هلا والله غالينا ( هيثم )
وصلت ياصاحبي ... وأبشر باللي تبي
أسأل الله لك التوفيق في حياتك القادمة ... وأن يجعلك حياتك طيبة مليئة بطاعة الله ...
قبل البدء تفضل هذه التوجيهات :

• أنصحك بالحجز من النت ( الطيران الدولي + الفنادق + الطيران الداخلي )
• الحجز من النت سهل ... وتحتاج فقط ( بطاقة فيزا ) لك أو لاحد معارفك
• تفضل موضوعي هذا يشرح طريقة الحجز من بوكينق ...

جزاك الله خيرا كان بودي مرتفعات الكاميرون بمخططي صورها شجعتني

هلا بك حبيبي ...
الجدول عندك ( 12 يوم ) ... يادوب يكفي للمناطق المذكورة ...
إذا بغيت زيارة الكاميرون ... عندك حلين :
1) تزيد المدة يومين ... وتجعلها للكاميرون
2) تلغي ( بينانغ ) ... وتضيف الكاميرون بدلآ منها
ولو بغيت رأئي المتواضع ... زيد المدة يومين ... ويكون الجدول بهالشكل :
يومين سلانجور ... فندق البيراميد
ثلاثة أيام لنكاوي ... فندق البلانجي بيتش
ثلاثة أيام بينانغ ... فندق البارك رويال
يومين الكاميرون ... فندق الأكواتريال
أربعة أيام كوالا ... فندق الرويال شولان

ما قصر الغالى بوهلا ( وافى ) و يعطيه الف عافيه
اقترح عليك بدل الكاميرون مرتفعات جنتق نفس الاجواء بزيادة الملاهى و الالعاب و التليفريك
ارشح لك جدول برامج رحلتك كالتالى
2 سيلانجور
3 بينانج
2 مرتفعات جنتق
5 كوالالمبور
رحلة موفقة

من وجهت نظري كاميرون لاتستحق الزيارة البعدها ولايذكر فيه شي يستحق الزياره
انصحك بجتنق هاي لاند

جزاكم الله كل خير ووفقكم لمى يحب ويرضى اعتمدت سلانجور ولنكاوي وكوالالمبور بس ايش تنصحوني ببينانج او مرتفعات جنتق

هلا بالغالي ...
أرشح لك جنتنغ لعدة أسباب :
1) منطقة طبيعية ساحرة ... كلها أمطار وضباب وغيوم
2) زيارة لنكاوي تكفي عن بينانغ .... لأنهم جزر ... بينما ( جنتنغ ) منطقة مرتفعة
3) جنتنغ أقرب وأسهل من بينانغ ...

السلام عليكم
أنصحك بجنتننق لأنها منطقه جبليه تعانق السحاب و لجوها الممطرو معتدل البرودةبيننق جزيره تشبه لانكاوي لكنها أكثر حياه
فإذا اخترت جنتننق فأنت نوعت بين بروده الجو ولنكاوي جزيره هائه رومانسيه وكوالا وسلانجور الحداثه والتطور
فالتنويع مطلوب من وجهه نظري

مشكورين لكل من رد علي بس سوالي ابدا باي مدينه قريبه من كوالامبور لاني بخلي كوالالمبور اخر جدولي وابغىاسم فندق سعره طيب ونظيف بجنتنق