نشر في ماليزيا

لجراحي بيننق ممكن مساعدة واللي يساعدني له هدية قيمة

ROT

02-08-2022 - 10:18 pm

آآآه بس على ماليزيا ...
من كثر المواضيع اللي فيها كنها حارة بالمحمدية ..
ابها وهي ابها ماصار عنها مواضيع مثل ماليزيا ..
المهم ..
الحمدلله الحجوزات مضبوطة .. وكوالا مضبوط الوضع فيها ومافي حيرة فيها ...
المشكلة ببيننق ..
الموتيرا مقفل
الجولد ساندز عليه اسعار ما حطها هلتون روما :
والشنقريلا يلحقه طبعا ..
محتارين واللي حجزنا عليه هو الهوليدي ان ..
ما ادري هل هو ممتاز؟؟ هل حوله الرياضات المائية والفلة ؟
هل هو فخم وراقي ؟؟
هل موقعه ممتاز ؟؟
اسئلة كثيرة محيره ... :112:
ياليت منكم يا اخواني الاعزاء انكم تفيدوني هل اغيره لشي افضل منه بكثير .. او اخليه عليه واتوكل وبيعجب اهلي ؟؟
للمعلومية نحن عائلة من شايب وعجوز ووشبين بأول طلعتون واخوي الصغير ( بس دبي واطول مني ماشاالله )
اشكر كل من ساعدني او سير علي

التعليقات (9)

بنت الشرقية

03-08-2022 - 12:54 am

الموتيار مو مقفل ...
توني مسوية بحث عن الغرف الشاغرة من 5/7 إلى 30 ليلة بعد 5/7 وفيه غرف شاغرة ...
هذا موقع الفندق :
موقع موتيارا http://www.mutiarahotels.com/index_flash.html#

الإماراتي

03-08-2022 - 01:55 am

حشرة مع الناس عيد
مثل إماراتي دوم نقوله
أخوي جميع الفنادق والي بجانب السوق الليلي متروسه أكيد
أنا أنصحك نصيحة أسكن بعيد وأرخص وأنظف وأقل زحمة
مثل فندق ساني بارديس 4 ستار وجميل
بس على راحتك

آخر الفرسان

03-08-2022 - 02:56 am

اخوي العزيز كنت منذ قليل لدى مكتب سياحي ( بس فراغ وطفشان ولاعندي نية سفر ) وشفت الهندي منفعل ومحمر وجهه يكلم واحد في التلفون يقوله : مافيه حجز بالموتيارا فل فل
انا اقترح لك فنادق زينة مادام الفنادق التي ذكرتها مافيها حجز ، اولا لاتتسرع في الهوليدي ان ( للمعلومية الهوليدي ان فندق ومنتجع متقابلين على شارع باتو فرنجي)
وهذه خيارات اقترحها عليك وكلها فنادق حلوة
1. بي فيو بيتش ( قمة ) بعد الفنادق التي ذكرتها
2. بارك رويال
3. كاشوارينا
وكلهم عند بعض وفي وسط منطقة السوق الليلي واذا ماحصل فيهم شي فاحجز في الهوليدي ان والله يرعاك

ROT

03-08-2022 - 03:57 am

بنت الشرقية ..
شي عجيب
مع ان المكتب اذا قلتله الموتيار يطالعني بنص عين وكني قايله ابخطب اختك :redface: ..
لكن اشكرك كثير على مرورك ومعلوماتك ..الاماراتي ..
اشكرك على المثل الحلو :idea: وراح اشوف الفندق اللي قلت عليه ..
الف شكر وعليهم بووسة :icon_lol:آخر الفرسان ..
الف شكر على مرورك ورح اشوف بي فيو بيتش على مسؤوليتك
بس المشكلة ياجماعه ان بيننج بنطول فيها .. فهي اللي عليها الكلام .. ولازم يكون فندقها اروع فندق في الرحلة ولا ودي آخذ لهم شي فيه اي عيب ...

راى

03-08-2022 - 04:58 am

فندق الكاشورينا يقع بين البارك رويال والبي فيوبيتش
ومستواه يمكن 3نجوم او4 نجوم وسعره بحدود 20 دينار
مع الفطور والسفتي بوكس عند الرسبشن ويوجد فيه
حلاق للرجال وبقاله يعني سوبر ماركت صغير ويوجد به
حمام سباحه ولا يوجد امام الشاطئ الخاص به اصحاب
الالعاب البحريه اللي يبيهم يروح للفنادق اللي جنبه
اهم الملاحظات :
1- موقعه حلو
2- غرفه زوينه للي منحد عليه
3- دورة المياه سيئه
4- نفسيات الاستقبال زينه
5- موقع فطوره حلو ( بس احذر من الغربان لا تاكله قبلك )
6- سعره حلو
واى استفسار انا حاضر

مستعجل

03-08-2022 - 05:59 am

هوليدي ان حلو وقريب من الرياضات البحرية وفيه فندق ثاني 4 نجوم برادايس ساندي باي بعيد عن الرياضات البحرية البراشوت فقط والا الباقي موجود فيه وموقعه قريب لوسط البلد 3 كم فقط ولكن بعيد عن السوق الليلي اللي هو قريب من الهوليدي ان اما سعر الفندق فهو غرفتين وصالة وحمامين ومطبخ وصاله 320 ريال سعودي

نـــزّاف

03-08-2022 - 07:00 am

.
.
أخي الكريم
يقول المثل ( أسأل مجرّب ولا تسأل طبيب )
لسه جاي من ماليزيا أمس ... وكنت في بينانغ قبل أسبوع بالضبط ..
سكنت في البي في بيتش و عطوني في الدور 11 آخر طابق غرفة مشرفة على جهة غروب الشمس ...
الفندق فخم ورائع و سعره فيه وكل شئ تمام التمام
شاطئه من أحلى ما يكون ... ودقيقتين مشي لحد السوق الليلي ومن الجهة المقابلة تقدر تطلع على طول على حديقة الفواكه والفراشات وغيروو ...
وسلامتك
.
.

آخر الفرسان

03-08-2022 - 08:01 am

اسكن البي فيو بيتش ، كل من سكنه مدحه : ادخل على هذا الرابط وستقتنع به ان شاء الله !
https://artravelers.com

بنت الشرقية

03-08-2022 - 09:02 am

هلا
أخوي اعطيني يوم الشيك ان والشيك اوت وخلني أشيك إذا فيه غرف في موتيارا ولا لا (إذا أنت ناوي على موتيارا) لأنه نفس الشي صار لي كل وكالة أو ويب سايت أجرب أحجز منه يقولون ما فيه ...
وتالي حجزت من موقع الفندق وكل شي تمام ...

ماليزيا المسافرون العرب

لجراحي بيننق ممكن مساعدة واللي يساعدني له هدية قيمة