حياك الله في دارك وارضك وترى انتو غاليين علينا يا اهل دار بو متعب صقر الجزيرة
البحرين صار فيها مجمعات كثيرة الحين وخصوصا حوالين السيف لكن ما شاء الله السعودية مجمعاتها بعد حلوة .بامكانك الحين تروح عذاري بعد التجديد،وجنة دلمون للسباحةواذا معاك اطفال ودهم العرين ومركز الجسرة للحرفيين .
الاكلات الشعبية صراحة انا مايجيب راسي الا اكل العمة(حماتي)ام زوجتي طول الله عمرها ويعطيها العافية فما اجرب لاكل الشعبي برع البيت.

هلا فيك أخوي في البحرين
ما الذي تغير في البحرين ؟
طبعا البحرين تغيرت 180 درجة وراح اتلاحظ هاي الشي من حيث المباني والمشاريع الضخمة.
الاماكن السياحية الجديدة :
جنة دلمون المفقودة اكبر حديقة مائية في الشرق الاوسط ( برك سباحة)
منتزه عين عذاري مدينة ملاهي تم افتتاحها من 3 شهور تقريبا .
محمية العرين طبعا تم تحديثها واضافة اشياء كثيرة وتستاهل الزيارة .
عندك المجمعات:
مجمع السيف وطبعا تم افتتاح التوسعة الجديدة .
مجمع الدانة
مجمع البحرين
وطبعا كل المجمعات في نفس المنطقة وهي ضاحية السيف
مجمع فيلا مودا بس طبعا مو كل المحلات مفتوحة
ما هي المطاعم الشبيعة الجيدة ؟
المطعم الوحيد الي اعرفه بس مافيه قعدات عائلية اهو مطعم لايفوتك قريب من سوق المحرق.
هل هناك فعاليات في هذي الأيام ؟
طبعا حاليا لايوجد بس في التخفيضات في المجمعات التي توصل الى 75% , وعندك افتتاح مجمع السيتي سنتر اكبر مجمع في البحرين في 1 سبتمبر.
وطبعا الاعضاء مابيقصرون بس انا انصحك انك اتزور المواضيع المثبته لانها تحتوي على تقارير الاعضاء عن الفنادق والاماكن السياحية معا الصور.
وبالتوفيق في رحلتك.

سلمان وبس تحية طيبة
شكراً على هذي النفس الطيبة
الاكلات الشعبية صراحة انا مايجيب راسي الا اكل العمة(حماتي)
الله يخليلك حماتك وعندنا مثل دائماً نذكره عندما تطبخ الحماة الطبخة اللي تحبها
""حماتك بتحبك "":36_11_15:

شكراً على المرور انا كنت اقول البحرين صغيرة ويمكن ان تجعل جنة وانا مشتاق لها تحياتي لكم

حياك الله في دارك يا الطيب