هلا بك اخوي
إي نعم لابد من استخراج فيزا للسعوديين
طريقة استخراج الفيزا عن طريق السفارة بالرياض إذا كنت من اهل الوسطى ولا عن طريق القنصلية الصينية بجده اذا كنت من الغربية .. وإذا من الشرقية الأفضل تطلعها من البحرين في يوم تخلصها
بالنسبة لسخارج الفيزا من الرياض لابد تكون عن طريق مكتب وقيمة اسخارج الفيزا 450 ريال
اما بجده تقدر تستخرجها بنفسك وبسعر 250 ريال
والبحرين تقدر تستخرجها مستعجل بنفس اليوم بقيمة 260 ريال وبعد ثلاث ايام بسعر 140 ريال
بالنسبه لطلبات السفارة في الرياض صورة للجواز وصورتين شخصية لك وصورة من اثبات العمل
اما البحرين فتحتاج الى صورة شخصية واحده وصورة للجواز
هذا والله اعلم واي استفسار انا حاضر

زيادة على طلبات الفيزا من الرياض اخوي صمت
اذا كان معك عائلة يطلبون صورة من دفتر العائلة
انا طلعتها الاربعاء الماضي وطلبوها مني من المكتب اللي في الرياض الموجود على طريق الملك فهد بعد معرض الصندوق الاسود تلف يمين وبعدين ثاني لفه على يدك اليمين
وجزاك الله خير
وبالتوفيق للاخ ddd591]

طيب بالنسبة للعايلةالسعودية وش يطلبون غير صورة دفتر العايلةلتأشيرة الصين؟
انا عيالي 2 مضافين بجوازي اعمارهم 7 و 9 هل يحتاجون كل واحد فيزا بعد او فيزة وحدة لي معاهم؟
وبالنسبة للصور الشخصية لي انا وزوجي بس؟ او لعيالي بعد ؟
وكم صورة كل واحد ؟ ومقاسها؟واذا في شروط للصورة؟
تكفون جاوبوني بدقة وبسرعة لان ما عندي وقت
ملاحظة: انا بالرياض واللي بيطلعها قال لزوجي ب 580 ريال الوحدة!

انا طلعت الفيزا بنفسي من المكتب اللي وصفته ( لي ولزوجتي ولبنتي )
ماطلبوا سوي تعريف من جهة العمل + صورة لكل واحد + الاستمارة اللي يعطونكم اياها + صورة من دفتر العائلة+ صورة الجواز لكل واحد من افراد العائلة
مع العلم ان كل واحد من عائلتي مستقل بجواز لوحده
اما اذا كان الاطفال مضافين لجواز الام أو الاب ما ادري وش الشروط
بالنسبة للسعر المكاتب تاخذ فايدة على الخدمة والا سعر الفيزه للشخص الواحد 450 ريال
افضل انكم تطلعون الفيزا بانفسكم لانها ما تاخذ وقت لان المكتب فاضي ما فيه مراجعين تلقى بس واحد او اثنين بالكثير
ودوامهم يوميا ما عدا الجمعة من الساعة 8 صباحا وحتى 7 مساءً

يعطيك العافية اخوي
ربي يسهل امرك وامرنا جميعاً

واهل الكويت بعد لهم فيزا لازم يستخرجونها ولا عادي ضروري الله يخليكم تجاوبوني

السلام عليكم
حبيت اسأل من وين اطلع التأشيره ناس يقولون موقع السفاره بحي السفارات
وناس يقولون من المكتب اللي بجوار الصندوق الأسود؟؟
اذا من واحد منهم اي واحد ارخص ..
وهل صحيح الفيزا للشخص 450

بالنسبه للبحرين هل اقدر اخذها في نفس اليوم
انا بالطائف هل ادق مشوار للبحرين علشان اجيبا في نفس اليوم لانه جده قالو لي 5 ايام للمستعجل
وانا دقيت عليهم بالبحرين وقالت الموظفه ممنوع الا مواطن او مقيم بحريني
وفي الاخير قالت جيبها وبنحاول لك بس مو مضمونه
واخاف ادق مشوار على الفاضي

سفير الطائف
السلام عليكم
بلنسبة للبحرين اذا بتقدم الطلب الصبح الساعه 8 ولا 9 بيكون جاهز على الساعة 12 الظهر واذا مو مستعجل فيه 5 ايام او 4 ايام هاذا في حاله المواطن البحريني
اما اذا سعودي فلازم يكون عندك بطاقة شخصية بمعنى انك مقيم في البحرين والبطاقة ما يعطونك الا اذا لك سكن في البحرين يعني مستأجر شقة او بيت
بس دام الموضفة قالت بتحاول فهاذا معناتها ان بتتكلم مع الموضف الصيني و بيشوف اذا تقدر تساعدك ولا لا
لان هل الحاله صارت وانا هناك و الموضفه كلم الموضف الصيني و قال له ليش ماطلعته من الرياض دام انت سعودي
تحياتي لك