السلام عليكم ورحمة الله وبركاته
يسعد صباح ومساء الجميع حابه استشيركم ف خطتنا وإذا فيه أي تعديل او ترتيب ثاني أسعفوني وإذا أحط مكان بدل مكان
والحاجه الثانيه هل الأماكن الي بزورها ف اليوم الواحد قريبه من بعض او الله يعافيكم ضبطوها لي بحيث أني ما أروح مكان شمال والمكان الي بعده جنوب إن شاءالله فهمتوني
بنمشي من ميونخ الى انترلاكن عن طريق السياره
الخروج من بدري المرور ع بحيرة كونستانس ثم شلالات الراين ثم التوجه للفندق ف انترلاكن ونريح شوي وبعدها نأخذ لفه حوالين الفندق ونتعرف ع انترلاكن وبعدها نرجع للنوم
واليوم الثاني بعد الإفطار الذهاب الى قرية جرايندولد او لوتربون والتوجه لقمة جونقفرو لو طلعنا من جرايندولد أكيد بنرجع لها وبنروح الزحليقه الي هناك وبعد ما نخلص نروح للتروميل باخ
العوده لانترلاكن
اليوم الي بعده البحيره الزرقاء وبعدها الاوشن سي والزحليقه الي هناك
وبعدها لمطل himwehfluh وايش تنصحوني كمان ف هذا اليوم
لو أروح جبل مولسون او شلال الجان او قمة جلاسيرز
اليوم الي بعده افكر أروح قرية هايدي او حديقة الحيوانات الي بزيورخ او الاثنين إذا كانو قريبين من بعض أش رأيكم
اليوم الي بطلع فيه لجنيف وأنا رايحه بمر مصنع الشوكولا والجبن وقلعة غرويير gruyereschateau
ونكمل ع جنيف للفندق ثم ع السنتر والتعرف ع جنيف اليوم الي بعده إن شاءالله بنروح ع قشتاد وجلايسر والي بعده أن شاءالله بروح آنسي
كذا باقي لي يومين ف جنيف أش أسوي فيها
أكيد بروح المانور والحديقة الانجليزية وايش كمان
الله يعافيكم أبي إحداثيات الأماكن الي ذكرتها و الي بتذكرونهم لي لقيت ف المنتدى إحداثيات بس مع مقارنتها بالأحداثيات ف مواضيع ثانيه ف المنتدى تختلف من موضوع للثاني لنفس المكان
بليز الي عنده ودقيقه يعطيني إياها
سؤال أخير هل السويس واليوريل باس بتفيدني وأحنا معانا سياره مع العلم أن السياره بنستلمها آخر يوم ف ميونخ وبنسلمها ف اول يوم ف باريس وإذا بنستفيد منها أش افضل شئ إحنا 2 كبار وطفل اربع سنوات
ألف مليون شكر للي بيساعدوني
وألف مليون شكر لجميع الأعضاء الى أفادونا بمواضيعهم ومابخلوا بأي معلومه الأخ أبو فارس الأخ سياله والأخ hekayat1987 خصيتهم لأني قريت مواضيعهم
ولايهونون الأعضاء الباقين