اعتقد في مشكله في الفيزا تختلف من السياحيه الى الدراسه لكن اذا معهد عادي والمده قصيره ما اعتقد فيها شي والله اعلم

لا عادي .. بس مثل ماقال الأخ ناصر يعتمد على مدة الدراسة بالمعهد ...

لاتخاطر الله يرضى عليك !! هذا راح يعتبرونه تلاعب في الفيزة .
رجائاً الوضع هناك وأنا أخوك ما يسمح بمثل هالأمور .
يعني توقع في أي لحظة ممكن يجونك في المعهد ( ويتلونك ) للتحقيق !
خذها من واقع تجربة ،، لاتخربط في الفيزة أبد أبد .
حفظك الله ورعاك .

في الوضع الراهن ...خطر وماانصحك ابد ....هم يدورون شي يمسكونه على الواحد

عالعموم المعهد هو اللي راح يحدد إذا تحتاج فيزة طالب أو لا ... يعتمد على المدة من شهر لشهرين عادي سياحيه .. إذا أكثر تحتاج فيزة طالب ...

goodmind
ليش تجيب لنفسك وجع الراس اصلا المدارس اللي هناك راح يكون فيها اتفاق مع الشرطه عشان تخلص اوراق اعتمادك في المدرسه من ناحية العلاج والتكاليف واذا رحت هناك راح يطلبون من كامل اوراق القبول بمافيها التأشيره لا تجيب لنفسك وجع الراس وتحياتي إلك .

أنا أبقولك على قصة أحد أصدقائي واستفيدي منها:
هذا طول الله عميرتش ( على قولة رشيد بن حويرش) رايح يدرس لغة هناك فقط المهم في كانت بداية دراسته في أريزونا بعدين لقي معهد أرخص في متشقن بعد ماتعرف على واحد هناك ودله على المعهد المهم أخونا في الله قالبها على متشقن جلس كم اسبوع طبعا الكلام هذا في نفس سنة الاحداث المشئومة ماارتاح للوضع هناك وقرر يرجع والله لا يوريك تلوه من مطار متشقن ويصكها تسعه أشهر في سجن في نيويورك وتحت الحراسة المشددة بعد ماتبين ان ماعندها شي من السجن طلعوه المطار وممنوع من دخول امريكا مدى الحياة يعني انتبهههي

انا اقول لك لا تفكر بهذا الشي ابد
ممنوع هذا الشي بامريكا وهناك تحذير في السفاره االمريكيه بالرياض من هذا الشي
وانا استفسرت قبل فتره لان عندي فيزا عمل بامريكا ولعدة سنوات مدتها اربع سنوات
لكن عندما سئلت هل ممكن قالوا لابد من تصريح مسبق مع العمل ان فيزا العمل تسمح بالدراسه بجميع الدول لكنها ممنوعه عندهم
وقبل فتره صدر تحذير اخر من السفاره السعويه بواشنطن بهذا الخصوص
وهذا موقع السفاره السعوديه بواشنطن اتذكر ان التحذير موجود فيه تصفحه وسوف تجد كل شي
http://www.saudiembassy.net
واتصل بالسفاره الامريكيه اذا كنت ابلسعوديه واستفسر مهنم