برجايا تايم سكوير
فندق فخم وثمنه غالي نوعا ما
تحته افضل اسواق ماليزيا
ومدينة ملاهي اعتدق انها الاروع في كوالا

السلام عليكم
انا سكنت في ريناسنس
الفندق روعه روعه روعه
الفندق فخم جداً
الخدمة فوق الممتاز
وجبة الفطور روعه
حوض السباحة فضيع
الأمن ممتاز جداً
يعني الفندق كلو على بعضوا حلو
عيبه الوحيد انه بعيد عن شاراع بوكت بنتانغ ( شارع العرب )
بس ما تعتبر مشكلة لأنه أي تاكسي بيوديك وما بيكلفك المشوار اكثر من 5 رنجت
وهو قريب من التوين تورز ممكن تروح له مشي لمدة 7 دقايق تقريباً
التقديرالعام للفندق : 98%

السلام عليكم
في كوالا فندق دوسيت ريجنسي (فخم جدا وعلى شارع بوكيت بينتانغ اللي يتميز بكثرة الخدمات وخاصة المطاعم العربيه ومحلات صرف العمله وسعره الليله 180 ريال).
بينانغ فندق هوليداي إن ( على شاطئ فيرنجي وفطورهم حلو وخدماتهم عاليه الليله 220 ريال ).
0

السلام عليكم ،،
الإخوه captin999 ، بنت البحرين ، ALAWI
أشكر لكم جميل تفاعلكم ونبغى شرح أكثر تفصيل يعني يكون الشرح كأن الواحد اللي ما سبق أنه جاء للفندق يعطيه انطباع أنه من ساكني الفندق ،،
ونبغى التفاعل من الجميع والا ترى أبلغي يوزري والباسوورد وأدخل النت للتشييك على الإيميل وبس ،،، بكيفكم ،،،

وعليكم السلام ...
ودي اقول قصة صارت لي قبل دقائق معاك طيب
جالس اقرأ الردود بدون ما اطل في الاسامي وشفت ردك
الاخير ...وهو تهديد صريح ...ما ادري هي مزحة ولا من جد
ولكن بصراحة انا زعلت وقلت في نفسي روحة بلا رجعة
والقلب داعي لك ولا تحلم احد يشارك لك بأسلوبك الفظ وبعدها
رحت اشوف الاسم والقاه مسافر 2006 قلت في نفسي افا
هذا رجل كريم وينشرى وخروجه خسارة لنا وللمنتدى وخاصة
انه رجل يخاف الله ما شفنا منه الا كل خير وخاصة بعد ما قريت
ردك في موضوع الصدقة وكان ردك رائع وفيه من الحكمة الكثير
فوالله بلا ادني تردد دخلت لاجل اشارك ولاجل لا تنسحب من
المنتدى ونكسبك اخ لنا عزيز ...انت عارف يا اخوي انه
الطالب غير العاطي والطالب وده كل شيء والعاطي ربما
بعضهم يبخل او يكون عنده ظرف منعه مثل ضيق وقت او غيره .
هذا الكلام ان كنت تتكلم من جد لكن ان شاء الله كنت تمزح
المهم فهمت قصدي اخوي وترانا نشري اخوتك اخوي
اشارك ...فنادق كثيرة عجبتني لكن اجد نفسي منجذب اكثر ل :
بان باسفيك هوتيل .
المدينة : كوالالمبور
الشارع : جالان بوترا
الفئة :5 نجوم
السعر : 220-240 ديلوكس مع الافطار .
الفندق بنايته عالية وجميلة وجنبه مقر الحزب الحاكم (امنو)
وجنبه مركز التجارة وقدامه مول كبير وجميل وقريب منه
محطة بيرهنتيان بوترا للباصات المتجهة للولايات الشمالية
وجنبه باجهة الاخر محطة LRT وقدامك 4 صفوف تكاسي
واحد للفندف واخر للشارع العام واخر للمول المقابل واخر
لفندق ليجند المقابل .
عاد التاكسي يوقفك قدام الفندق ويجيك البواب يفك لك باب
السيارة ويشوف طختك وعلى اساسها يعطيك التحية وان
شافك من جماعتنا حيقول السلام عليكم ويفك رجل اخر
شنطة التاكسي ويربط اوراق في شنطك ويعطيك اجزاء
منها لاجل تعطيها للموظف فوق ...وتدخل الفندق ويقابلك
درج عادي ودرج كهربائي يطلعك للدور العلوي ....
وتلقى على يمينك مكان استراحة الحمالين والكاونتر حقهم
وعلىيدك اليسار كشك صغير يبيع شرائح جوال وموية
وكتيبات وكتب سياحية وكاميرات وافلام ...الخ .
وتطلع فوق وتترك فقشك هم يتصرفوا فيه ...وتوصل للدور
اللي فيه الاستقبال واللوبي والدنيا شرحة وحلوة
وناس شياكة ولوبي بسيط وجميل وعلى يدك اليمين
مكان الاصنصيرات وجنبه من الخارج مكتب خدمة النزلاء
لاجل حجوزات الرحلات وجنتنغ وغيرها وقبله ..يعني
على يدك اليمين يوصلك للمطعم اللي تفطر فيه كل صباح ان
شاء الله وقبله في ....نحطه في سطر ثاني لاجل اسم الله
في بار وتجي واحدة حرمة صينية باليل مع رجال وهي تعزف
على الغيتار وتغني وهو على البيانو ...ممكن واحد يقول وش
دراك ...ارد عليه لاني كنت جالس اسمع مع كل اسف .
وقدامك الكاونتر تبع الموظفين وامكان الاتراحة حولك .
وتعاملهم راقي جداً ومحترمين لابعد الحدود واغلبهم مسلمين
وتسيلمهم الفوتشر او تدفع لهم عربون وبعدها يوجهك
لغرفتك ودورها ورقمها ويوصلك للغرفة وبعضهم للاصنصير
وتروح الدور اللي انت فيه وفي سيب جميل وشرح
تروح لغرفتك وتدخل كرتك وبسم الله ...
السلام علينا وعلى عبادِ الله المؤمنين .
وغرفهم جميلو ونظيفة والكروت معلقة ودورة مياههم
يكرمكم ربي رائعة والمكيفات هادئة وباردة جداً طبعاً
مركزي .. ويجيك الموظف بالشنط ويعلمك لو بغيت
كيفية استخدام صندوق الامانات ...والقبلة معروفة
لوجود اشارة بالسقف ...ويسألك الموظف بغيت الميني
بار ولا نزهم عامل يشيله وتعطيه 5 رينجيت ...نقله ازهمه
وخله يشيله وياخذ اللي يبغاه ...وبالدولاب مكوى ولوح
كوي ...مش كل الفنادق 5 نجوم تعطيك مكوى ...اللي
دوبه جاي من بلده وحوايجه تكون نظيفة ومكوية من بلده
لكن لاجل التطبيق اللي صار تكرمش شوي فيصير عندك
مكوى وتمسد عليها تمسيد ...اما ان كان كوي كامل او غسيل
فرفعة تلفون وتجيك حرمة هندية طيبة ومحترمة تقلها
بعد 3 ساعات تجيبها لك بعد ساعتين ...ووالله انه مرة كنت
مشعتر فلوسي في الغرفة تقول الحمدلله مدير البنك الدولي
والقى فلوسي مرتبة في الدرج وقت ما رجعت وما اتوقع انه
نقص مها شيء والله اعلم ...ووالله لو راحت الفلوس كلها
ما كان فكيت فمي لانه خطئي ...صراحة فندق عاجبني بحق
اقول للحمال ودي في سيارة مرسيدس يقول خسارة تضيع فلوسك
وخذ بدالها بردانا والفرق النصف ...قلت اقلك لا يكون ما
عندكم مرسيدس وبغيت تصرفني والقاه يقول شف هذه
المرسيدس وهذه البردانا وانت اختار ...اعجبت فيه .
فندق فخامة ممتاز وموقع شرح وناسه طيبين وفطورهم طعم .
واصنصيراتهم ما توقف وياكثرها ...ماشاء الله تبارك الله .
المول قدامك واللي ينقصك دقائق .
وان بغيت اكل ملايو بلدي اخرج من الفندق وخذ يسارك
وامشي شوي وحيصادفك درج للاسفل ان نزلته
حتلقى مطاعم شعبية ملايوية ماكنت اعرفها لين
موظف الاستقبال بالفندق جزاه الله خير عزمني اتغدى معاه .
وللبرجين او شارعنا المزعوم 5 دقائق و4 رينجيت فقط .
وهذا هو الفندق :
http://www.marimari.com/hotel/malaysia/panpacific/kl/index.html
موفق اخوي بأذن الله وان شاء الله مافيها خروج ولا غيره
ولك تحياتي وتقديري
والسلام عليكم

السلام عليكم ،،،
يا حبيلك يا الشعيبي تصدق بغيت أظف وجهي إلا ربع مثل سالفة الساعه ثنتين إلا ربع يعني بغيت أظف وجهي إلا شوي ردك رائع ووصفك أروع وكلك على بعض روعه ( أشوف الدعوى صارت غزل لو تدري عروستك الماليزيه اللي معها حزام أسود في مدري وشو لعبتهم كان فقعت وجهي ) المهم حبييب ألبي أنت ما عرفت مسافر 2006 الزعل هذا بحمد الله ما له طريق أبشرك وبطبعي أحب المزح بس أهم شي لحد يزعل مني واللي ياخذ على خاطره مني في كلمه أو عباره أو تعبير معين خلال مشاركاتي رجاءً يبلغني بالشي هذا وأنا أقوم من الكرسي حقي وأحب راسه ،،،
أتمنى من الجميع وصف أماكن إقامتهم كما فعل الإمبراطور الشعيبي وأتمنى أن تقبل هذا اللقب ( إمبراطور المنتدى ) يله أشوفكم على خير ،،،

السلام عليكم جميعا
يا اخوان .. اذا تكرمتوا
عطونا خبراتكم وارائكم .. اكثر شي في فنادق
بينانغ ... ولانكاوي
لانه بصراحه كثرت الاراء والواحد صار محتار
عطونا ... الخلاصه
تحياتي
اخوكم

يله يا شباب ويا شبابات وين وصف الفنادق اللي سكنتوا فيها يله خلوا اللي يطلع على الموضوع كأنه سكن الفندق ببلاش لا تبخلون علينا وصدقوني الموضوع له فوائد كثيره غير سالفة إن الواحد يعرف الفندق ومميزاته لكن من فوائده قوة التعبير والوصف وهل الواحد يقدر يوصف الشي أو من جنبها ،،،،
يله الهمه والنشاط اتركوا الكسل واشربوا الحليب ،،،،،،،،،

ننتظر وصفكم وشرحكم للفنادق اللي سكنتوا فيها ،،
يله يا شباب الهمه شوي ترى أبرقد = أبنام = أبنوم = i will go to sleep ،،،،،،،،،،