أنصحك ب تايلاند
وهذي أسبابي:
جمال الطبيعه, المساج, العمران, البساطة, الشواطئ الرومانسيه, الخدمة الراقيه, التسوق و الأسعار
بانكوك
الصباح استمتعو بإفطار شهي يقدمونه لكم الفندق في الغرفه
بعدين استكشفو محيط الفندق بجوله مشي ممكن انكم تزورون المعابد ومن أشهرها
معبد البوذا الذهبي " Wat Trimitr " the Temple of the Golden Buddh
فيه بوذا مصنوع من الذهب الخالص و يوزون 5 ونص طن!!
إذا انقصت عليكم فلوس نتفو منه وبيعوه ههه
الظهر تغدو في احد المطاعم التايلدنيه بعدين ريحو بالفندق
العصر اذا تحبون خذو جوله في القصر الكبير بالنسبه لهم هو احد عجائب الدنيا طبعا فيه معابد وبوذا بعد
حلو تشوفون العمران التايلندي و المعالم الدينيه عندهم كنظره عامه...قضو فتره العصر بالتسوق :wink:
القصر الكبير Grand Palace
بالليل ممكن تتعشون بأجواء رومانسيه على ظهر باخره في النهر
نهر تشاو فرايا Chao Phraya River
بعد ما ترجعون الفندق سوو احلى مساج أو استمتعو بأحد الامتيازات اللي يقدمها لكم الفندق

• - -- --

ثاني يوم الصباح اول شي تسوينه بعد الفطور ههه هو زيارة
السوق العائم Floating Market
بعد كذا تفرجو على عروض الحيوانات
عرض الفيله و التماسيح elephant & crocodile show
بعدين عاد شوفو كيف تقضون باقي يومكم

• *--**--**--

ساموي Samui
معروفه بجزيرتين يسمونهم الجزر الصخريه وهم:
جزيرة كو تاو Koh Tao
و
جزيرة كو نانق يوان Koh Nangyuan
تقدرين تزورينهم بنفس اليوم و ترجعين ساموي و في الليل تمتعي بمشاهدة الرقصه التايلانديه التقليديه

• - -- --

ثاني يوم بعد الفطور اذا عندك وقت روحي للمنتزه البحري
منتزة انق ثونق الوطني البحري "Angthong National Marine Park" Mo Koh Angthong National Park"

• -**--**--**--

بوكيت Phuket
مشهوره بالمساج التايلاندي وحمامات البخار و علاج البشره
منها تقدري تروحي لجزر و خلجان اخرى مثل:
كو كاي Koh Khai
ترى فيها دلافين :8888:
جزيرة جيمس بوند James Bond Island
إذا انتي من النوع المغامر و تحبين تجربين الاشياء الجديده انطلقي إلى
كهف قروتو Grotto Caves
للتعرف على طبيعة الحياة الغجريه البسيطه قومي بزيارة
قرية الغجر البحريه Sea Gypsy Village
تشوفينهم شلون يطبخون شلون يرعون صغارهم شلون ينظفون حياه بسيطه جدا
تذكرك بنعم الله "الحمد لله..اللهم ادم نعمك علينا و احفظها من الزوال"
فعلا السعاده ما تنقاس بالفلوس وانما بالحب
بعد ما تلفين بهالجوله الصباحية اتجهي إلى
وادي خليج بان ناه Phang Nga Bay valley
لتناول وجبة الغداء وبعد كذا ارجعي ل بوكيت عشان تباتين بالفندق

• -**--**--**--

هذي نبذه بسيطه عن بعض مدن و جزر تايلند تلخص لك بعض الاسباب اللي خلتني ارجحها لك
بالتوفيق اختي يارب يتمم عليكم السعاده و الفرح

ما شاء الله تبارك الرحمن
اختي noaimihs بصراحه الواحد ما يعرف شنو يقول على الرد الروعه هذا
وانا معاج بالرأي
والله يوفق الجميع

ابو_الوليد
اللهم آمين...شكرا كثير اخوي ابو الوليد..جزاك الله كل خير

السلام عليكم
اختي noaimihs بصراحه ماشاء الله تقريرا بسيط وسريع ومفيد
ألا بسألك تايلاند ممنوعه على السعوديين صح ولا لا ؟؟؟؟؟؟؟؟؟؟

سجاد حسين
أهلين اخوي سجاد..شكرا لك
صح كلامك تايلاند ممنوعه على السعوديين, بس مين يقدر يقاوم هذا الجمال؟
تقدر تروح لها على مسؤوليتك
بمعنى إن المكاتب السياحية في السعوديه ما تستخرج لك الفيزا
ولاكن تقدر تستخرجها من مطار تايلاند و يعطونك اياها لمد 15 يوم فقط
في ناس أعرفهم يروحون تايلند كل سنه

noaimihs
والله انها جت متأخره لاني حجزت على كوانزو يوم 24/7/2009 وفعلا كلامك خيتي ماحد يقدر يقاوم
ه الجم ا ل
بس بس انا الي اعرفه ان احد الاخوان الي اعرفهم شخصيا راح تايلاند قبل لايعملون البلاك لست
وبعدين لما صارت ممنوعه انتهى جوازه وراح يبي يجدد في الجوازات قالوا له ارجع لأهلك سالم يابابا احسن
طيب الحين انا الي فهمته منك خيتي اني اروح على مطار تايلاند بدون فيزا صح ؟؟؟؟؟؟ يعني ماراح
يكون اي ختم على جوازي من مطار تايلاند ؟؟؟؟
بصراحه شي خيال اي اوروبا بلا اوروبا بلا كلام فاضي بصراحه ايه في الجمال

سجاد حسين
انت بتروح من هنا بدون فيزا بس لما توصل مطار تايلاند الفيزا لازم يختمونها لك على الجواز
خوفتني الحين :tongue:
يعني اذا جيت اجدد الجواز مثلا وكان عندي فيزة تايلاند مطبوعه بيسوون لي سالفه؟؟

أبعد عن الشر وغنيلووه ياعم مالله حادكم
منعتها الحكومه الرشيده ( الحكومه أبخص ) والي يطلع تايلند ويختم على جوازة تصير عليه ملاحضه واحتمال يمنع من السفر
وغير التحقيق و و و و . . . . ولا فيها امان اختطاف وطلب فداء بالملايين .
نصيحة روحي ماليزيا فيها الطبيعه والأمان هذا شهر عسل .
ومن خاف سلم

بدر الحويل
شكرا على رأيك بس الواحد يستفسر ,والله ما قصدت احد اي حد "تبادل معلومات فقط"
عالعموم أنا راسلت السفاره و بإنتظار الرد
إذا كان السبب انها غير آمنه وفعلا الحكومه منعتها عشان هالسبب مثل ما تفضلت بقول لكم و ما بروح لها
بس ودي أقول لك مثال عام اخوي بدر
لما جيت اروح الصين ما بقى حد الا خوفني بإني راح اضيع و يخطفوني ههه
واللي يقول لي ياكلون الاطفال ههه بس الحمد لله كانت من احلى السفرات
مثال ثاني انفلونزا الخنازير...اللي كنسل سفرته أولهم ماما ههه واللي عطل مصالحه
في الآخر طلع الموضوع ما يستدعي وهو مجرد شغل مصالح حيث ان الانفلونزا العاديه أشد خطوره منها
يعني لو الواحد بيعيش على كلام الناس ويضل خايف بيقعد في بيته طول عمره...
ولاكن يسأل و يعرف و نتوكل على الله في كل شي (من توكل على الله فهو حسبه)
ما احد بيموت قبل يومه اللي ربي كاتب له يموت بيموت وهو في فراشه
واللي ربي كاتب له المشاكل بتجي له حتى لو هو يمشي جنب الحيط
وصدقني الجرايم و الخطف و باقي البلاوي موجوده بكل مكان حتى في السعوديه
الله يكافينا واياكم الشر
آسفه إذا حد انزعج من رايي اهو راي و حبيت اشاركم اياه فقط لا غير
أما ماليزيا فعلا انا رحتها بلد ساحره و متعددة النشاطات و جزرها تفتح النفس وبلد مسلم والشعب ودود جدا
إذا تحبي اجيب لك كل المعلومات عنها عزيزتي pain-tears قولي لي
بالتوفيق ان شاء الله للجميع,,,