1. السلام عليكم ورحمة الله وبركاته


2. كل عام والجميع بخير والعشر عليكم مباركه ..

السلام عليكم ورحمة الله وبركاته

كل عام والجميع بخير والعشر عليكم مباركه ..

انا مشكلتي مزمنه مره مره .. واللي عنده حل الله يخليكم يساعدني لاني تعبت والنفسيه تعبت .. وجزاء الله خير من ساعدني في حل مشكلتي المستعصيه .. لدرجه صرت احسد البعض اللي يسولفون عندي ويقولون رحنا لمصر ورجعنا وماسمعهم يجيبون طاري التعب والتسمم والاشياء هذي (( اللهم لا حسد .. دايم اذكر الله عشان ما صكهم بعين ))
بدايةً :
انا من عشاق مصر .. ولكن .. التعب ملازمني من اول ما اضع قدمي على أرض مطار القاهره .. الين ارجع لأرض الوطن .. ومن بعد ما اشم ريحة مطار الملك خالد اصحى زي الحصان ولله الحمد والمنه ..
السؤال الله يخليكم .. انا لفيت اغلب الدول العربية .. وماحصلت مثل ارتياحي لمصر واهلها وطيبتهم وخفة دم شعبها ..
لكن
لكن
لكن
لكن
لكن
عجزت اتأقلم مع اكلهم .. من 6 سنوات وانا انزل بس عجززت وربي اتأقلم ..كل سنة اقول يمكن ماتعودت على الجو ولا الاكل ومضت 6 سنوات نفس المشكلة .. اكلت في المطاعم والفنادق الفاخره ولكن مافي فايده .. حتى قالي احد الاصدقاء اخذ اغراضك معك واستأجر شقه وسو الاكل بنفسك يمكن العيب في المطاعم ... قلت ماعندك مشكلة .. ومن الوسوسه اخذت كل الاغراض حتى الملح اخذته من الرياض وجميع اغراض الطبخ .. حتى بعد غسيل الشغاله للاغراض الطبخ اجي عقبها وانضفها بالديتول .. صرت حريص عشان ماعطي البكتيريا فرصه تهاجم اغراضي ههه قسم بالله اللي يشوفني يقول وشذا الموسوس .. واجلس يوم يومين بالكثير متشقق من الفرحه .. يقالي حليت المشكلة .. لكن فرحة ماتمت عقبها ينهار بطني وما اصحى الا انا بالمستشفى والضغط منخفض والسكر بعد .. مع اني ولله الحمد والمنه مافيني لا ضغط ولا سكر
ويافرحة ماتمت
ارجع ابي اقدم عودتي بس للاسف .. تعرفون الصيف وزحماته عدم الامكانيه تعودنا على هالكلمه من حبيبتنا الخطوط السعودية
السؤال اللي يطرح نفسه يا حبايب قلبي ... العيب مني ولا من اكلي ولا من ايش بالضبط ؟؟؟ وابي حل جذري الله يخليكم لاني مستحيل استغني عن حبيبتي اوم الدونيا
صدق الزين مايكملش على اولت المصريين
ارق التحايا للجميع ..