.
أبشر بسعدك .... جيناك
حياكم الله أهل الأردن من أربد إلى عمان في بلدكم الكويت
السكن يالطويل العمر موجود للعزابية والعوائل
طبعاً العزابية يتجموا شباب في شقة واحدة ممكن تكون بنفس منطقة العمل أو بالعمارات السكنية
القريبة من عملك 5 - 10 كيلو يعني تأخذها ممشاية بس لأن الجو عندنا حر يمكن لازم تحتاج لسيارة
وسكن العزابية يكون تقريباً من 120- 140 دينار كويتي أقسم المبلغ على 3 أشخاص أو أربعة بيطلع أجارك
وسكن العوائل بتتحمل المبلغ أنت بالطبع يعني بتدفع هال120 أو 140 لوحدك
وأنت أكيد بتعرف ميزة السكن مع أهلك وشو بتوفر معهم غير البكة بوجودهم والراحة النفسية والإجتماعية
حياك الله أخي في الكويت
.

اولا حياك الله بالكويت
واضيف على اخي الصريح
اذا عملك في منطقة مبارك الكبير
راح يكون اقرب منطقه تتوفر فيها الايجارات هي منطقة الفنطاس
اللي تبعد بالكثير 10 دقايق بالسياره
والايجارات من 100 دينار وطالع ( طبعا شقق غي مفروشه )
انت اللي تفرشها وتأثثها ومن هذا الناحيه لا تشيل هم الاسواق
كثيره سواء الاثاث الجديد او المستعمل والاسعار معقوله
والله يوفقك

ala123
السكن بمحافظة مبارك الكبير مو غالي لأن مو بوسط العاصمة وهي تبعد تقريبا نص ساعة عن وسط العاصمة واتوقع تلقى بيوت تأجر ملحق غرفة وصالة وحمام ومطبخ بقيمة 150 دينار بالشهر بس السكن عند عائلة أي التأجير بمنزل إحدى العوائل يستلزم وجود عائلتك أو يمكنك التأجير بعمارة سكنية والعمارات منتشرة بمنطقة الفنطاس بالفرب من منطقة مبارك الكبير وغيرهم .

اقرب مكان للسكن ياطويل العمر المهبوله والفنطاس وابو حليفه والشقق بتكون غاليه الاجار راح يتراواح الاجار من 160 الي 200 بوقتنا الحالي وطبعا الشقه من غير اثاث وانت اللى تجيب الاثاث
ويهلا ومرحبا فيك بوزارة التربيه وبدولة الكويت

حياك الله بينا
بس نصيحة تريث اول
لا تيب اهلك معاك الحين
تعرف على الديرة وعلى نمط المعيشة وبعدين قرر تيبهم او تخليهم بالاردن

انا ودي اعرف اخي كيف عرفت انك معين بمنطقة مبارك الكبير ؟
لان المدرسين الجدد يعينون بعد الحضور والانتهاء من الاجراءاءت
عموما اخي السكن متوفر وقريب وكثير
توكل علي الله لا تشيل هم

انا اايد ابو فاطمة وانا من سكان مبارك الكبير
في كثير عوائل عندنا تاجر في بيتنا
يعني تعطيك غرفه او غرفتين ومطبخ وحمام وانت بكرامة
والاجار مثل ماقالوا الاخوان
ومن بيت لا بيت بيفرق
واظن ان السكن في البيوت بيكون افضل لانك بتكون جنب المدرسة
^_^
واهم شي تعال قبل وشوف الوضع وتعلم ودور على راحتك سكن مناسب
في اماكن عندنا تبيع اثاث مستعمل مثل سوق الجمعه وغيرة
والاسعار جدا مناسبة ورخيصة
تشرفنا هلا وغلا