اكثر ما اعجبت فيه هو استخدامك للعبارات القوية متل اه ياماليزيا
واويلاة
مشكور اخوي على الصور
وعندي ملاحظة على التسميات المذكورة
اولا هي مزرعة الفواكة وليست حديقة
ثانيا شاطي القرود وليس جزيرة القرود لانه يقع في نفس جزيرة بينانج واهم مايميزة ايضا انه لاتصل اليه السيارات ولا الدراجات فهو محصور بين الجبال
وبصراحة الصورة ذكرتنا بعامر اخو زين الدين اللي ظاهر بالصورة وهو يشوي سمك
وذكرتنا بالصخرة الجميلة اللي ظاهرة بالصورة وكم جلسنا عليها من مرة
شكرا لك والله يوفقكم ياعريس

الحمد لله على السلامه أخوي وصورك رائعه أخي الكريم ،،،

اخوي مستعجل : مساك الله بالخير تصدق إني رحت رحلتي البحرية مع
مجموعة زين الدين ههه وش دراك
اخوي مسافر : الله يسلمك يارب

اقولك شفت ظهر عامر اخو زين الدين
وشفت القمصان الخضراء
كل شي واضح ياعريس

السلا م عليكم ورحمة الله وبركاته
اولا مبروك والف مبروك بالرفاه والبنين
الحمد لله على السلامة وجعلها كل سنه ونا قبل بس
طيب اخوي واللي الى الحين مامكلك وشلون يستفسر منك بس والله خاطب صدقني الله يخليك
المهم حبيبي كيف شفت لنا ماليزيا لقضاء شهر العسل
وياليت لو تكلمنا عن الفنادق والاماكن السياحة اللي تصلح للعرسان الجدد
وخلني اطينها معك شوي واقولك لو تسوي برنامج شهر عسل لي طبعا وشلون يكون(اذا فيه ازعاج كنسل)
وشاكر لك اخوك الاسطورة

الحمدلله على السلامه
اخوي عريس طازه

1. تكفى ياخوي الأسطورة لا تذكرني ..


2. قضيت أحلى أيام عمري ولله الحمد وأتمنى إن الله ييسر لي طلعه ثانيه


3. من السوق الليلي ( السوق الصيني ) وفيه مطاعم عربيه قريبه منه .

تكفى ياخوي الأسطورة لا تذكرني ..

قضيت أحلى أيام عمري ولله الحمد وأتمنى إن الله ييسر لي طلعه ثانيه

بالنسبة للفنادق انا ماادري إنت وين بتروح بالضبط في ماليزيا لكن انا بقول لك الفنادق اللي نزلت فيها بداية في سلانقور بالقرب من كوالالمبور نزلت في فندق ( الخيول الذهبيه ) وارفقت بعض الصور لمرافق هذا الفندق وبصراحة انا استانست كثير في هذا الفندق وجلست فيه أول ليلتين مع إني لازلت شاك إنهم غلطوا في حجزي لأني حاجز غرفة ديلوكس مطلة على البحيرة لكن اللي اعطوني إياه الظاهر إنه سويت لأنه مكون من ثلاث غرف وكلها تطل على المسبح والبحيرة .. وبالقرب من هذا الفندق فيه منتجع إسمه الصن واي لاقون فيه مدينة العاب كبيره مائيه وغير مائيه وفيه سوق أيضاً قريب من هذا الفندق لكن لبعده نوعاً ما عن وسط المدينة البعض مايفضله .
بعد كذا انتقلت إلى مرتفعات جنتنق وسكن في فندق ( العالم الأول ) هذا بعد ارفقت صوره له والفندق هذا ماهو خمس نجوم لكنه ممتاز جدا ولا شفت فيه شي يعيبه سوى موكيت الممرات ماهو نظيف مره بس الغرف ممتازه وما فيها شي سئ . وللمعلومية فيه فندق في نفس المنطقة خمس نجوم اسمه جنتنق هاي لاند لكن فيه ناس نصحوني مااسكن فيه لأنه قديم مره وممكن يكون اثاثه مش ولا بد .
بعدها سافرت إلى جزيرة بينانق وسكنت في منتجع ( راسا ساينق ) حلو جداً وهو من الفنادق القريبه جداً

من السوق الليلي ( السوق الصيني ) وفيه مطاعم عربيه قريبه منه .

واخيراً سكنت في فندق ( الويستن ) بكوالالمبور والفندق ممتاز ونظيف ورائع بس إذا بتسكن فيه خذ غرفة مطلة على الأبراج وحاول تكون في الأدوار العليا .
أما موضوع البرنامج فأنا اتركك تبحث في المنتدى لأنه ملئ بالبرامج ومن ناس عندهم خبره أكثر مني ولهم سفرات كثيره لهذي الدولة ويمكن تستفيد منهم أكثر لأنه أنا مارحت كل المناطق السياحية وأهمها جزيرة لنكاوي لكن ظروفي ماكانت تسمح لي .
اي إستفسار ثاني أنا حاضر

الله يوفقك اخوي عريس طازه ....لكن الصور ليش ماتطلع احد يفيدنا !!!

الحمدلله على السلامة عريس طازه
وخلاص لازم تغير اسمك وتصير عريس مش طازه
الله يهنيكم على طول ...
انا مسكين مثل وسم ما طلعت عندي الصور
لكن حبيت اقول لك الحمدلله على سلامتكم وجزاكم الله خير
على صوركم الحلوة وترانا مانستغني عن مشاركاتك والان انت خبير .
لك تحياتي اخوي مسافر طازه والسلام عليكم