25 الف تكفيك يا اخوي
انا وزوجي رحنا بشهر 3 لمدة 9 ليالي وتكلفتنا 15 الف ريال مع تذاكر وفنادق 4 نجوم وكل شي
ورحنا مدينتين فقط
3 ليالي كوالالمبور - 3 ليالي بينانج - 3 ليالي كوالالمبور
بتكفيك وزيادة هالمبلغ
اقترح عليك
يومين سيلانجور
3 ايام بينانج
3 ايام لنكاوي
4 ايام كوالالمبور
2يوم حلوة لماليزيا

دامك على قدك واانا اخوك ... خلك قنووع وخذها عمره وجده والطائف وابهاا ووفر هالفلوس احسن لك
ومستقبلا متى مافتح الله عليك ورزقك روح انت وياها للديره اللي تبي
وعسى الله يوفقك ويرزقك

ان كانت الميزانيه ستفسد وضعك بعد السفر فماانصحك تسافر
مثل ماقالوا عمره وربي لك الحمد
لكن لو ماهي مأزمه وضعك فالميزانيه أووكيك ...
انصحك بجدول 13ليله
الحجز لابد يكون من النت للفنادق والطيران الداخلي واتبع المكاتب والمقارنه للأفضل
الحجز المبكر يوفرلك الكثير
احجز التذاكر الدوليه وبعدها تعال هينا بنساعدك بلبقيه
موفق

المبلغ يكفي لاسبوعين.. انصحك تروح ماليزيا + تايلند ..
0تذاكركم عبر طيران الخليج خذها ملتي ناشنل.. بحرين الى كوالا + بانكوك الى البحرين (الطيران الوحيد بدون ترانزيت وخذ الرحله الي بمنتصف اليل تقريبا عشان توصل هناك بوقت الجيك ان حوالي 2 ظهرا )
الجدول
كوالا 4 ايام (اول يوم تركب باص الهوهو + يوم منهم تروح الصبح وترجع الليل لجنتنغ + يوم تروح السانوي لاغون + اخر يوم تتمشوف في شارع العرب وتجهزون نفسكم للسفر الى بننغ)
بننغ 3 ايام (من كوالا عن طريق الباص 4 ساعات .. لا تنسى تروح الشلالات ولازم تقعد في شاطئ الباتو فرنجي وفي حدائق كثيره وانشطة بحريه)
من بننغ الى بوكيت طيران داخلي حوالي 600 ريال
اجلس في بوكيت 4 ايام .. جدا رائعه احلى من بننغ مع ان بننغ تعتبر جنه الارض ماشاءالله
السفر الى بانكوك حوالي 400 ريال لكم ثنينكم عبر اير اسيا
3 ايام في بانكوك للتسوق لا تفوتك بس لا تسكنون في شارع العرب.. عندك بايوكي سكاي تجربه حلوه واسعار رخيصة
اذا احتجت استفسار انا حاضره

25 الف ريال تكفيك وزيادة كثير ان شاء الله
0تشمل تذاكر سفر دولية وداخليه في ماليزيا وفنادق 4-5 نجوم
في سلانقور 2 يوم فندق الخيول الذهبية + 3 يوم لنكاوي فندق بيلانجي بيتش + 3 يوم بينانق فندق بارك رويال +4 يوم كوالالمبور فندق فيورما
باقي عليك تنقلات تكاسي وغداء وعشاء وهدايا وتمشيات ولعلمك تعيش معيشة من فوق المتوسطه الى ممتازه
لكن ملاحظة مهمه : اذا كان 25000 هي اللي باقيه عندك فقط بعد الزواج فأنصحك بعدم اسرافها وممكن تروح 5 ايام دبي فندق 1500 + 2000 تذاكر سفر + 1500 مصاريف تمشية وأكل = 5000 ريال ، لأن بعد الزواج تجيك مصاريف بالهبل ولا تبي تطلع مقصر او بخيل أمام زوجتك
بالتوفيق ومبروك مقدما