اول شيء السلام عليكم ...
مساكم الله بالنور جميعاً ...وعساكم ان شاء الله بخير .
جاني هوى اكتب خاصة انه الاسئلة اليوم قليلة
افتكر زمان ...في المواسم كنا نروح الطائف خصيصأً لأجل
العنب البلدي الطائفي والرومان والبرشومي
وحنا رايحين لماليزيا ...يعني لآخر الدنيا ...ما لقيت احد
يستفسر وش الفاكهة اللي نقدر نأكلها هناك ولا نلقاها عندنا .
هيا خذوا الله يسلمكم ...
1-رمبوتان (rambutan)
بطل قصتنا شكله مميز بلونه الاحمر وشعره الاسود
الجميل ...طعمه لذيذ لكن انتبهوا من بذره الكبير اللي
بالوسط ...لا يجي واحد يبلعها وتنشب بحلقه .
2-دوريان (durian)
ملك الفواكه ...هو المفروض يكون بطل القصة
لكن شعبيته عند العرب شبه معدومة لاجل ذلك
تنازل للرامبوتان ...يسمونه عندنا ابوشوك.
الناس يضايقوا من ريحته ولكنه عندي من الذ الفواكه
ويومياً اكلها بماليزيا وحتى لو ما كان موسمها كانوا
يجيبونها من تايلند لكنه اقل من دوريان جوهوروملاكا
وبيراك اللي لونه اصفر .
مرضى ضغط الدم يبعدون عنه يكفون لانه يرفع الضغط .
3-مانغيس(mangis)
من الداخل لونه مثل الزجاج وله بذور صغيرة .
ومن الخارج لونه بني ...يستاهل ولو حق تجربة .
اللي يشتري مانغيس لا ياكل معاه دوريان لانه
يسبب الوفاة على قوة شياب ماليزيا الله يسلمهم .
لانه بارد وحار .
4-ماتا كوشينغ (mata kucing)
هذا اللي ما اسيبه واموت فيه .
لونه بني من الخارج وداخله مثل الفص به بذر اسود صغير .
يستاهل تشتريه وتجربه .
5-بيسانغ ماس (pesang emas)
هو موز مثل اللي عندنا لكنه صغير مثل الاصابع
وطعمه الذ من اللي عندنا .
6-سالاء (salak)
من الخارج قشره مثل جلد الافعى ومن الداخل كالثوم
وله بذور ولذيذ .
7-لانثاد (lansad) او دوكو (lansad duku)
من الذ الفواكه اللي ذقتها بحياتي ...شوقتوني والله
لارض الملايا ....aduuuh
عندك البابايا والجامبو والبليمبينغ لكن تراها تنباع عندنا
ومش لذيذين قوي البليمبينغ يسمونها ستار فروت عندنا .
والله هذه اللي في الذاكرة فحبيت اونس نفسي بشيء مفيد ومنها
حبايبنا واخواننا يستفيدوا ...ويا بخت من فاد واستفاد
وان كان احد منكم يا الكرام عنده اضافة يا ليته يشرفنا ويكرمنا .
ولكم كل تحياتي وتقديري يا اهل منتدانا الغالي
والسلام عليكم