1. اهلا وسهلا بالمسافرين الاعزاء


2. نبدأ بسم الله قصتي ورحلتي لماليزيا ع2004ام تقريبا

اهلا وسهلا بالمسافرين الاعزاء

هذي القصه الغريبه الي صارت لي بسفري لماليزيا قبل 6 سنوات تقريبا بذكرها لمجرد ان يشاركني المسافر العزيز لحظتي تلك ولا ارجو من أي متابع ان يتوقع ان يجد الفائده او المعلومه المهمه مجرد فوائد بسيطه جدا فكل الي بتشوفوه هنا تصرفات متهوره لكن الحمد لله عواقبها جات سليمه وكلشش طلع حلو
طبعا الي جاب القصه هذيك على بالي وإني اذكرها لأني هذي الايام جالس ارتب لي سفر لماليزيا واعاده الذكريات القديمه وطبعا معها فعلا عادت الذكريات القديمه وجا هذا الموضوع
قصتي بخليها اجزاء لأنها طويله وكلها سواليف يعني بحكيلكم سالفه اليوم خ
إن كان الاعضاء او المشرفين يشوف ان الوضع مخالف او الموضوع ماله داعي بالإمكان حذفه وراح اتقبل الوضع بصدر رحب

نبدأ بسم الله قصتي ورحلتي لماليزيا ع2004ام تقريبا

كنت ذاك الوقت طالب بالجامعه عمري بين ال 19 و 20 وكان عندي ترم صيفي وبذيك الفتره كانوا اهلي تقريبا كلهم مسافرين خارج البلاد وكنت شبه وحداني ماعندي إلا دي الجدران اتأمل فيها وكانت فعلا واحده من اسوأ اجازاتي الصيفيه لكن تغيرت وانقلبت فوق تحت بسبب اتصال بسيط ظريف من ولد خالي
دق علي ولد خالي وقال : عندك شي ولا فاضي . قلت فاضي ماعندي أي شي قال يلا بمرك نروح سوق البوادي (بجده) ابغى اشتري كم غرض ونرجع قلت اوكي انا انتظرك وكلها دقايق وهو جاي عندي , وكان الكلام هذا العصريه ونحنا بالسياره نسولف قال اقولك دريت .؟؟ قلت ايش ؟ قال العيال بكره رايحين ماليزيا ومرتبين امورهم , فتحت فمي وقلت بالله قال إيوه والله فلان وفلان وفلان وفلان وو كلهم ماشيين بكره قلت افا ومايبغوا احد يروح معاهم ولا كيف؟ قال لا عادي هم قالوا أي واحد بيروح معانا حياه الله قلت طيب كيف ؟؟ قال كيف ايش .؟؟ قلت بروح معهم
قلب علي ولد خالي قال سلامات ايش تروح معهم العالم مزبطه من زمان ومرتبه وبكره مسافرين وحاجزين وانت تقول تبغى تروح !!!! بعدين هم رايحين بتذاكر مجانيه جابها لهم واحد وعلى طيران الخليج قلت اقولك ارجع البيت قال كيف !!! قلت ارجع يا انا يا ماليزيا ههه
واتصل على الشباب قلت بروح معكم لو دبرت حالي قالوا اوكي الحجوزات الفنادق وهيك بنرتب وضعك والموضوع بسيط قلت اوكي . وصلت البيت واتصل ع الخطوط السعوديه قلت ابغى حجز لماليزيا بكره , شيك الموظف وقال فل مافي شي قلت طيب اليوم شوف لي شيك وقال في رحله الساعه 10 بالليل !!! والعوده حصلت يوم بعد رجعتهم قلت اوكي احجز , قلتها من هنا ويضربني ولد خالي من هنا وحاقد علي وعيونه تقول انت مجنون خ طبعا لأن هالكلام كان قريب المغرب والرحله الساعه 10وانا طبعا ماني مجهز ولا أي شي يخص أي سفريه قريبه فكيف ب ماليزيا !!!
إذا كان في متابعه ولم يكن الموضوع مخالف راح اكمل فلمي الهندي خ مع الساحره ماليزيا