أختي الكريمة
جميع الأسئلة التي سألتي عنها موجود عليها إجابات في ثنايا المنتدى
خذي جولة على المنتدى وسوي مجلد احتفظي فيه بكل معلومة تتوقعين أنها تفيدك
وبعد كذا لو أشكل عليك شيء اسألي وستجدين كل التعاون والمساعدة من الأعضاء
تمنياتي لكم بشهر عسل سعيد ورحلة ممتعة بإذن الله

شوفي يا الغاليه
ابيك تسوين بحث وتكتبين (ملف الماهري) فيه كل شي تبينه ,,,
وانا بدوري بنصحك بخصوص الفنادق و المدن
عندك في كوالا فندق الماريوت و المندرين ذولي فوق الخيال و غالين وفيه بعد سن وي لاقون فندق يطل على مدينة العاب و مدينه مائيه ,, وانصحك ما تكثرين ايام في كوالا
وعندك في بيننق وانا اعشق هالجزيره وانصحك تقضين اكثر الايام فيها لانها مريحه وبتنسيك كل شي ,,وعندك فندق قولدن سانس و مموتيارا بس مقفل الحين ,, وبارك رويال.
ولنكاوي حليوه خذي فيها 3 ايام لان ما فيها شي هااديه ,, واحنا اخذنا فيها بفندق شيراتون بردانا وهي اكواخ ,, بس سفرتنا الجايه بنحجز ب فور سيزن ,,,
اما باقي المعلومات تلقينها بملف الماهري وانصحك تطبعين الملف وتاخذينه معكم هناك
بالتوفيق

بداية اتمني لكم حياة سعيدة وبخصوص استفساراتك انا اعتقد 15 يوم كافية
يومين في كوالالمبور في صن واي لاقون
4 ايام في بيننج في بارك رويال واذا الحالة المادية عال في راساساينغ
3 ايام في لنكاوي لكن الفنادق الاخوان يفيدونك اكثر مني لكن شيراتون بيردانا مش سئ
6 ايام في كوالالمبور في استانا او فنادق شارع العرب وخلال تواجدكم في كوالا تروحون
جنتنج (مدينة العاب).
المصاريف من 25000-35000 ريال من اجل رفاهية ومتعة.

السلام عليكم
انتي لفي علي المنتدي و علي تقارير الاخوان والاخوات في بوابة التقارير المصوره
وكوني فكره براسك عن ماليزيا بعدين قولي كم يوم بتجلسون والاهم كم الميزانيه اللي تقدرون عليها وشكرا

انا سافرت الى ماليزيا وقضيت 15يوم 14 ليلة وكانت مو بس ممتعة بل افضل من ممتعة وكانت كالتالي:
1- 3 ايام سيلانجور (( فندق Sunway Lagoon ))
2- 6 ايام بيننق- طبعاً 4 ايام فيها تكفي... (( فندق Matiara hotel ))... واظن انة مقفل للصيانة على حسب ماسمعت... لاكنه فندق خيال من رايي ويستحق 10 نجوم مو بس 5.
3- 3 ايام لانكاوي (( فندق Pelangi Beach resorts ))
4- 2 يوم كوالالمبور ( فندق Marriott ))... لا انصح به!!!!!! لسببين رئيسيين.. الاول مستوى النظافة ليس بالمأمول..والثاني الافطار في الفندق لا يرتقي الى ماتطمح اليه العائلة الخليجية او العرب بمعنى لن تجد ماتأكله الا الجبن والخبز المحرووق في بعض الاحيان واشياء طفيفة جداً..... فمعظم الاكل لا يناسبك ولا تعرف ماهو!!!!... بخلاف المطاعم في الفنادق المذكورة اعلاه فهي قمة في الذوق والتقديم..
ملاحظة= انصح بزيادة الايام في كوالالمبور ولكن في فندق اخر طبعاً...
## طبعاً السعر كان 14000 الف ريال سعودي شامل التذاكر الدولية والداخلية 3 رحلات والافطار جميع الايام ... والغرف كانت Grand deluxe ماعدا ماريوت فكانت Deluxe
لزيادة الايضاح...... انا جاهز فقط اسألوا وراح اجيبكم طبعاً بخصوص رحلتي فقط..

اتمني التصفح في المنتدى لانه فيه جميع الاجابات

انا عن نفسي كلفتنا الرحلة بس 20000 انا وزوجي وزي ماقالتلك زوجة احلى رجلهذي الاماكن مره ممتازه وانا رحتها واتمنالكم شهر عسل سعيد

كل موضوع في المنتدى راح يفيدك