جزيرة
10-05-2022 - 11:45 pm
السلام عليكم ورحمة الله وبركاته
اسعد الله مساءكم
والله اني متفشل ومستحي وخصوصاً من اخوي الشعيبي
الحقني ياخوي كل شوي لي راي
ورايي الجديد اني ابدل في برنامجي بدل ما اروح لولاية صباح اروح لولاية ترنجانو
لانها بصراحة اعجبتني واللي اعجبني اكثر انه فيها ينابيع مياه ساخنه
واللي قريته هو :
ينابيع المياه الساخنة وتقع في شمال مدينة جيرته في ترنجانو وتتراوح درجة حرارة مياهها ما بين 45-49 درجة مئوية ، وهي غنية بمعدن الكبريت
هاه وش رايك اخوي وانا ودي اروح كم يوم اغطس نفسي بهالينابيع
تأيد التغيير ولا لا
واذا كنت تأيد ياليت توضح لي المنطقة والفندق المناسب للسكن ( لاتنس انه ما يتجاوز 300)
وبالمره بعرض سؤال كتبته من قبل اغير رايي مره ثانيه هنا
بالنسبة للإنتقال من بانكور لكاميرون هايلاند هل الأفضل انتقل بالطياره من بانكور لمطار ابوه وبعدها بالسياره لكاميرون هايلاند
او بالسياره من بانكور لكاميرون هايلاند
ودي انكم توضحون لي الافضل والأمتع وتوضحوا لي السعر في كلا الحالتين
وجزاكم الله خيرا ويوفقك ربي دنيا وآخره
حياك الله اخوي جزيرة ومن حقك ياعم تغير لين ما يظبط الموضوع
مادام انك مقتنع اجل لا تتراجع وتوكل على الله ومنها تشوف ترنجانو
ارض الملايو النعومين انا شايفك اخوي مهتم بالعيون الساخنة
ترى نظامهم مفتوح ...يعني مخلطين ...لكن مثل ترنجانو وقدح
كثير ملايو فتلاقي بناتهم خجولات ومحترمات وان نزلت كانت محتشمة .
اخوي رايح جريتيه ...شبه قؤية او مدينة صغيرة ...قريبة
من حدود كلنتان ...لكن فنادقهم مش قد كده ...طيب احجز بكوالا
ترنجانو ومنها اتجه لجيرتيه ومنها تتمشي بعاصمة الولاية ..
وان وصلت هناك لا تنسى تسأل عن قماش الباتيك سواء
للنساء او الرجال لانه صناعتهم الافضل بماليزيا والاجود .
اقل من ساعة وانت واصل جيرتيه ...ولنا حبايب هناك وصل
شوقي وسلامي لهم
خذ بكوالا ترنجانو فندق بيرمولا بارك رويال ..180 ريال الليلة .
افتكر في ميرانغ القريبة منتجع ملكي فخم ...اسمها ميرياني لو ما
كنت غلطان ...الليلة في حدود 500 ريال وشوية .
الافضل انك تروح من لوموت لكاميرون بالسيارة ..مالها
داعي تنزل بمطار ايبوه لانه تعب على الفاضي ...والتاكسي
ياخذ منك من لوموت لكاميرون حدود 180 ريال ...حولها .
ممكن واحد يسأل وش دخل لوموت ...طيب معودين من بانكور
لابد تنزلون بمدينة لوموت ومنها تمسكون الخط وتراها ماهي بعيدة
والخط جميل وممتع .
واتمنى الحبايب يداخلونا ويقولوا رأيهم .
موفق اخوي جزيرة ورحلة سعيدة بأذن الله وتروحوا وترجعوا بالسلامة .
والسلام عليكم