هلابك أخوي الصديق
بالنسبة لماليزيا تراهاممتازه وخصوصاً لشهر العسل
وبالنسبة لي إن شاء الله ناوي أروحها في شهر العسل رغم إني رحت لها مرتين أخرها كانت الشهر هذا ولكن سوف أضيف لها دوله أخرى
كجزيرة موريشيوس أو أي دوله أخرى
تحياتي

شوف يالحبيب
اختيار اي بلد للسياحة يعتمد على عدة معايير ، وان كانت هذه المعايير تختلف من شخص لاخر لكن هناك امور اساسية ... خاصة اذا كانت السياحة عائلية .
بالنسبة لي اعتقد اهم اعتبارين في وجهتي السياحية هما
1- الامن وهذا ان شاء الله موجود في ماليزيا
2- الجو المناسب وهذا اعتقد لك عليه .
بعد هذه المعيارين نجي نفكر في الامور الثانية ... متعة .... ترفيه .... تسوق ....التكلفة ... الخ
انا ان شاء الله راح ازور ماليزيا خلال هذا الشهر ......
لوفكرنا في البديل .... يبقى لازم يكون مثل ماليزيا في المعيار الاول .... وافضل منها في المعيار الثاني
من وجهة نظري البدائل يمكن ان تكون في بلدين والله اعلم .
جنوب افريقيا ( بس مشكلتها انها غاليه)
اندونيسيا ( وهذه تتوفر فيها كل الشروط )

صراحه و هذي وجهة نظري الخاصه
انا استغرب اللي يروح ماليزيا شهر عسل
ايه نعم دوله حلوه و ممتعه و مسلمه.....بس ما تصلح لشهر العسل اطلاقا
ليه؟؟؟؟؟
اولا الواحد في شهر العسل يبغى يختلي بزوجته و يتعرف عليها اكثر و يروق
و ماليزيا مي حقت ترويق اللا اللهم كم مكان...
بعدين تمشي و تسلم على امة لا اله اللا الله....هذا خويك و هذا و لد عمك و هذا معك في الدوام.....و تقعد طول الوقت تتلفت يمين و يسار....
يعني احس الواحد اذا اتزوج وده ينحاش و ماليزيا صايره السعوديه رقم اثنين
بعدين ماقد شفت عروس تجي من ماليزيا اللا و تشتكي...اولا من الحر مسكينه ودها تشخص و اذا رجعت للفندق تطلع مرتبه....لكن في ماليزيا العكس...ترجع و كشتها منتفشه من الرطوبه و متفشله....
غير كذا ماليزيا حقت و ناسه و خرشه مو رومنسيه و هدوء ....اللا مناطق معينه
اول كنا نقول انها الخيار الافضل لشهر العسل لانها رخيصه و دايما المعرس يصير طفران...لكن للأسف الحين صارت غاليه نار.....يعني لو تروح اوروبا احسن بكثير....و ماليزيا تتأجل لين ما يجون الورعان عشان تستانسون انتم و ياهم....حديقه فراشات....قرود....تماسيح....عصافير
بالله المعاريس وش يبون بهالخرابيط.....و اذا هي على الجزر فالمالديف احلى بكثير من لانكاوي و بيننغ
و اكثر هدؤ
هذا والله اعلم.....

انا اشوف مافي شئ اسمه بدل ماليزيا وكما ذكروا الاخوان على حسب متطلبات ومزاج كل شخص تبغى وناسة وناس تروح مصر تبغى طبيعة تروح جنوب شرق اسيا تبغى جو وتماشي تروح اوروبا تبغى استجمام تروح موريشيس وصراحة احلى اختيار كان ممكن اذكره لبنان في الشتاء مع المطر والثلوج بس مانقول غير حسبنا الله ونعم الوكيل وان شاء الله ينصر اخواننا المسلمين في لبنان وفلسطين والعراق وفي كل مكان
وغير كده الي محتار ممكن يدخل في منتدى العرب المسافرون ويطلع على بوابة كل بلد ويشوفها وحيستفيد مليون في المية
واهم من دا كله الميزانية هي تحدد معظم الامور واتمنى اني اكون قد افدتكم وشكرا

ماليزيا ماتنفع للعرسان .......نصيحتي موريسيش ...المالديف .......يعني جزر ....عشان الروقان....

سؤالك حلو .. بس الجواب صعب بسبب اختلاف اذواق الناس و توجهاتهم !
يعني فيه زوجين ودهم برومانسيه و هدوء و فيه ناس ثانيه ودها بهيصه و حياة ,, شخصيا افضل الثانيه و السبب انو الجزر اوكي حلوة و هدوء بس مهما كان الواحد يستحي و راح يملون العرسان بعد فتره بسيطه , صديقتي شهر عسلها كان في المالديف تقول طفشت عدد شعر راسها ! الجزر حدها 5 ايام اسبوع بالكثير (رأي شخصي ) ..
اما بالنسبة لسؤالك عن البديل للعوائل و العرسان و بحكم اني مسافره امريكا و كم دولة اوروبيه الى جانب سنغفورة و مرور بسيط لماليزيا فأحلى رحله قضيتها في حياتي و كل ما اذكرها يوجعني قلبي من حلاوتها كانت شهر عسلي في استراليا روعه شوية عليها قضيت فيها احلى ايام ان كان تبي جو فالجو يجنن " على حسب توقيت الرحلة " و ان كان تبي طبيعه فهي موجوده و ان كان تبي بحر موجود و ان كان تبي سوق سوقهم يجنن و ان كان تبي شعب فمن دون مبالغه ان قلت لك انهم من ألطف الناس اللي شفتهم و شعبهم مرره حبيب !
يالله عليك يا استراليا .. ان كان فيها عيب فهو شئ واحد و هو بعدها يعني الرحلة مشوار ليت مين يسحبها شوي !

ألف شكر للجميع على كريم مشاركتكم

مرحبا
كلن وله ذوقه وبالفعل الميزانيه تحدد كل شي...وطبيعة الاشخاص
حد يقول ماليزيا للعرسان وحد يقول ماتصلح للعرسان..
أنا اشوف على حسب طبيعة الأشخاص..الي يحب الهدوء يروح الجزر
أنا عن نفسي في شهر العسل رحت جزيره والله ما كملنا يومين إلا وطفشنا بحر وطبيعه, اوكي وبعدين لين
متى بنقعد أنشوف البحر..يوم يومين ثلاث خلاص طفشنا..وكل واحد مستحي يقول لثاني انه طفش..الجزر
حدها 5أيام بعد كثير عليها.
وحتى لو في سناتر مش معقوله عروس وبتفلس الريال >>>الريال يقول في خاطره ماكفاها المهر ولعرس
بعد جايه تكمل علي الحين
معني من النوع الي يموت في شي اسمه بحر. ومن قالي زوجي شو رايج نغير الحجز ماصدقت خبر
ووافقت ...الطبيعه حلوه بس مش لمده طويله..وانا في نظري اذا كانو عرسان مع الرحلات للألعاب
والحدايق وغيرها من الاماكن السياحيه يتعودون على بعض أكثر بعكس يوم يقعدون كل واحد مجابل
البحر 24 ساعه وساكتين
وانا عن نفسي أفضل الطبيعه مع تنوع الاماكن السياحيه (حدايق ... ألعاب ... تسوق)
ماليزيا تجمع هالشي فقط الشي الوحيد الي قاصر جوها..بس بعد اشوف انها مناسبه للعرسان
البديل استراليا

والله يأخوان في أماكن كثيرة للرومانسية وأماكن لايعرفها العرب ولاحتي السياح الأاخرون...مشكلتنا نحن العرب نقلد بعضنا ولانحاول اكتشاف الأماكن الجديدة..
أجمل جزيرة في ماليزيا هي ردانج وثاني أجمل جزيرة هي تيومان وتعد هاتين الجزيرتين وبشواطئهما من الأجمل في العالم..فهل وضعها أحد في برنامجه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ويوجد هناك من اكبر الغابات اسمها تمن نيجارا....قابلت عائلة قضوا اسبوع في ولاية صباح ويمدحون فيها وفنادقها أفخم من الي بينانغ ويوجد بها أماكن رائعة وقالوا انه الاسبوع في صباح قليل.....
هناك الاماكن الكثيرة ولكن من يعرف ويحسن الاختيار................