كثر الله خيرك والله يعطيك العافيه وانا أخوك انا ابجي على كواللمبور ان شاء الله وبقعد فيها 8 ايام مادري وش رايك فيها بالعيد مع أني أول مره أجربها الاسواق والمجمعات فاتحه وكيف العيد والاحتفالات عندهم دامني أول مره اطلع لحالي لها . وش تنصحنا بالزيارات وقت العيد في كوالا

مشكور اخوي على هالخدمه والله يجزيك كل خير ، انا جاي ان شاءالله على ماليزيا 28 رمضان لمدة 7 ليالي انا وزوجتي وبنتي عمرها 3 سنوات ، وانا اول مره ازور ماليزيا وباسكن في الماريوت في كوالالمبور وابغي ارعرف احسن الاماكن الموجوده في كوالالمبور لزيارتها ، واماكن ترفيه لبنتي.
وشكرا

السلام عليكم
جزاك الله خير وجعلها في ميزان حسناتك ماقصرت 0000

د. قانون
مشكور ويعطيك العافيه على الموضوع وعندي استفسار ياليت تفيدنا :

• رحلتي على الخطوط السعودية والوصول لكوالالمبور الساعه 9 صباحاً وبواصل لجزيرة لنكاوي وحجزي من

من كوالا إلى لنكاوي الساعه 11 صباحاً في نفس اليوم . السؤال هل الوقت كافي اخلص اجراءات الجوازات
وكيف طريقة استلام العفش من رحلة دولية إلى رحلة داخلية في مطار كوالا لمبور .
وكل الشكر والتقدير لك

جزاك الله خير يااخوي على هالخدمه الكبيره اللي بتقدمها لاخوانك بالمنتدى..
والله يعينك ان شاء الله ويقويك..

التحية للجميع بس اقولك رايي بس ما تدخل المسافرة المختبة على الخط لأنها ما تعطينا فرصة نتفلسف قصدي نتعلم.
بخصوص أيام العيد صليت التراويح اليوم في مسجد المكتب الاسلامي عشان نشوف الاخوان والعيال يغيرون جو. وسألتهم عن أيام العيد قالوا العطلة للماليزيين فقط أو يعني للمسلمين والملاهي والمجمعات والمولات مفتوحة بل أماكن الترفيه بالأحرى زحمة وهذا كلام ناس عايشين هنا مو أي أحد وخذ العلم من حروف الرجال. وأنا ناوي على بيننق ان شاء الله لعلها أخف شوي وترى العطلة متصلة هالمرة مع الويك اند لأت العيد السبت يعوضون عنه الاثنين.
بخصوص الي بيسكن الماريوت موقعه ممتاز وقريب من البرجين ووسط البلد وإذا انت تحب المشي توصل للجميع ولا تفوتك حديقة البرجين تراها مريحة بس الله يعينك يمكن زحمة العيد أنا مودي العيال من 3 أيام وما فيها أحد غير 4 أطفال.( للمقهورين من الزحمات فقط).
وترى في الماريوت عندك مول ممتاز وراقي وأول ماتدخل خذ يمين تجيك المحلات وفي الوسط كفي عنده بيانو وراه سلم كهربائي انزل معه يجيك بار أعزك الله على اليمين خذ يسار تلقى مطعم طربوش ممتاز جداً وجلساته حلوة وهو أحسن من الفرع الي في شارع العرب.إذا طقك الجوع الله يسلمك رح هناك وبرد على كبدك.

• بخصوص المسافر على الخطوط السعودية صراحة أنا من الناس الي يسمونه ميت قلب يعني لا تاخذ كلامي بس يمكن تلحق أو لا.

على العموم شف ياخوي أول ماتوصل خلك هميم ولا تنشغل إلا بإجراءات السفر وخذ عفشك وختم جوازك ورح للمطار الداخلي لأنه غير الدولي وترى ايراسيا لهم مطار مستقل على ما أظن.وأنا مريت المطار من كم يوم الساعة 12 بالليل فاضي ما فيه أحد.
تحياتي للجميع وحاضرين والدعاء هو المقابل البسيط العظيم في آن واحد.

الله يجزااك خير يادكتوور

الحمد لله يا أبو جود من استطاع منكم أن ينفع أخاه فليفعل.
نحن تحت الطلب.
وبالمجان.
وما نبي إلا الدعاء.
ومن الله الاستجابة.
والي يبي من الأخوان يقدملي خدمة يجيب تمر معاه .
ويبشر بالهدية.

اقولك رايي بس ما تدخل المسافرة المختبة على الخط لأنها ما تعطينا فرصة نتفلسف
المسافره المختبه ماتجاوب عن الناس بمواضيعهم الخاصه بهم...تدخل بس تدعي وتشكر..
وش دعوى والله لو انا مغسول وجهي بمرق