السلام عليكم
اشكر تواصلك في خدمت اخوانك واخواتك
نبي ان شاء الله التقرير بعد الرجوع سالمين
ان شاء الله
اسعد الله ايامكم
تقبلي تحياتي

الابرقين تسلم يامشرفنا المحترم من جد حمستني اتواصل وياكم كل يوم اما التقارير اعذرني لو تسال ربعك المشرفين يقولون لك انا اكثر وحده لفت شرق اسيا وبعض دول العالم بس مشكلتي ما اسوي تقارير بس احاول اخدم الاعضاء بالاستشارة حسب تجربتي المتواضعة ويارب اقدر اساعدك بالقسم هذا لين انتقل لدوله اخرى تشكرات على التشجيع

الان الساعة الثانية والنصف بعد منتصف الليل تقريبا وحالة الجو امطار خفيفة ودرجة الحرارة عندنا في كاميرون هايلاند الساحره 15 درجة مؤية طبعا مابي اقهر ربعنا اهل الخليج اللي وصلت درجات الحرارة عندهم ستين ههه تشكرات

حيالله الاخت فجر
يوه نعد الايام باقي اسبوعين على السفر
سؤالي الله يحفظك عن الفندق اكوارتيال تراني حاجز فيه وفي الدور 13
وصراحة ما من بعد كلام اخونا الفوكس اللي دلانه عليه
بس مثل ما انتي تعرفين انه الوقت يفرق على الفندق من ناحية الخدمات والاثاث الخ
على قد ما مدحه اخونا الفوكس وحجزت فيه على قد ما نسمع من الاعضاء انه صار سيء والخ
فايش رايك فيه ؟ Live
وبالمناسبة انا حاجز يعني ما ني مغير
بس نسمع كلام غريب ريحه الفراش وما ادري ايش اعزكم الله
لو لزم ناخذ معنا فراش
لان اهم شي الجو ينسي اي شي ثاني

بالسلامه اختي ..
بس عندي كم سؤال .. عن كاميرون .. هل فيها اماكن سياحيه وترفيهيه ام انها فقط جبل شاي ورز يعني طبيعيه فقط .. الفندق هل هو بمستوى فنادق ماليزيا ام اقل ..

هلا بك أختي ...
والله يهنيكم ويسعدكم ...
فيه كم شغلة نبي مراسلتنا تشوف لنا سالفتها ...
الأولى أجار السيارة من وين وكم سعرها ... لإني أحب أسوق فيها ... وآخذ راحتي ...
والثانية .. لو قدرتي .. خابرن لك مركز تسوق رهيب ...
وفيه بضاعة رخيصة مرة ... في الفندق الجديد دي لا فيرنس ...
أمزح معاك .. بس عن جد ... شوفي لنا سالفة الفندق ... وهل هو يستاهل ولا لا ؟
طبعا من وجهة نظرك ...
ربي يوفقك ويهنيك ...
إلا من وين إنتي شابكة ...
النت في الفندق .. ولا معاك كونكت ؟
سلام

splashfx
اهلين فندق اكواتوريال جدا ممتاز مع انه مصنف اربعة نجوم والخدمات عندهم على اعلى مستوى والنظافة جدا ممتازة وماشاء الله عليهم كل يوم يبدلون المفارش وينظفون المكان طلبت او ماطلبت واحسن شي انه امن لسرقات ولاشي لدرجة نترك ثلاث لاب توبات ونرجع على حطتها مايلمسونها والفكرة اللي قلتها عن الفندق تغيرت من زمان لان الشركة المشغله للفندق الان شركة قوية جدا مش زي اول قبل ثلاث سنين وحياك الله في مدينة الضباب والامطار والبراد .

poiuyt
اهلين بيك
بالنسبة كاميرون مدينه صغيرة في رايي المتواضع تختلف تفاصيلها عن مدن ماليزيا من حيث الطبيعة البكر والاجواء الخلابة والامطار ودرجات الحرارة الباردة وهذا مايميزها بالنسبه للخليجين اللي يعانون من حرارة الجو اتوقع هذا اجمل مكان لهم وكذلك للعرسان في شهر العسل وطبعا فيها فنادق خمس نجوم يمكن ثلاث فنادق والبقية اربع نجوم وثلاث نجوم وطبعا فيها مدينة العاب صغيرة بجوار المستشفى وستاربوكس وكنتاكي ومحلات ملابس صغيرة تشبه الموجوده بشارع العرب وحياك .

ماجد الفهد
هلا اخوي ماجد
يسعدك ربي ومراسلتكم جاهزه بكل وقت
بالنسبة لايجار السيارة لايوجد الا في كوالالمبور يمكن تستاجر سيارة من هناك وتسوقها الى اي مكان تبيه في ماليزيا واشوف السواق اريح وانت براحتك .
اعطيتك رايي قبل في موضوع ثاني لما سالت عن فندق دي فرانس وهو فندق نظيف وسعره جيد ويقع في منطقة الخدمات اللي تحتاجها وهي المنطقة الحيوية في كاميرون هايلاند واسمها تناراتا يعني كل مشاويرك مشي اذا احتجت شي ..
بالنسبة للنت طبعا انا استخدم كونكت مع انه متوفر بالفندق بس تعرفون الفندق غالي قيمة الاربع وعشرين ساعه ب 56 رنقت بس انصح اللي يروح ماليزيا وغاوي انترنت يشتري من محل شركة سيلكوم باي مكان بالمطار او بالسوق كونكت بقيمة 180 رنقت مع الشريحة لمدة اسبوع تقريبا وبعد اسبوع تشحن اسبوع ثاني بعشرين رنقت بس يابلاش وتقدر تستخدمه باي مكان بالسيارة وبالفندق وخارج الفندق وانت جالس بشرفة الغرفة وانت جالس يم الشلالات وتقدر تشغل الكام وتوري الناس وينك فيه والمناظر اللي حولك يعني الكونكت فله
واي اسئلة ثانيه انا جاهزة