يؤ !!
0مشاهدة ولا أحد فيكم رد على الموضوع ؟؟؟
للدرجه هذي طالب شيء صعب ؟؟
على العموم مشكورين .....

وعليكم السلام ورحمة الله وبركاته:
هلا وسهلا بالاخ ايطالي ومبروك عليكم البوابة الجديدة.
ومبروك مقدما الزواج وعسى الله يوفقك.....راح اقترح عليك الأتي واللي راح اسويه ان شاء الله اذا نويت على الزواج
راح اخليها 20 يوم بماليزيا وراح تكون التكلفة في حدود 7500 ريال سكن تقريبا+5000 ريال تذاكر لشخصين تقريبا+5500 ريال نقل واكل وتماشي=18000ريال
المجموع الكلي=18000 ريال.
واي خدمة اخرى حاضرين وتحت امرك....ولا يصير خاطرك الا طيب....وصدقني الاخوة في هالقسم نشيطين جدا وراح يساعدونك ان شاء الله.

ماقصرت اخوي ....
بيض الله و جهك ......
و الله يبارك فيك بخصوص البوابه وننتظر تواجدك فيها يمكن نخليك تسافر ل ايطاليا
وبخصوص الزواج بعد الله يبارك فيك (( نحن السابقون وانتم اللاحقون ))
و تسلم على المعلومات المميزة بصراحة .....

أهلين فيك اخي ايطالي و مبارك لك الزواج مقدما و الله يوفقك إن شاء الله ..
و ترا سؤالك محير جدا و الميزانية تختلف من شخص لآخر و تندرج تحتها المدة خطوط الطيران و مستوى الفنادق و صرفية الشخص ..
المدة اللي أراها 18 ليلة لو قلنا التذاكر 6000 ريال طبعا دايركت و 6500 ريال سكن و 6000 ريال مصاريف المجموع 18500 ريال .. هذه ميزانية تقريبة ممكن تزيد و ممكن تنقص ..

اختي العربيه .......
مشكوره كل الشكر على تواجدك ......
السؤال مو محير .......
انا طلبت شي محدد ......
يعني مثلا تقولين (( الي انا اعرفه ان رحلة لميالزيا لمدة 15 يوم مع التذاكر والسكن والمصاريف الاخرى تكلف 20 ألف ))
ومن هالقبيل ......
يعني كل واحد يتكلم عن نفسه ........

1. لو أنا مكانك كان أعدت صياغة السؤال كالتالي:


2. اريد خطة شهر عسل لمدة 14 ليله مع الملا حضات التاليه:

الأخ i6ali
صدقني ماراح تلقى إجابه شافيه لأن صيغة سؤالك عامه جدا ولا توضح ميولك والأشياء اللي تحبها أنت

لو أنا مكانك كان أعدت صياغة السؤال كالتالي:

اريد خطة شهر عسل لمدة 14 ليله مع الملا حضات التاليه:

• هذا شهر عسل يعني الرحله لازم تكون دايركت من-مدينتك-
• الفنادق كلها خمس نجوم
• على الأقل في وجهه واحده تكون الغرفه آو السويت فيه بركه خاصه
• الأماكن المرغوبه: أماكن جبليه بارده + بيتش
• أرجو التقليل من مده الجلوس في المدن والتركيز على الأماكن الرومنسيه

سؤال:
هل أنت ممن يستسيغون ألأكل البحري أو مطاعم سريعه أو مطاعم عربيه كأنسان في شهر عسل أتوقع بتتجه لمطاعم الرومنسيه والفخمه لأن هذا يفرق كثير في السعر
نصيحه:
في السفر وخاصه شهر العسل لاتثبت عدد الأيام وتقلل المصاريف حسب ميزانيتك لكن أعمل العكس أخذ أفضل البرامج ثم قلل عدد الأيام بما يناسب ميزانيتك يعني السفره بجودتها وليس بطولها
أنا أخذت 18 يوم مع المدام لكن لأسف إخترت فنادق أربع نجوم وتندمت قلت لو مختار خمس نجوم ومقصر الرحله أربع أيام كان أحسن ألف مره
وترى مستوى فنادق ماليزيا الأربع نجوم تعبانه مقارنه بمثيلاتها في دبي يعني خمس نجوم هي الوحيده المقبوله لدي على الأقل
ولايطوفك في كوالا لمبور فلل فندق الصن واي لاجون مع بركتها الخاصه روعه وقمة الرومنسيه هو الفندق اللوحيد الخمس نجوم اللي سكنته في الرحله كلها
أعد أخي الحبيب صياغة السؤال بالشكل الذي يتطابق مع ميولك وأنا أول من يعطيك برنامج مفصل

السلام عليكم
المده الكافيه 15 يوم وتكلفتها ( 14000 الف ريال سعودي) بالتذاكر والسكن و المواصلات والمصاريف.

مشكوري اخوي ريد على اجابتك
و أيضا ال Alawi
طبعا يالغالي سؤالي مايحتاج تفصيل و و و ...... الخ
اجابة الاخ Alawi هي الي ابحث عنها ......
يعني أبغى كل واحد يتكلم عن نفسه ورحلته .....
ما أبيه يتكلم عن الي أنا أحتاجه ........
يعني وش يهمك اذا انا أحب أكل في مطعم رومانسي والا بوفيه
على العموم أشكر لك و أقدر اهتمامك أخوي ريد .......
و أتمنى تفهم قصدي قبل ما تكتب الرد الطويل هذا
يعني الي أبغاه قلته في الرد السابق .....
كم كلفتك رحلتك لماليزيا شامله كل شي ؟؟؟
بس هذا الي ابغاه و تعطينا تفاصيل رحلتك وهل كانت شهر عسل أو لا !!

آسف أخوي إني مافهمت قصدك
رحلتي كلفت 18000 سعودي المده 18 يوم وهي شهر عسل بس متأخر 6 سنوات
أكرر أسفي بس لازلت ماأشوف أي فائده من ردي هذا لتخطيط رحلتك
سلام