الأخوة و الأخوات الكرام
المعذرة على هذه المشاركة الغريبة و العجيبة
السالفة و ما فيها إني بالأمس رحت للطبيب و قال لي بالحرف الواحد
روحه لسوريا بالطيارة إنسى ما في مجال!!
حالتك الصحية ما تسمح و الجرح إلى الآن ما التئم بشكل كامل
طلعت من عند الطبيب مصدوم فسرحت و جلست أتخيل إن الطبيب قاعد يقول لي:
يعين إنت مع ويهك تظن إني راح أخليك تروح لدمشق أو حلب على كيفك
لا و بعد تبيني أخليك تروح لفندق بيت وكيل بحلب على كيفك و تشوف منظر الاستقبال هذا ؟؟؟
و في فترة الغداء تروح المطعم هذا :
و تقعد بساحة الفندق هذي:
و لا تشوف الممر الحلو هذا:
على بالك الدنيا فوضى ...
طبعا أنا ضاق خلقي و حاولت فيه ما كو فايدة
بعد ذلك انتبهت لنفسي و رحت و سألت طبيب ثاني يمكن يوافق فأكد لي
كلام الدكتور الأول
المهم الموضوع و ما فيه يا جماعة إني فكرت أروح لسوريا بأي طريقة و فكرت بكل
الطرق المتاحة و غير المتاحة ...
فكرت اني أروح بالباخرة بس لقيت السالفة طويلة و المسافة بعيدة
و يمكن تاخذ مني الرحلة أسبوع أو أكثر
فكرت أروح زحف لقيت بالتجربة العملية إني ممكن أقطع بالدقيقة عشر زحفات
يعني يمكن ياخذ معاي الطريق 3 شهور
فكرت أروح قلص ( القلص هو السحب بالسيارة) هم السالفة طلع فيها مخاطر التزلق و الطيحات و الجروح المصاحبة لهذه الوسيلة و أنا رجال ما أتحمل و ما فيني شدة
سألت الناس و المجربين و أصحاب الخبرة كلهم قالوا روح بالباص و أنا عندي مشكلة
بالباصات فأولا و ثانيا و عاشرا أنا ما أطيق ريحة السجاير و الباصات عادة
محشورة بالدخان
و عمار يا سوريا اللي مانعين التدخين بالتكاسي و الباصات و السرافيس
يعني سالفة الباص هذي ما تمشي معاي
انزين الحين ما في حل إلا إني أروح بسيارتي و هذا الحل أيضا فاشل
لأني و من تقريبا 5 سنوات ما عندي سيارة ملك !!
نعم ما عندي فأنا سيارتي اللي تحت يدي هي بالايجار السنوي يعني يكون
مسوي نفسي كشخة
و هذا معناه إني لا أملك حق السفر بهذه السيارة إلا لدول الخليج فقط و لسفرة واحدة فقط
يعني فكرة السيارة يا جماعة انسوها
الآن الحل اللي عندي هو حل بسيط جدا و هو :
انزل شوي لو سمحت
بعد شوي
تقدر توصلني سوريا؟؟