- لكن بس تدخل الغرفه تحس انه فندق بسيط
- طبعا ابدا مو مثل الصوره بالبوكينج
السلام عليكم ورحمة الله وبركاتة حديثي اليوم عن فندق century pines resort
تقيمي للفندق من حيث النظافه 8-10
الموقع 10-10
الاطلاله لا باس بها
الافطار جدا بسيط
محدود قائمه تختار منها
الفندق عندي لا باس به لكن عيب ان المكيف مركزي ولا يشتغل جعل الفندق عندي فاشل
ان شخص احب انام والمكيف يشغتل الاجواء جميله برى لكن ماتقدر تفتح النوافذ لان النامس كثير تشوفه يدور برى
والفندق شكله من الخارج والدخل الكونتر جميل وراقي
لكن بس تدخل الغرفه تحس انه فندق بسيط
طبعا ابدا مو مثل الصوره بالبوكينج
طبعا الشي اللي يتميز فيه موقعه قريب جدا من محطه الباصات وفيه محلات ومطاعم ما احتجت ابدا للمواصلات طول اقامتي الا في الجولات ولان الجولات بالسياره جدا مرتفع سعرها صادفت في المحلات القريبه من الفندق مكتب يقدم جولات سياحيه كلفني الشخص 25 رنجت كانت جوله خفيفه وممتعه
بسم الله نبداء بالصور
المدخل تصوير في النهار
اما الفندق تصويري كان المساء
شكل الفندق من الخارج
ومن الداخل
من جلسات اللوبي
جلسه خارجيه
مقابلها نافوره بس بالحقيقه مزعج صوت الماء لان المويه نازله ضرب
ونرجع لداخل هذا مكان البوفيه
هنا جلسات الفطور طبعا داخليه وو
وخارجيه
المنيو المتهالك المحدود
وجبة الافطار عندهم
نطلع فووق
وهذي غرفة النوم الكنبه قديمه
واما السرير انا شخص ما احب لون المفرش غامق يجيب الكائبه واتخيل انو مو نظيف
بس الحق ينقال نظيف
دورة المياه نسيت اصورها تقيمي لها نظيفه .. اللي يضحك انها كلها ستاير يعني الافرنجي له ستاره والدش له ستاره والحوض ستاره مالي حق انسى اصوره
نكمل
البلكونه الصغيره
اطلاله البلكونه
طبعا الجميل بالفندق مقابله حديقه عامه جدا جميله كان فيها ناس بس مافي ازعاج استمتعت فيها
وهذي صور لها
الحديقه اجمل ما اعطيتها حقها بالصور لان اغلب الصور خاصه يادوب طلعت كم صوره مرتبه لكم
اتمنى اني وفقت في تقديم التقرير
بالنهايه اقدم هديتي لكم ورق الشاي من بوه
كم سعر الليلة ؟؟
هل خلال إقامتك كان الفندق زحمة ام لا
شكرًا لجهودك الواضحة في المنتدى
دمت بخير