- وطلع رقمي 64 يعني كم بتريا
سلام عليكم ،،،
حبيت انقل تجربي وخاصة لاهل الامارات( دبي ) لكم عن فيزا الصين :-
1- موقع قنصلية الصين:- في منطقة صفا2 ( بالقرب من سبينس) كما هو موضح بالصورة
2- تكلفة الفيزا:- للدخول لمرة واحدة 150 اما عن الدبل اسمحلي ماعرف لانبي ماجربته.
3- مواعيد العمل :- مواعيد تقديم الفيزا من ساعه 09:00 صباحا حتى 12:00 ظهره
ومواعيد استلام الفيزا من ساعة 09:00 حتى 11:00 صباحاً
4- مدة المطلوبة لاستلام الفيزا: 4 ايام من تقديم الطلب.
5- مدة الفيزا:- 3 اشهر وشهر من تاريخ الدخول ( احرص ان موعد سفرك يكون الفيزا صالحة)
5- الاوراق المطلوبة:- صورة ويفضل ان تكون الخليفة بيضاء+صورة الجواز + الجواز الأصلي+ حجوزات الفنادق+ حجوزات الطيران+نموذج الطلب.
6- طريقة الدفع:- بدءا من يونيو ماياخذون الا عن طريق بطاقة البنك والكاش مايقبلون
6-مواقف(ترجبتي):-
- يفضل عند تقديم الطلب انك تروح قبل ساعة 9 وتاخذ تذكرة الانتظار ( اناو صلت ساعة 09:20
وطلع رقمي 64 يعني كم بتريا
- يوم تقدم الطلب بيعطونك ورقة مراجعة لونها وردي ومكتب فيها موعد استلام الفيزا ويكون بعد اربعة ايام للعادي واذا مستعجل اطلب منها انك تبي مستعجل بس انا ماجربتها
- واييد مهم انك تحتفظ بالورقة وماتضيعها مثل ماصار وياي ويوم رحت موعد الاستلام وكنت انتظر من ساعة 09:00 وماخصلت والسبب ماعندي ورقة مراجعة وطلبوا مني اعبي نموذج اني مضيع الورقة وعطيتهم بطاقات الهوية الخاصة فينا وعاد خست وانا انتظر وماتصدقون الكل يدخل وماياخذله 5 دقايق بالكثير من يوم مايوصل على الكونتر ويستلم الفيزا وانا انتظرت لين ساعة 11:25 وكل هذا بس لاني ضيعت الورقة واونه يبون يدققون ولازم القنصل يطلع على الجواز وكنت افكر اذا ورقة عادية واحنا في بلادنا خيسونا عيل شو بيصير لو سمح الله وضيعت تذكرة او شي ثاني وانا في بلادهم
هذا وان شاء الله اكون افدت احد
رحلة سعيدة