- كي نحصل على مقابل .......
فور دخول الفندق و البدء بعمل إلأجراءات المطلوبة , قامت موظفة الإستقبال بأخذ جوازات سفرنا إلى
داخل غرفة ( هذا إجراء طبيعي عند كل الفنادق ) لتصويرها و أخذ بيانات منها و غيره
بس اللي صار بأن الموظفه طولت جوه , و أطالت المكوث و صبرنا و لم تعد الى أن مل الصبر منا
قمت التفت على زوجتي وقلتلها : مو كأنها مصختها ؟ أنا رايح أشوف إش معنا احنا بس كدة طولت الشغلة معانا
فطلبت استدعائها من الداخل : و قلت لها إيش الحكاية معاكي : قالت اسفة ( سوري سير ) لا يوجد لدينا غرفة
ديلوكس مع كينج سايز بيد ( سرير واحد كبير ) سنعطيك غرفة بسريرين منفصلين و ثم قم بتحريكهم و الصقهم
جوار بعض يطلعولك سرير واحد , و أنا أحاول بكره أغيرلك الغرفة
# و أنا طبعا رفضت الكلام الفاضي داه كله و قلت لها : دوبنا راجعين من شنجريلا كوتاكنيبالو و لم تتوافر
غرفتنا فأبدلونا إياها بجناح , قالت ( سوري سير ) لا أستطيع اعطائك جناح , قلتلها ما أبغى جناح ولا غيره
بس أبغى غرفتي , هل هي غلطتي بأن الفندق مزدحم , أنا مسوي حجز من زمان !
جلست الموظفة ترطن مع زميلتها و بعد الرطانة , سلمونا غرفة : و طلعت ديلوكس بسرير كبير كاللتي نريد
سبحان الله , من فين طلعو هذي الغرفة ؟ فين كانت مخبأه و لمين يا ترى ؟ ولو اننا استسلمنا بالبداية و رضينا
بالغرفه أم سريرين ؟ غريبة والله
=====================
طيب هذي الحركة و مشيناها
علما بأن حجزنا عندهم لثلاثة ليالي , و اللي حصل بعد مرور ليلتان , يتصل علينا موظف من الاستقبال و يقول :
انتهت أيام إقامتكم عندنا , وأتى وقت الخروج ( التشك اوت ) لكنكم ما خرجتو , شكلكم تبغو تمددو أيامكم عندنا
لازم تدفعو ؟؟؟؟؟؟؟؟؟؟!!!!!!!
قلنا : خير خير خير , احنا حاجزين عندكم ثلاث ليالي , قالو لا انتهى حجزكم معانا , و تعالو شوفو حالتي
ساعتها , قامت زوجتي بسرعة و هي مربوشة تلملم الأغراض من هنا و هناك و كمان ملابس منشورة على حبل الغسيل
لم تجف بعد , كيف ستضعها داخل الشنطة و هيه مبلولة , وغيره و غيره , إذا خرجنا فين حنروح و لمين ؟
شويه و حتبكي خلاص
# حبيت يأتأكد , و طلعت أوراق الحجز و تيقنت بأنه باقيلنا ليلة , قمت نزلت لهم و غبت فترة بعدين طلعت لزوجتي
وأخبرتها حضرتهم غلطانين في كتابة تاريخ الخروج ..... يا سلام بعد ما سببولي ربكة و زوبعة في الغرفة !
# بعدها حبينا ناخذ قيلولة ع العصر و حطينا راسنا و أول ما غفينا , رن جرس الهاتف : إيش عندكم ؟ الموظفة :
(سوري سير) بس أنا زميلي قالي انكم تريدو التمديد ليوم زيادة ! قلت إيش , طيب أنا نازلكم دحين
# و نزلت و ما رضيت إلا بمقابلة أكبر مسؤول موجود في الفندق , و كان في اجتماع امتد لعدة ساعات و جلست
انتظره تحت , إلا أن انتهى و قابلته و حكيت له جميع ما جرى لنا من طقطق لسلام عليكم
فتأسف لي و كان المدير اوروبي , و قلت له لايكون بس عشاني عربي تعاملوني كده , قال لي المدير :
لا بالعكس و كيف , احنا قاعدين نعمل و نسوي مشاريع ضخمة عشان العرب لأننا عارفين ان الخليجيين ناس يدفعو
و أنا أعوضكم بعشاء مجاني في مطعم الفندق , بس طبعاً رفضت عرضه لكي لا يظنو بأننا فعلنا الهيصة دي كلها
كي نحصل على مقابل .......
وكمان أخبرته اني كنت أحاول ولمدة عشر دقايق أدق من تلفون الغرفة على السنترال أو الإستقبال ولا أحد يرد. قلتله أجل كيف أشعر بالأمان في الغرفة ولا أستطيع أن أكلم أحد في حالة صار لي مكروه من حريق أو تهجم وغيره....
بالعربي احذروا هذا الفندق فخدماته سيئة جداً...
======================