السلام عليكم ورحمة الله وبركاته ,,
حبيت استشيركم في البرنامج سفرتنا ان شاء الله في اغسطس (اول زيارة لبريطانيا) .. الي استخلصته من المواضيع ومشاركات الاعضاء في المنتدى ..
السفرة ان شاء الله بتكون من 21 اغسطس الى 30 اغسطس
من 21 الى 25 بنكون في مانشستر ان شاء الله
السكن: Mercure Manchester Piccadilly Hotel
رايكم ماعليكم امر في الفندق؟ هل منطقة بيكاديللي امنه؟ ومافيها فوضة وحياة ليلية وسكارى؟ احتاج رايكم علشان اؤكد الحجز
مخططين نزور مانشستر ويل والمتاحف والاسواق والملعب وان شاء الله يوم كامل مخصص لملاهي التون تاور لان حسب ماعرفت انها اقرب لمانشستر من لندن.
من 25 الى 30 في لندن
السكن : ان شاء الله كمبرلاند
ان شاء الله مخططين نروح جولة بالباص السياحي والمتاحف والاسواق والبيكاديلي وهارودز وبيج بن ولندن اي وجولة في النهر ويوم كامل للبكستر فيلج.
رايكم ماعليكم امر ؟
السكن بيكلفني كامل 11000 ريال ؟ بس سعر الغرف بدون افطار لثلاث اشخاص ..
ياريت تعطوني رايكم اذا السعر معقول؟
وكم الميزانية التقريبية للتنقلات ودخول الاماكن السياحية والاكل في تقديركم؟
هل 2000 باوند كافية للتسوق للشخص؟
وطبعا مانستغنى عن اقتراحاتكم ونصايحكم.
يجزيكم الله كل خير وايسر اموركم ..
تحياتي ‏