أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
مشكورة يالبرنسيسة
احنا ناوين نطلع من مطار فرانكفورت او ميونخ ونلف اوروبا بالسيارة
ابي مناطق بيها ثلج في شهر 8 في اوروبا كلها لاني احب الطبيعة وايد
زرت جبال مونت بلانك وعجبتني الثلوج
وسمعت انه في مدينه بالنمسا فيها ثلوج
ممكن اتساعديني في هذه النقطة واذا تدلينها تقولين لي لو سمحتي وين هي بالنسبة للخارطة
في منطقة في زيلامسي فالنمسا يطلق عليها الكابرون وهي تبعد حوالي 6 كيلو عن زيلامسي وفيها جبال كلها ثلج وفي شهر 8 العام كنا هناك... طبعا توقف السيارة فالباركنات وتطلع بالتلفريك ثلاث مناطق للاعلى المحطه الاولى تلفريك صغير ل6 او 7 اشخاص وهذي المنطقة فيها ثلج شويه وتركب التلفريك الثاني للاعلى وتزيد الثلوج وبعدين تركب التلفريك اللي يسع حوالي 50 شخص وزيادة يوديك لقمة الجبل وخذ المناظر والثلج والتزحلق والله متعة كبيرة وما بتندم صدقني...
اذا ناوين على الثلج ................ خل الرحلة تبدأ من ميونخ ثم سالسبورغ (ساعة ونصف) ثم من سالسبورغ إلى زلمسي (ساعتين) ومنها تنطلقون إلى كابرون
واللعب بالثلج متاح وكذلك التزحلق متاح
أما غارمش وهي مدينة تبعد ساعتين عن ميونخ فحظك نصيبك ........... ممكن فيها ثلج وممكن ما كو ثلج
وأحلى مدينة على الاطلاق ................... ميونخ
وأحلى قرية ........................ زلمسي
ميونخ ... برلين ... هانوفر ... دسلدورف رائعه انصحك فيها ... كولون ... بون ... طبعآ فيها قرى صغيره
تمر عليها وانت مثلا طالع من مدينه لمدينه ... مثلا .. الغابه السودا وغيرها
بصراحه اذا انت ناوي تسافر هالصيف انصحك تستأجر سياره وماراح تندم ..
انا جلست في المانيا سنه وكم شهر لفيت اوروبا بالسياره وكانت متعه مو طبيعيه ....
اما بالنسبه لغير المانيا ...
النمسا .... فينا روعه عاصمه وصخب وسوق متاحف قصور .. يعني من اروع العواصم الي زرتها
زيلامسي ... اذا تمر النمسا وماتروح زيلامسي ماكآنك زرت النمسا ... شي مو طبيعي
سويسرا ... جنيف مو قد الكلام الي كنا نسمعه ممله شوي مافيها اي شي ترفيه وغاليه ...
بس عندك .. انترلاكن برضو نفس زيلامسي جنه الله في ارضه ..
زرمات ... روعه وفيه تقارير عنها
مونترو ..
فرنسا ... طبعآ باريس .. وستراسبورغ برضو رروعه وهادئه راح تعجبك
بلجيكا ... بركسل حلوه وتستحق الزياره بس ماتطول فيها كثير ... بروج مدينه رومانسيه جدآ
هولندا ... امستردام برضو ماتطول فيها ... لاهاي جدآ جدآ روعه وفيها شاطى مو طبيعي ساعه صدر وفنادق والعاب ومطاعم ومقاهي ...
اتمنلى تعجبك القائمه ... بس اهم شي انك تستأجر السياره ...
وبالنسبه لي تبقى المانيا من اجمل الدول الاوربيه ....