الخنفشاري
21-04-2022 - 04:26 pm
بسم الله الرحمن الرحيم
ابروح الى ماليزيا الخميس على الخطوط السعوديه وازيدكم من الشعر بيت التذكرة2300ريال اقطع ابو الرخص ياشيخ المهم ...
عاد ابي الى مليت من ماليزيا امر سنغافورا ان كان القطه تكفي
وش رايكم ؟؟؟
دولتين بتذكرة وحدة!!!!
وان قدرت اخلي الإقلاع من سنغافور الى الرياض فبها ان كان الفارق بسيط لأني اذكراني حولت تذكرتي بالرجعة من جاكرتا الى الرياض وخليتها كوالا لمبور الى الرياض فقط18 دولآر
عاد جت فزعكم وشلون آخذ الفيزا من ماليزيا وهل هي غالية
وكذالك وش اسهل وارخص طريق الى سنغافورا
سمعت مدينة جاهور انها قريبة من سنغافورا تبعد حدود50كيلو
وشلون اذهب لجاهور بالسيارة او الطيارة اوالقطار وكم تبعد عن كولا لمبور
طولت الحكي مير الله لايهينكم علموني
حياك الله اخوي الخنفشاري .
ليه ما تاخذ الفيزا من هنا احسن لك ...لانها تاخذ وقت شوي .
اما ارخص طريقة للذهاب لسنغافورة فهي الباص .
جوهور بارو قريبة جدا من سنغافورة ...وتقدر تشوف سنغافورة
من جوهور بارو .....مثل ما تقدر تشوف تايلند من رانتاو بانجنج
بكلنتان .
وافضل طريقة تروح بها لجوهور بارو عن طريق الطيران لانه الخط طويل
اكثر من 400 كم .
موفق اخوي والسلام عليكم