بسم الله الرحمن الرحيم
هلا وغلا اخوي فهد
اجل تقول ولا مرة رحت لماليزيا ؟
احسن لك ولا تروحها
زهق بزهق
لالا امزح وياك
تراها حلوة وان شاء الله بتنبسط فيها
اما بالنسبه لسوائلك الوقت
والله انا مو متاكد من الوقت بالضبط لكننستنا لين احد الاخوان يعطينا الوقت المضبوط
اما وشلون توصلهم انا ممكن اساعدك بهالشيء
من كوالا تقدر تروح جنتنغ بالسياره ومالك الا هي
و من كوالا لبينانق تقدر تروح بالطياره او السياره
ومن كوالا للنكاوي تقدر بالطياره او تروح بالسياره الين مكان الي تنطلق منه السف و تاخذ سفينه
ومن بنانق للنكاوي او العكس عندك يا طياره او سفينه وانا ارشح الطياره السفينه تعب من وجهه نظري
و ان شاء الله اني اكون افدتك ولو بالقليل و الاخوان ما يقصرون
تحياتي لك
ksa

المسافات بين المدن والجزر الماليزية

بالطائره من كولالمبور الي بيننغ 40 دقيقه

هلا والله اخواني الغالين
و الله ماقصرتو و تسلمون حبايبي على ردودكم لاستفساري
ولكم جزيل التقدير
اخوكم فهد

أخوي فهد مساك الله بالخير
أولا الرحلة قصيرة من كوالا الى بينانغ وما تتجاوز الساعة وأيضا الرحلة بين لانكاوي وبينانغ حوالي 30 دقيقة فقط.
أما بالنسبة لجنتنغ فهي تبعد بالسيارة حوالي ساعة ونصف من مطار كوالا الدولي وتكلف حوالي 170 ريال حوالي (46 دولار) ومن وسط كوالا تاخذ حوالي 50 دقيقة وتكلف نصف التكلفة. لكن اسمحلي أنصحك نصيحة لجنتنغ بأن ما تسكن فيها لأن فنادقها تعبانة وغير كذا أغلب الفنادق تلزمك بالخروج الساعة 12 الظهر، المشكلة ان مدينة الملاهي اللي هناك ولازم تروحها تفتح الساعة 9 الصباح وتقفل المغرب فما يمديك تستمتع بالملاهي الا لازم تروح تعمل خروج من الفندق والحل الوحيد انك تجلس يومين وبصراحة يومين كثير في بينانغ.
أفضل شي انك تسكن بكوالا وتروح لجنتنغ من كوالا وتقضي اليوم كله هناك و في المساء ارجع كوالا.
اسف على الإطالة وان شاء الله بتستمتع بماليزيا
تحياتي

تسلم حبيب قلبيExciter .. و يعطيك الف عافيه على هلمعلومات وماقصرت
بس لان انا حصلت عرض لماليزيا .. من البحرين الى كولالمبور ليلتين و عقب الى بيننغ ثلاث ليالي و عقب لانكاوي ثلااث ليالي و عقب كولالمبور خمس ليالي و اخيرا جينتنغ ليلتين ف اشرايك ؟؟
وحبيت اسالك عن شي .. بأن هي العرض شامل الفنادق و الفطور و العشاء و الجولات السياحية و التنقلات... وعلى الطيران القطري بسعر 485 دينار بحريني ..((4850ريال)) فهل السعر معقول او لا ؟؟؟
لان الصراحة انا عمري مارحت ماليزيا :
و اسف على الاطاله و كثرة الاسئلة

بسم الله الرحمن الرحيم
مع انك سئلت اخوي Exciter
لكن ياليت يسمحلي وتسمحلي اني بتلقف شوي
يعني انا اشوف العرض سعره روعه اذا كانت الاوتيلات خمس نجوم
لكن انا مدري شاك بشغله يعني هالعرض ويا تذاكر السفر بعد ؟
لانك تقول من الخطوط القطريه !!
وياليت توضح شلون شامل الجولات السياحيه و التنقلات ؟
يعني وش باقي عليك هناك ؟
مشاء الله اذا العرض شامل السكن في اوتيلات زينه و التذاكر و التنقلات و الجولات السياحيه احس خلاص ما بقاء شيء و العرض لو كذا فانه روعه
اخوك ksa

هلا و غلا اخوي الغالي ksa
انا الفنادق مادري عنهم اعتقد اربع نجوم لاني ماتصلت اسفتسرت اكثر عند الشركة .. بس قريت من الاعلان و عجبني العرض .. بس قلت يمكن السعر مبالغ فيه شوي و حبيت اسالكم عن اذا كان مناسب لو لا لان عمري مارحت لماليزيا .
و عن سؤالك لي ... اي نعم العرض شامل كلشي الجولات السياحية و الفنادق بس مادري بو جم نجمة اعتقد بانها بأربع نجوم ... و الفطور و العشاء ... والتنقلات و دخول الاماكن السياحية ... بس الشغلة الوحيدة الي عليك التشري و التسوق
يعني اعتقد اهما يودونك الاسواق و كلشي بس التشري عليكم انتو
السفر من البحرين الى كوالامبور و من كوالامبور الى البحرين عن طريق القطرية للطيران .. اما الرحلات الداخلية مادري باي طيران بس المهم عليهم اهما الحملة ....
و اي استفسار انا حاظر.....
اخوك فهد

بسم الله الرحمن الرحيم
والله انا الي اتذكره العام كانت رحلتي على خطوط الكاثي بسفك و كانت تقريبا قيمه التذكره 2000
فاانا اشوف السعر الي انت محصله اوكى
وبالنسبه لشمول العرض كل شيء هذا شيء حلو لكن اخاف ما يودونكم كل المحلات الزينه
وانا اول مرة يمر على عرض كذا اولله ومبسوط فيه و اتمنى انه يكون مثل ما قلت
و الرحلات الداخليه راح تكون بالطياره او وسائل النقل الثانيه ؟؟؟
و بالنسبه للتمشي بكل منطقه راح يكون معاكم تاكسي خاص او راح تكونون مع قروب كامل تتنقلون مع بعض ؟؟
واسف اخوي على الاطاله بالاسئله
اخوك ksa