السلام عليكم ورحمة الله وبركاته
اخواني اعضاء هذا المنتدى الراقي
ان شاء الله مسافر لماليزيا وانتم طيبين باذن الله بتاريخ 17-9-2011 والعوده باذن الله بتاريخ 6-10-2011
اجمالي مدة الاقامه ((17 يوم )) غير يومي الذهاب والعوده *..عدد المسافرين انا وزوجتي فقط ...*
وحبيت اني اخذ رايكم في ترتيباتي للايام و للفنادق بعد كر وفر مع الشيخ قوقل لين استقرينا على كم فندق
حسب تقارير الاعضاء تم اعتماد او بالاصح اختيار كذا فندق وعمل جدول مبدئ للتنقل بين المدن اتمنى تفيدوني فيها
ولو كان ترتيبي للايام والمدن تشوفون فيه مشقه فالتعديل بين يديكم ومنكم نستفيد ان شاء الله :-
يومين سلانجور ( فندق الخيول الذهبية )
الذهاب بالباص الى بينانغ (تم اختيار الباص للاستمتاع بالمناظر وجسر بينانغ)
3 ايام بينانغ ( فندق فلامنقو او نازا او هيدرو )
الذهاب بالباص او التاكسي الى لنكاوي .... أيهم أفضل وكم المسافه بين بينانغ ولنكاوي؟
3 ايام لنكاوي ( منتجع متيارا )
الذهاب بالطائرة الى كوالا لمبور ( وهل احجز قبل الذهاب او احجز بعد الوصول )
يومين كوالا ( فندق سويس قاردين )
الذهاب بالباص الى جنتق
يومين جنتق ( فندق فيرست وورلد ) (نوع الغرفه وورد كلوب هل فيه فرق بينها وبين الغرف العاديه )
الذهاب بالباص او التاكسي الى الكاميرون ... أيهم افضل وكم المسافه بين جنتنغ والكاميرون ؟
3 ايام الكاميرون ( فندق اكو اتوريال أو دي لافرانس )
الذهاب بالباص او التاكسي الى كوالا
يومين كوالا لمبور ( فندق دوريست ريجنسي هل هو قريب من البرجين ) ياليت تفيدوني عن التنقل من الفندق الى الاسواق والاماكن السياحيه تكون بالقطار ..
رايكم في ترتيب المدن ووسيلة التنقلات هل هي افضل واوفر ؟
الميزانية المقترحه للرحله (( مدري والله بس مرتب على 600 ريال يومياً من غير الفنادق ))
هل هي كافيه والا لا ؟
المعذره والسموحه اذا كثرت عليكم بالاسئله اخوكم اول مره بيروح