اختي بنتوته بحيرنيه الله يعينك ان شاء الله
ولكن ما راح تحصلي احد بيفيدك في القسم الى قليل
لكن لو رحتي لبوابه اندنوسيا ففيه اعضاء مختصين
ولهم خبرات اقوى منا في سنغافورا

اهلين بنوته بحرينيه
حسب معلوماتي البسيطه انه لازم تأشيرة من السفارة
والبلد على حد علمي ان غالي شوي
هذا كل معلوماتي عن سنغافورة واتمنى اني افيدك
مع تمنياتي للجميع بالتوفيق

أنا رحت سنغافورة و مكن أفيدك
بالنسبة للجو استوائي يعني درجة الحرارة بين 28 و 32 تقريباً طول السنة و مطر طول السنة
و بالنسبة للفيزا ما أدري وش نظام سنغافرة مع البحرين لكن أفضل شي تكلمين السفارة في البحرين و تسألينهم
ولو تحجزين على الخطوط السنغفورية راح يساعدونج في الفيزا
و بالنسبة للشعب الشعب يتكون أغلبه من ثلاث أصول الصيني و الهندي و الملايو ( الماليزي )
و الأكثرية هم الصينيين و هم اللي تشوفينهم في كل مكان و مسيطرين على التجارة في سنغافورة
و الصينيين هناك أخلاق تعبانة و عصبيين و حقودين و لا تستغربين إذا دخلتي محل و قعدتي تساومين عالسعر و طردج البياع لأن ما عندهم صبر أبد
و أنا هناك انطردت ثلاث مرات من محلات تجارية لأني قاعد أكاسرهم في السعر
بس لا تخافين هم مسالمين و أمان بشكل ما تتخيلينه و بالنسبة لبد بلد متطورة جداً جداً متطورة أكثر من دول أوروبا و اللي راح لأوروبا و سنغافورة راح يحس بالفرق
بالنسبة للمواصلات تكون بقطار الأنفاق و القطار رخيص و يوصلج كل محل و فيه متعة
بالنسبة للأكل المطاعم المشهورة مثل مكدونلدز و برقر كنج و كنتاكي أكلهم حلال ولو رحتي مطعم مو متأكدة منه سإليهم قولي لهم حلال لأنهم يعرفون كلمة حلال
و الأسواق راح تنبسطين كثير أسواقهم ما تخلص و كل سوق على 11 دور يعني يبيلج لكل سوق 5 أيام
أحس إني طولتها المهم بشكل عام البلد جميلة و متأكد إنج راح تستانسيين و راح تدعين لي
و توكلي على الله ولا تخافين و إذا عندج أي أسئلة أنا حاضر

نسيت أقولج هناك انتبهي ترمين شي على الأرض لأن عليه مخالفة تبدأ من 100 إلى 500 دولار
و خاصة العلوك لا تقطينها على الأرض لأن عليها مخالفة كبيرة و بشكل عام ممنوع بيع العلوك في سنغافورة
و طبعاً هناك الشرطة السرية في كل مكان مستحيل تعرفينهم لأنهم لابسين زي مدني بس من ترمين شي طلعوا من كل جهة
و ممنوع قطع اشارة المشاة إذا كنتي تمشين على الرصيف و عليها مخالفة

حصلت هالموضوع في صور لسنغافورة أتمنى تعجبج
https://artravelers.com

اختي في منتدى خاص للدول الاسيويه ومن ضمنها سنغافورا
اتمنى ان تذهبي هناك وان تجدي ضالتك
اما هنا في هذا القسم فيناقش الامور التي تختص بالقبول في جميع جامعات ومعاهد العالم
تحياتي