وعليكم السلام ورحمة الله وبركاته ...
حياك الله اخوي وميض وابشر يا غالي
ان شاء الله ان اردت التمديد اهم شيء الطيارة واما الفندق
فأمرها ابسط من بسط البساطة
ومر علي مثل هالموقف .. فبغيت امدد في فندق بي فيو ببينانغ
وكان حجزي لليلتين فقط عن طريق مكتب ... فمددتها من عند
الفندق نفسه ليلتين اخرى ولا تحتاج لاتصال ولا غيره واعطوني
بنفس سعر الليلتين اللي اخذتها من المكتب وبنفس الغرفة .
ومر علي موقف اني نقصت المدة في منتجع بوكيت ميراه
فأخذت فيها ليلتين ولكن بعد ماشفت الهدوء وما كان بالمنتجع
الا اخوك وعائلتين فنقصتها لليلة وكانوا قمة في الذوق
والتعاون واعطوني حقي وباسوني فوقها وقالوا حنا نتخالص
مع المكتب ... كبروا في عيني والله وربي يرزقنا ويرزقهم .
ولكن ان كان امر التمديد مؤكد من الان فالافضل انك تريح
بالك من بدري من هنا وكلها مشوار بسيط وكلمتين
ولكن ان كان قرارك من هناك فمن الفندق مباشرة وربي ييسر امرك .
نعم يوجد وسيلة مواصلات من بينانغ للنكاوي غير الطائرة
اللي هو الفيري ... اللي هو عبارة او نقالة بحرية وترانا
نحذر منها خوف من الدوار والغثيان والطراش ولكن مو
كل الناس زي بعض وانا صراحة تعبت منها وتوبة
وتراهم يبيعون حبوب منع الدوار وتاخذها قبلها بفترة
واسئل عنها موظفين فندقك وانتبه لا يكون مخدرات
وخل موظفين فندقك يشترون لك تذاكر الفيري وعطهم حق
تعبهم وهم يجيبون لك توقيتها ويقومون بواجبهم .
اللاب توب اخذته اخر مرة وكان وجوده زي عدمه وكنت
طول وقتي بره وخليته يراقب غرفتي في غيابي
زيادة حملة وشيل وبس ... واتصقع في كل مكان شلته
معاية ... لكن ان كنت بغيت تنزل صور وغيره عاد شيء
ثاني ... وانا والله ما استفدت منه وحتى الكاميرا ما اشيلها
لأجل يكون تحركي اسرع واريح بالي واشوف الدنيا لحالي
تصدق تندمت ما تصورت كثير في رحلاتي وقلت خسارة كيف
احفادي ان شاء الله يشوفون دشرات جدهم
اللاب توب والله يرجع لك اخوي وميض ولكن عن نفسي مش
حأشيلها ابداً دام نيتي السياحة والتماشي ولا عندك وقت اصلاً .
موفق اخوي وميض بأذن الله والله يجعل رحلتكم سعيدة
ولا يكون طفشتك بكلامي وتروحون وترجعون بالسلامة .
والسلام عليكم

السلام عليكم مرة ثانية اخوي وميض
اسفين يا سيدي كتبت ردي الاولاني بسرعة لاجل
ابغى انزل اجيب كيت كات من الثلاجة وانا نازل افتكرت
استفسار كنت كاتبها اخوي العزيز عشان تعرف اني افكر فيك
اللي هو هل وضعك للاب توب بالغرفة آمن ؟
اتكلم عن تجربتي يا طيب ... صراحة كنت احطها فوق السرير
واتركها عند خروجي وبعض الاحيان احطها في دولاب الحوايج .
وبصراحة ماصار لها ولا شيء وما اتوقع انه احد فكر يفكها
حتى ... وترى كل دور له عمال نظافة معينين فأن صاراي شيء
فراح يورط نفسه العامل بكل سهولة وبكل امانة على عدد
ماجربت من فنادق بماليزيا وحتى بو نجمتين ونصف لكن
لقيت منهم امانة وسواء كانت ملايوية او صينية او هندية .
تقول بغيت احطها في السفتي بوكس ... انا ما جربت ولكن
ما توقع انها تسع ... لانه السفتي بوكس سعته اصغرمن انك
تدخل الجهاز فيه وبعدين لا تكتمه
حطه في الدولاب وبأذن الله ما احد راح يجيه .. هذا ان قررت
تأخذها معاك هذه هي النقطة اللي رجعت لاجلها
اتفضل معانا اصباع كت كات واللي يبغى يتفضل
موفق اخوي وميض بأذن الله ورحلة سعيدة بأذنه سبحانه .
والسلام عليكم

الاخ الشعيبي
اسال الله ان يجزاك خيرا وان يعطيك ما تتمناه .... امين يارب العالمين