alkuwaity
31-08-2022 - 11:08 am
السلام عليكم ورحمة الله وبركاته
يا اخوان انا لي 3 سنوات كل ما ابي اروح ماليزيا الله ما كتب
والاسبوع اللى فات توكلت علي الله ونويت السفر و حجزت التذاكر والسكن وكل شي اوكي
ويوم رايح بالطريق وصلني مسج من الخطوط الجويه الكويتيه بقص التذاكر ولا يتكنسل الحجز
رحت للمكتب وقلت طلع التذاكر قال حجزك اوكي اما المدام وبناتي تكنسل روح للخطوط نفسهم
ويوم جيت الخطوط قالو اوكي بناتك وزوجتك انتظار وانت اوكي روح طلع التذاكر
ويوم جيت اطلع تذكرتي الا قالوا تكنسل حجزك والطياره ما تقبل انتظار
حاولت من ذاك اليوم الي هذى اللحظه وللحين حجزنا انتظار
شفت خطوط ثانيه الكل ما شاء الله فل
قلت الظاهر اللى ما كتبها
امس جتني بنتى دانه وقالت لي
تفكا ( يعني تكفا يبا ) بنسافر انا ما شفت ماليزيا وجهزت شنطتي
قلت والله لا روح بإذن الله ولو يصير اللى يصير علي هذي الكلمه
حجزي علي يوم الاحد انتظار
ادعولي يا اخوان ان الله يكتب اللى فيه خير ويصير الحجز اوكي
سؤالي الثاني
بالنسبه للسكن بكوالمبور
احسن برجايا ولا اخذ فندق بشارع العرب ويستن ولا تريدز ولا شنو
وبارك الله فيكم
ماتدري يااخوي لعل ربي مانعك عن شر..
والتاخيره هذي فيها خيره لك
الله يكتب لك اللي فيه خير ان شاء الله
فيه مثل دايم اردده (شي ترجيه ولا شي تاكله)
بالنسبه لسكنكم..
علشان دانه وخواتها.. والمدام نفسها الله يحفظهم
اشوف ان برجايا تايم سكوير انسب على اساس وجود السوق والملاهي تحتها تماما..
تقبل تحياتي
ويارب ييسر لكم اموركم ان شاء الله