أعتقد في 8 أيام الشغلة والله متعبة شوي يعني مارايح تسمتع لا بهذه ولا بتلك
احسن شي من وجهت نظري تستغي عن مرتفعات كامرون
والجدول هو كالتالي
أول ما توصل تتجه إلى لنكاوي وتجلس فيها ليلتين ثم بعد ذلك ترجع إلى كوالا تجلس فيها 5 ليالي
ومنها تزور جنتنج وأفاموسا
والأمر في الأخير يعود إليك لكن أنت فكر في المدة وعدد الأشخاص الذين هم معك

ما شاء الله كل هذا تبينه ب 8 أيام ؟
صعب يا اختي وخطر وتعب عليكم خصوصاً ما معكم رجال !!
ولا تنسين إنه ما يجوز السفر بدون محرم
إذا مصرين على السفر ممكن تطلعون بنفس اليوم طيارة للنكاوي 3 ليالي
وترجعون كوالالمبور
ونصيحتي لكم لا تسافرون بتتعبون ولا تلحقون تستمتعون بشي المدة قليلة جداً

اول شي مشكورين على ردودكم السريعة!!
شو اسوي كل حد يبغي يسير مكان!!
وما عندنا غير 8 ايام بس... كانت الفكرة انا نسير يومين ونص لنكاوي و عقب الكاميرون يومن والباجي كولالمبور...

خليها كوالمبور ولنكاوي ويوم جنتيق00000000وانا شاء الله تستانسون

اختي
اتفق مع اخي مهند في عدم السفر للاسباب التي ذكرها...
اما من ناحيه عدد الايام فهو قليل جدا جدا .... ( خلينا نحسب مع بعض )
الطايرة بتوصل كولالمبور الساعة 9 في الليل يوم 27
لانه طيارة العودة يوم 3 الساعة 12 في الليل..
الوصول: يوم 27 الساعه 9 مساء ( يعني على طول على النوم ) ............. ليله رقم (1)
يوم كامل: يوم 28 .................................................. ...................... ليله رقم (2)
يوم كامل: يوم 29 .................................................. .......................ليله رقم (3)
يوم كامل: يوم 30 .................................................. .......................ليله رقم (4)
يوم كامل: يوم 31................................................ ..........................ليله رقم (5)
يوم كامل: يوم 1 .................................................. ........................ليله رقم (6)
المغادره: يوم 2 ... ( الوصول للمطار الساعه 10 مساء تقريبا )..................................
( لان الرحله الساعه 12 وكما تعلم ان عند الساعه 12 يعتبر يوم جديد وهو يوم 3 )
المحصله النهائيه:
الايام الكامله هي 5 فقط
اذا ........... لا تكفي
هذا رايئ ولكم الخيار

اخوي الصقر اشكرك على توضيح هل النقطة الي ماكنت منتبهتلها
همم بعدل الرجوع ل4 الشهر.
انزين ممكن حد ينصنحني بجدول ...
ادري اني ثجلت عليكم..

## هذا جدول بسيط مني .. مع الرحلات الحلوه بكل منطقه يمكن تفيدك
الاياام للأسف قليله وماراح تقدرين تعطين اي منطقه حقها بالاستمتاع ...س بحاول اسااعدج ... والله يعنكم
اول شئ روحي لنكاوي لمده يومين ... > شيراتون بردانا سابقا
او منتجع بيلاجي بيتش
فيها ..
##عالم تحت الماء ... رحلنه نهر المانقروف ... تريفليك لانكاوي ومركز تسويق بعد ماتنزلين من الترفليك
حديقه الفواكه .... بيتش لانكاوي .. والشلالات
بعدها مرتفعات الكاميرون لمده يومين
فندق ( century pines resort )
او فندق حديقه الفرواله ( strawberry park hotel )
فيها ..
## حديقه النباتات والفراشات والحشرات والزواحف ... وجمال الطبيعه والمزارع
و كولالمبور 4 ايام ..
فندق ( المندرين اورنتال ) مطل ع البرجين وخطير
وعندك فندق ( تريدرز ) بعد حلو ...
نصيحه الحدائق اللي بتروحيلها بلنكاوي والكاميرون لا تروحيلها بكوالالمبور عشان تستفيدين من الايام
هذا تقسيم مني ..
اليوم الاول
روحي سيلانجور .. صن واي مدينه مائيه .. وفيها مجمع تسويق وايد حلو واسعاره خطيره انا عن نفسي شريت منه كثير
اليوم الثاني
روحي جنتق... منطقه جبليه حلوه كثير فيها مدينه ترفيهيه والعاب كبيره ... وفيها مجمع تسوق حلو ومحلات كشخه
اليوم الثالث
افاموزا ... تنقسم 3 فروع فرع مدينه مائيه وفرق سفاري وحيوانات وفرع منتجعات وشاليهات ... الانسب اختاري السفاري كتغيير
اليوم الرابع
البرجين وتسويق وروحي مجمع سوريا قريب من البرجين بعد ... ورحي حديقه الطيور والشلالات
وحديقه الفراشات والفواكه روحيلها بلنكاوي والكاميرون عشان لا تروحيلها بكولالمبور وبعد الشلالات نفس الشئبلنكاوي فيه
وشارع العرب فيه مطاعم حلوه ... وكله مجمعات تسويق على كيف كيفج
هذا جدول مني بتقسيم 8 ايام واحس ماراح تعطين ماليزيا حقها لان تستاهل اكثر بس ان شااء الله تعوضينها بايام ثانيه
الله ييسر لكم

اختي مجنونة سفرات اانتي رهيبة... اشكرك على وقتج شكلج صدق مو مقصرة في ماليزيا مسوتلها سكان لوول
اشكرج والاخوان الي ما قصروا

همم تم تعديل يوم العودة الى 4 ابريل