وعليكم السلام ورحمة الله وبركاته...
أنا رحت تايلاند لكن ما رحت غير بانكوك .. وأندونيسيا رحتها لكن جلست في جزيرة بالي أكثر الأيام... والصين رحتها أكثر من مدينة...
من ناحية السياحة أندونيسيا مناسبة جداً ... والأسعار مناسبة .. والفيزا من المطار تستخرجها بسهولة ممكن تشوف تقارير الاخوه والاخوات...وانا قاعد اتكلم عن بالي بتحصل الموضوع في تقريري
الاكل الحلال كثير خصوصاً في مناطق قريبة من جاكرتا مثل بونشاك ..أكثر فيها مسلمين من أهل أندونيسيا... الفنادق متناولة فيه المتوسط والغالي والرخيص...واللغة إنجليزية....
والصين تأتي بالمرحلة الثانية بالنسبة لي...والسبب صعوبة إيجاد الأكل الحلال في بعض الأماكن... والاعتماد على الطائرات في أغلب التنقلات بين المدن البعيده... والفيز تستخرجها من بلدك أفضل أو فيه حل استخراجها من دولة البحرين اذا انت قريب لها...والفنادق متناولة...اللغة عندهم تعبانه يعرفون الصينيه وقليل منهم يعرف الانجليزية..
لكن الصين فيها سوق وطبيعه للي يحب يجمع بين هذين الهدفين خصوصاً أنه التسوق في كوانزو وهونج كونج قريبة منك تقدر تزورها بدون فيزا وفيها سياحه...وهونج كونج دولة مستقلة بتضرب عصفورين في حجر...
تايلاند ما عندي فكرة عنها وايد لأني قعدت في بانكوك أكثر الأيام ... يبيلج فرة بين الأقسام في المنتدى الي تخص هذي الدول حتى تتوصلين إلى اقتناع بالدولة..
بالتوفيق

مشكور أخي الكريم ما قصرت وإن شاء الله في ميزان حسناتك
وأنا حاليا اشوف تقارير الأعضاء ولا زلت في حيرة
في انتظار اراء باقي الأعضااء

السلام عليكم ورحمة الله وبركاته
أنا زرت تايلند لمرات عديدة وأكثر الأماكن اللي جلست فيها هي بانكوك للتسوق وبوكيت للرحلات والوناسة .
الاسعار في تايلند جيدة ولم نجد صعوبة في الاكل والمطاعم ففي بوكيت العديد من المطاعم الحلال على الباتونج وفي بانكوك كنا نروح نانا عشان المطاعم الحلال. واذا كنا في السوق او مناطق بعيدة كنا ناخذ من كنتاكي لأنه حلال في تايلند.
لم ازر اندونيسيا والصين ان شاء الله هذي السنة من باب التغيير مع أن بوكيت راح توحشنا.
الفنادق في بوكيت احلى وارخص من بانكوك مع ان الفنادق في بانكوك تقدر تلاقيها باسعار جيدة.

اهلاا أخي الفاضل
جزاك الله ألف خير
وصراحة أنا بدأت أميل لتايلند أكثر من اندونيسيا والصين
لاني لاحظت من تقاير الأعضاء ان في تايلند أقدر اجمع بين السياحة والترفيه
و جمال الطبيعة والتسوق ..
بس بعدني بشاور الأهل وبشوف وش رايهم ..

السلا عليكم ورحمة الله وبركاته
وعليكم السلام ورحمه الله وبركاته ....
اهلاا اخواني احنا حابين نسافر هالصيف إن شاء الله
بس محتارين بين تايلند والصين واندونيسيا ..
فاللي راحوا أي دولة من هالدول ياليت تفيدونا
انا بفيدج بخصوص تايلند اما اندونيسيا والصين مارحتهم ومعلوماتي عنهم محدوده ....
من حيث الانطباع العام عن البلد من الناحية السياحية
تايلند الحلو فيها يجمع بين الاسواق + الطبيعه + والملاهي ..
كيف بالنسبة لأسعار التذاكر والفنادق ..والتاكسي ..؟
والأكل الحلال متوفر ولا لا ..؟
اسعار التذاكر احيدها تبدأ من 2000 لين 3500 وبعض الاحيان يمكن توصل 4000 .. على حسب الطيران
التكااسي رخيصه وشي التوك تك رهيب ولايفوتكم خاصه اللي في بانكوك
والاكل الحلال متوفر ومطاعم عربيه على ائفى من يشيل في شنغماي + بانكوك + بوكيت
واغلب اللي يشتغلون في المطاعم من الجنسيه العربيه ( عراقين واردنين ومصرين )
والفيز هل تأخذ وقت طويل لحد ما تطلع ..؟
كل الجنسيات الخليجيه مايحتاج فيزا اللي مده سفركم بتكون اقل من 30 يوم بس ماعدى السعودين
ممنوعين من السفر ولازم يدخلون بفيزا وماتاخذ اكثر من نص ساعه الى ساعه بالكثير وتاخذونها من
السفاره او المطار ..
ووين الأماكن اللي تنصحونا بزيارتها ..(سواء مناطق سياحية طبيعية - اسواق - حدائق - متاحف .....الخ )
بانكوك = حدائق الدريم ورلد و سفاري بارك + اسواق ..
بوكيت = رحلات وطبيعه
شنغماي = رحلات وطبيعه
وش أفضل المطاعم .. وأفضل موقع للسكن ..؟ كيف الأسعار بالنسبة للتسوق ..؟
المطاعم وايد وزينين .. افضل موقع في السكن
بانكوك = نانا او السيام سكوير عدال المجمعات
بوكيت = الباتونغ بيتش
شنغماي = النايت بزار
الاسعار تبدأ على حسب الشنطه والساعه التقليد كوالتي رقم 1 200 ريال وفوق
والملابس الماركات ماتختلف كثير عن وفي بعض الماركات اغلى عن الخليج..
وكم يوم يكفي للبقاء فيها ..؟ وكيف بالنسبة للغة ..؟
افضل توزيع
3 ايام شنغماي
من 4 ايام الى 7 ايام بوكيت
3 او 4 ايام بانكوك اذا ناوين تتسوقون ..
ودرجة الحرارة في شهر 7 ...
في بوكيت وبانكوك درجه الحراره من 25 الى 32 والجو عندهم امطار طول الاسبوع ماشاء الله ومغيم
وفي حدود كم تكلف الرحلة ل 4 أشخاص
على حسب
نقول التذاكر على الاتحاد 2700 ×4 = 10,800 ريال
الفنادق يبدون من 350 ريال مع فطور
الطيران الداخلي على اير اسيا 200 الى 250 للشخص
المواصلات بالكثير راح تكلفكم 500 الى 1000 ريال خاصه لو استخدمتو القطار في بانكوك
الرحلات 100 الى 180 للشخص وتجمع لكم كذا مكان ..
هذا بالنسبه لتايلند اما باقي الدول اعذريني مازرتهم وماعندي خلفيه عنهم

مشكورة أختي جزاج الله ألف خير
صرااحة ردج فادني وايد
وإن شاء الله في ميزان حسناتج