بسم الله الرحمن الرحيم
السلام عليكم اخواني واخواتي اعضاء هذا المنتدى الرائع
حبيت انوه على كل الاخوان المسافرين الى ماليزيا باخذ الحيطه والحذر من جميع الجوانب
بخبركم عن سالفة صارتلي من نصف ساعه وبغيت احذر الاخوان عشان تكون معاهم ردة فعل سريعه
ومناسبه للموقف
وانا جاي من المجمع التجاري ومتجه صوب الشقه وفي ايدي اليمين النقال جالس اكلم الوالد
وفي ايدي اليسار كيس اغراض للبيت وفي ظهري هذيك الشنطه ( الحبيب راجع من الصاله الرياضيه )
الا وهذيك الدراجه اللي تصفط صوبي وفيها هنديين الله لا يحفظهم وين ما حلو
نزل واحد فيهم يقولي تتكلم ماليزي قلتله لا انجليزي وامشي حالي
قالي انت من هذي المنطقه ( انا كنت مفكرنه بيسالني عن مكان في هالمنطقه ) قلت لا
بس ممكن اني افيدك اذا بغيت تعرف مكان معين ( انا طبعا صارلي 3 اسابيع بس الحمد لله حفظت هذي المنطقه )
قالي طلع الجواز ، قلت له ليش ، قالي اشيك عليه بس
سالته وقلتله انت شرطي قالي نعم ، وزميله جالس يشوف علي ( المشكله انهم كبار ما شباب )
قلتله اوكي انت طلع بطاقتك قالي ليش ، قلتله عشان اتطمن ، قالي ما مصدقني ، قلتله مصدقنك بس
حبيت اتاكد
قالي لا تخاف انا فقط بغيت اشيك على الجواز ، قلتله اوكي وانا ما طلبتك طلب تعجيزي قلتلك فقط
ابا اشوف بطاقتك العسكريه ( طبعا الدراجه ما عليها اي حاجه تثبت انها للشرطه وهو زيه ما يثبت انه
شرطي بس يجوز انه كان يبا يوهمني انه في التحريات )
النذل جلس يتلفت على يمينه وعلى يساره ، تاكدت في هذي اللحظه انها حرامي اللعنه على ساسه
وانا اقول داخل نفسي اليوم ضرابه يعني ضرابه واللي فيها فيها ، والحمد لله كنت قريب من الشارع
يعني لما الناس بتشوف الضرابه اكيد حد بيجي وبينقذني ، بس قلت يا ولد انتظر شوف وش بيصير ولا تستعجل
قلتله الحين الجواز ما عندي بس شقتي قريبه من اهنيه وبخلي ربعي يجيبوه ، تكلم كلمتين مع زميله وقال
الظاهر عليه ما فيه فايده هذا والحمد لله الله صرفهم عني
انا كنت قبلها بخمس دقايق ساحب من البنك مبلغ 1000 رينجت والحمد لله ربي وربكم ستر
من خلالي كلامي هذا وقصتي الطويله الممله بغيتكم تتحذرو من هالاشكال ولا يدخلكم اي خوف
واذا احد سالك عن جوازك لا تطلعه الا اذا تاكدت انه شرطي مو من زيه وبس ، خليه يطلع بطاقته والقانون
يحميك حتى ولو هو شالك للمركز
ونسال الله السلامه لجميع المسلمين اين ما حلوا