1. :bounce8:


2. وشرط خامس ما اذكره ناسنه

حبيت أن اروي لكم هذه القصه اللتي حصلت معاي في اندرمايوا في سنة 2005قبل شهر رمضان المبارك بأسبوع تقريبا وكانت هذه الرحله يا أعزائي الكرام لبلاد الأندومي ثاني مره أسافر اليها,,وكانت الرحله لمدة اسبوعين لزيارة أهلي هناك,,بما أنني متزوج من بلاد الأندومي..
المهم يوم من الأيام لحظة وصولي الى بلاد الاندو..بعد سبعة أيام تقريبا في الصباح الباكر وأنا في سابع نومي جاء شخص غريب للبيت وعنده اثنين من الربع يعني كم صاروا الحين؟ ثلاث أشخاص الغريب كان عسكري وكان لابس لباس الجيش والأثنين اله وياه أعرفهم من جيرانا,,المهم ضيفهم ابو الزوجه وأهل الزوجه في البيت وقالوا نحن سمعنا في واحد عربي عدكم في البيت(عرب,,عرب,,عرب) أهل البيت قالوا هيه موجود قال العسكري خله ايجي,, ويت لي الزوجه الغرفه تقول في واحد يبغيك وأنا في عز نومي قلتلها شو يبا الرجال قالت مادري بس هو عسكري يبغيك الحين وأنا أول مره أشوفه,,ولاحظت في وجه زوجتي متغير مرتبكه قلتلها أزين خليه يزورنا بعدين أنا تعبان الحين فيني نوم,,سارت اتخبر العسكري بأنه زوجي تعبان الحين مروا علينا بعدين,,عصب العسكري قال لا أباه الحين خليه يقوم من النوم أحسن له,,وجت لي الزوجه وهي تبكي من الخوف قالت لي العسكري يبغيك الحين ضروري والبنت تبكي,,وأهل البيت ما عارفين كيف يتصرفوا مثل هااي الأمور يخافون على طول,,والمهم أشويه أشوف العسكري عند غرفتي عدال الباب مال الغرفه وبصوت عالي يقول قوم الحين يالله بلغتهم طبعا,,استغربت منه أنا وقلت بسم الله شو السالفه شو مسوي أنا يمكن ذابح حد وأنا مادري عصبت منه:112: لولا مب لابس لبس الجيش لحصل له كلام ثاني وياه,, هيه والله نعم والله اضربه ولو في ابلاده ما عليي منه امسوي نفسه عنتر بن شداد المهم قمت من النوم خلني أعرف الموضوع أول شىء سرت غسلت وجهي:11oth: وجهزت نفسي زين ما زين وناديت زوجتي قلت لها شو عنده هذا العسكري شو يببي فيني؟؟ قالت مادري سير له وهو بخبرك وعرفت الموضوع على طول دايركت يا تهديد يا فلوس وزوجتي عارفه الموضوع بس خايفه تتكلم!!جالسه تبكي مسكينه من الخوف مب منها من هذاك العسكري الزطي واسمه مستقيم اسم على مسمى والله ما يستاهل ها الأسم,,أزين سرت له للصاله وشفته جالس عالكرسي وبراطيمه وارمه امسوي نفسه بوس وأنا أقول بقلبي والله لأراويك الليله ما بهدك واليوم مهما كلفني الأمر ما بخليك,,جلست عنده وولعت لي صلب سيجاره ونفخت في صوبه وهوينظر لي نظرت احتقار ما أسوي له سالفه أوني أنا شديد ههه أنا أقول بقلبي خلني أفتك منه شو يبي هذا اليوم؟؟
ادري فيكم يا أحبائي الكرام انتم بفارغ الصبر تبون تعرفون شو يبغي مني العسكري..

:bounce8:

قال لي ليش أنت متزوج وما سوي أوراق حكوميه؟؟يعني اوراق من المحكمه علما بأنني متزوج عندهم في البيت بموافقة ولي المراه وزواج شهره زوجنا واحد شيخ محترم بس كان خواف شوي وسوينا اوراق عاديه يعني عقد الزواج بس لا تفهموني غلط,,قبل أن أتزوج رحت لسفارة دولة الامارات العربيه المتحده الله يحفظ دولة الامارات ويخليها ان شاء الله ,,وهااي السالفه قبل أن تستوي لي مشكله هذا العسكري الزطي,,قلت لهم للسفاره أنا ناوي أتزوج من اندونيسيه قال لي في شروط لازم تعرفها وعطاني الورقه ومكتوب فيها كل الشروط..
1- شهادة اثبات من محاكم دولة الامارات
2- شهادة اللياقه البدنيه من مستشفيات الحكوميه في دولة الامارات
3- شهادة راتب من العمل
4- موافقه من القوات المسلحه او الشرطه اذا كنت تعمل عندهم/ أهنيه المصيبه!!:112:

وشرط خامس ما اذكره ناسنه

الحبيب اله في السفاره قال جيب لي هااي الاوراق ونرفعها لك الى المحكمه وتتزوج بعون الله ان شاء الله قلت له خلاص مب مشكله وطلعت من السفاره وركبت السياره وأهل الزوجه منبسطين يحسبوني خلصت شغلي,,قالوا ها شو سويت؟؟ها خلاص؟؟قلت لهم مافي فايده لازم ارد الى الامارات وأجيب كل هاي الشروط وأنا على راس عملي في القوات المسلحه يعني انسى موافقة الزواج من اجنبيه والأمر يتطلب وقت طويل يعني لازم اقدم استقالتي علشان اتزوجها الله كريم شو انسوي الحب اعمى ههه....
قلت مافي حل الحين ردينا اندرمايوا وكله هذا التعب على الفاضي بس لو اتصلت فيهم عن طريق التليفون احسن,,بس المشكله ما اعرف رقم السفاره وأنا جديد ما عارف شىء(اذا اندونيسيا فيها رقم بداله يكتب الرقم لي ان اوجد)وتدرون من جاكارتا الى اندرمايوا 3 ساعات تقريبا أكثر حسب الزحمه,,المهم يوم وصلنا البيت اليوم الثاني جهزنا امرنا للزواج دورت لي شيخ محترم وتزوجنا الحمد الله على سنة الله ورسوله ويوم بيكتب لنا القدر ان شاء الله ومنسير المحكمه وبنسوي اوراق رسميه حكوميه..
ازيت خلونا نرجع الى القصه الأوليه وين وصلنا-ايواا ,,ازين قال لي العسكري أنا بوديك السجن الحين ليش متزوج ومب امسوي اوراق من المحكمه على باله زواج متعه المهم قلت له أنا عندي ظروف شوي منعتني اسير للمحكمه قال لي لا مافي ما يستوي لا زم ابلغ الشرطه وهذا كله مسرحيه بس علشان البخشيش قلت له اصبر شوي شو تبي ازين أنت خلنا نتفاهم قال أبا 500 درهم وبخليك في سبيلك تميت افكر في بالي واقول لو اتموت ما بعطيك قال لي اختار ابلغ الشرطه وله تعطيني 500 درهم قلت اتصل السفاره مافي فايده المتهم أنا الحين اهنيه المصيبه قلت له خلاص بعطيك فلوس بس مب الحين بكره بتصل حد لأهل في الامارات عشان يرسل لي فلوس كذبت عليه عشان يخليني في حالي قال بمر لك بكره وباخذ الفلوس قلت اوكي,,وراح العسكري وهديت زوجتي من الخوف كانت مرتبكه شويه اتعرفون اهناك الشعب مساكين ويخافون على طول من العسكري واللوتي ما يخاف اله من رب العالمين مثلي أنا ههه امزح معاكم,, المهم كعدت افكر من نفسي شو اسوي اعطيه فلوس وله ما بعطيه واذا عطيته بستغل الفرصه وبيعتبر نقطة ضعفي التهديد من قبل البوليس ,, اتذكرت واحد الله يذكره بالخير كان يجيب لي ربيان وسمك من البحر امخلنه خصيصا لي عشان يجيب لي الربيان والسمك بس الربيان غالي عندهم شوي,,سلمكم الله هذا الرجال كان يشتغل في الجيش من زمان وحاليا متقاعد وكان عنده معارف وكان يعرف واحد هامور رجل ذوا منصب قوي كان المسؤؤل عن المنطقه اللى ساكننها انا,, يعني مسؤؤل المنطقه كلها ومسؤؤل العساكر والمعسكرات كلها شرق وغرب وزعل يوم سمع سالفتي وحضر الرجال الى البيت اله فيه أنا,, يا حظي يوم اتعرفت له هااي هااي,,وكانت له رتبه عاليه كان رجال طيب والنعم فيه,,وسرنا وياه الى المخفر وشفنا العسكري اله هددني الصبح كتبوه تعهد انه ما يكرر هاي الفعل مره ثانيه والورقه موجوده عندي في البيت وبقيت الأشخاص حصل الأثنين كل واحد كف على وجهه وبأن ما يكرروا الفعله وله بيدخلو السجن لأنه هم جايبينه العسكري متعاملين وياه_______أكتب لكم هاي القصه اللى حصلت وياي وأنصح اله يروح الى اندونيسيا لا يخاف منهم ولا تعطونهم شىء الطيب ما يعيش واذا عودتهم على الفلوس بستغلونك دوم..
والسموحه على الاطاله_________ولد الامارات
:smile002: