة واتفاقيات على ان تكون الاسعار في بوكيت بنتانق ( شارع العرب) مرتفعه ،، وفيه كذا مطعم فتحوا في سلطان اسماعيل ونقضوا العهود وصاروا يبيعون متوسط سعر الوجبة الخليجية 20 رنكت بدلا من 35 رنكت
وحنا ياغافل لك الله،،
مع العلم ان المطاعم الهندية والتايلاندية تبيع الوجبة بمتوسط 9 رنكت ،، ليه ما يسوون اتفاقيات ويستغلون ربعهم مثل (أخواننا ) العرب؟
والله المبالغ ماتعني شي خصوصا للي جايين سياحة ،، لكن الاستغلال والجشع يقهر،، يقهر. بغض النظر عن السعر.
اذا مشيت في بوكت بنتانق بتتكرر عليك جمل مثل ( حلاق عربي- مكتب سياحة عربي- مطعم عربي اكلات عربية -) بعني وس بيفرق اذا صار عربي ؟؟
نصيحتي لاخواني الخليجيين يجربون الاكل التايلاندي ،، روح لجالان ألور jalan alor خلف بوكت بنتانق وجرب تشكن فرايد رايس
والله ماكتبت هالكلام الا ناصح لا اكثر. وهذي وجهة نظري ان الأكل جزء من التجربة السياحية
تكفون لايغشونكم خلوهم ينزلون الاسعار واذا مابدهمش لاتروحون،،، قصدي اذا مايبون ينزلون الاسعار خليهم على اتفاقياتهم*
واي مساعدة في ماليزيا انا حاضر ومجانا ... مساعدة عربي. يوزر عربي ههه خصوصا اللي جايين جدد لايترددون بالسؤال *