ميسو12
04-09-2022 - 08:07 am
مرحبا اخوي
بصراحة شفتلك ردود للاخوان اللي حيسافرو النمسا
ومتعشمة فيك خير انك راح تساعدني
انا وزوجي ناوين نسافر
على تاريخ
19نوفمبر2009 17 يوم
او 11 فبراير 2010 10 ايام
حسب اجازة زوجي
ناوين نطلع النمسا
بس ايش التاريخ الافضل من حيث الجو
هل ينفع نروحاكثر من مكان يعني ممكن فرنسا والنمسا
اوالنمسا ومكان ثاني
انا ابغى منك طلب ابغاك تساعدني في :
1- خطوط جوية سعرها حلو
2- فنادق 4 او 5 نجوم اماكنها حلوة وقريبة من الاندرقراوند
3- المدن الاحلى في كل مكان وحط في بالك لابد من زيلامسي
3- كم تحتاج المواصلات وكم تكلف لو التنقل بقطار او طيران
4- التكلفة الاجمالية المتوقعة للتاريخين
عارفة اني طفشتك بس متعشمة فيك
شكرا
ولا تحاتين احنا بالخدمه من جميع النواحي
لكن بالاول اختي موعد السفر غير جيد سواء كان شهر 11 او شهر 2 .. لانه في مثل هاذا التوقيت بتكون درجات الحراه اقل من 7 درجات بفينا وميونخ .. واقل من 3 درجات بزيلامسي وسالزبوخ مع امطار .. مما يسبب توقف الانشطه السياحيه .. وضياع المتعه ..
اقترح عليج اختي تاجيل السفر الى شهر 6 وما فوق حتى شهر 10 من السنه القادمه .. لانه النمسا وخصوصا زيلامسي وسالزورخ والاماكن الريفيه الجميله بارده بالصيف ومقبوله وكثير من الفعاليلت تكون مفتوحه والسياحه رائعه بمثل هاذا الوقت ..
اما بخصوص الجمع بين المدن ممكن تكون الرحله بين فينا وزيلامسي وسالزبورخ وميونخ هاذا افضل من ناحية التنقلات
اما المخطط الاخر فينا زيلامسي وسالزبورخ ثم الى ميونخ ومنها طيران داخلي الى باريس
اما لو حابه اتروحين بواحد من التاريخين .. بلغيني وانا حاضر وبالخدمه لجميع تفاصيل الرحله
ولج تحياتي وانا بالانتظار