السلام عليكم ورحمة الله وبركاته
كيفكم
نويت ازور النمسا وفينيسيا ان شاء الله بالربيع القادم ممكن شهر 4..
وحبيت استاجر سيارة نظراً لاني استأجرت سيارة برحلة سابقة لسويسرا وانبسطت كثير كثير من المناظر اللي بالطريق والسفر وتتنقل براحتك لا تاخذ هم قطارات ولا باصات ولا يحزنون.. كلها نافي والسلام..
وخططت تخطيط مبدئي لمدة 14 يوم فيينا ثم سالزبورغ ثم زيلامسي ثم فينيسيا بحيث مطار الوصول والاقلاع هو فيينا ولكن المشكلة بعد المدن الثلاث الاخريات عن فيينا
وحرصي الشديد ان يكون مطار الوصول هو نفسه مطار العودة حتى يكون سعر ايجار السيارة ارخص لانك لو اخذتها من مدينة وسلمتها بمدينة اخرى يطلع اكثر وجربتها لو اخذت فولكس واجن باسات من مطار ميونخ وسلمتها في نفس المكان تطلع عليك ب 300 ريال باليوم
اما لو اخذتها من مطار ميونخ وسلمتها في مطار ميلان مثلاً (لأنه ميلان اقرب مطار دولي على الخطوط السعودية من فينيسيا) تطلع سعر السيارة باليوم 500 ريال وهذا فرق قريب من الدبل..
ففكرت ان يكون مطار الوصول ميونخ واستلام السيارة والتوجه مباشرة الى سالزبورغ اعتقد تبعد 120 كيلو عن ميونخ (من جوجل ايرث) والاقامة لمدة ثلاث ايام لاستكشاف سالزبورغ..
ثم التوجه الى زيلامسي (55 كيلو متر من سالزبورغ) والاقامة لمدة 4 ايام مع زيارة انسبورك والكريميل اذا كان هناك وقت..
ثم التوجه الى فينيسيا (تقريباً 215 كيلو متر من زيلامسي) والاقامة لمدة 3 ايام..
ثم العودة الى ميونخ (تقريباً 305 كيلو متر من فينيسيا) والاقامة لمدة 4 ايام لاستكشاف ميونخ والذهاب لليوروب بارك (حسب علمي انه بميونخ واذا غلطان بليز صححولي)..
وش رايكم بالجدول والمدن مبدئياً؟؟
وخصوصاً ميونخ بدلاً من فيينا نظراً لقربها لسالزبورغ وزيلامسي وفينيسيا ولرخص ايجار السيارة منها؟؟
اتمنى انكم تشوفون الجدول الامثل والترتيب الامثل ل 14 يوم اذا كانت محطة الوصول والسفر ميونخ..
و10 ايام اذا كانت محطة الوصول والسفر فيينا (مع اني ما افضل الخيار هذا نظراً لبعدها عن المدن الثلاث الاخريات)..
وشكراً لكم مقدماً