السلام عليكم ورحمة الله وبركاتهاقسم بالله اكثر ما كرهت في بينانج الفندق اللي نزلت فيه وللاسف انا اللي اخترته من خلال بحثي في النت وكان اسمه هايدرو ماجستك مصنف من فئة الاربع نجوم المهم استغربت من اللي في السفريات ما قد
سمع عن هذا الفندق واخذ يوم كامل حتى حجز لي وقلت في نفسي فندق جديد وهذا هو السبب .. بس استغربت اكثر لما نزلت في مطار بينانج قادم من لانكاوي صاحب التاكسي ما عرف فندق هايدرو ماجستك الا بعد ما سئل وبعد قلت في نفسي فندق جديد وهذا هو السبب .. المهم وصلت فندق الاربع نجوم كان للاسف فندق قديم جدا اسمه فرنجي بيتش وحول اسمه الى هايدرو ماجستك .. والله العظيم الامر اللي شفته في هذا الفندق واللي اصابني بعقدة نفسية هو ريحة المرق الهندي في الغرفة .. تصدقون لما رفعت الشرشف عن السرير وجدت بقعة لونه بني فاتح المهم قلبت السرير وياليت ما قلبته تصدقون شفت بقعة كبيرة بلون الدم الناشف :112:
بعدها قررت انام بدون لحاف انا وزجتي وننتظر الصباح ونهرب .. بس لما صحيت لقيت زوجتي غطتني بعباتها عشان ما ابرد وهي حليله نامت بالبرد صراحه حزنتني وقلت كله بسبب هذا الفندق .. هذي قصتي مع هذا الفندق وحبيت تستفيدون من اللي صار معاي