السلام عليكم يا احلى منتدى
انا الصراحه اول مره اشترك واكتب ف منتدى , كل مره اخذ المعلومات اللي ابيها واشرد( من درابك يا ولد )
انا هالمره ناوي اسافر لماليزيا ويا العائله (زرتها قبل سنين وكانت رحله شبابية الله يستر )
احتاج ترتيب جدول مرتب من الاخوان واعضاء المنتدى اللي ما يقصرون الصراحه ( الله يوفقكم )
- السفره بتكون ف ابريل ولمده عشر ايام تقريبا
- ما عندي مشكله فالميزانيه ( اهم شي الراحه النفسيه )
- نحن عددنا 7 بالغين و 4 اطفال
- انا وزوجتي ورضيع
- اخوي وزوجته و3 اطفال ( اكبرهم 4 سنين واصغرهم رضيعه )
- 3 خوات الله يخليهم لنا
بخصوص الفنادق لاخوي كيف احجز له غرفه تاخذهم كلهم لان بناته الصغار مستحيل ينامن بروحهن
للعلم زيارتي الشبابيه كانت لنكاوي بينانج وكوالا
