وعليكم السلام ورحمه الله وبركاته,, شوفي اختي الاسواق اللي على البحر ماتسكر بس الاسواق العاديه تسكر بس اول يوم واذا تبين ملابس سعرها معقول مو غالية تحصلين في مجمع النقرة وفساتين سهره على مستوى وسعرها معقول تحصلينها في مجمع النقرة الشمالي الدور الاول اسم المحل الخطوط الذهبيه هذا محل على مستوى كل بضاعته من فرنسا وسعره وايد ممتاز ومناسب

...

...: + ( )......

• .
• .
• .
• .
• .
• - .
• - .
• - .
• - .
• - .
• - .

& - ( )
( ) : + + + .

• .

( ) - .: ... .& - ...------
.

لاخت الفاضلة احساس : طبعا الاخ ضاري كفا وفا قال كل شي بقوله , وبعد تقدرين تروحين مجمع الكوت ومجمع أجيال بالفحيحيل فيه اشياء حلوة وغريبة والاشياء الشعبية كذلك تلقينها في محلات اولادنا سوق شعبي ورخيص جدا في سوق الفحيحيل مجمع الدبوس وسوق الموعد والمحاميد بالاضافه الى الاسواق اللي ذكرها اخوي ضاري فيها الماركات العالمية .
واذا فيه اي سؤال انا بالخدمة والشوفه

حياج الله اختي بالكويت
واذا كنتي تسالين عن الملابس الي تشوفينهم على الكويتيات بالسفر ترى اغلبهم خياط بس تلقين منهم في سوق ستي سنترالسالميه او مجمع النقرة الجنوبي والشمالي او الشاميه مول فيه خياط يبيع هل ملابس او بالمعارض الموجوده في بيت كاريزما او بيت ديفا مكانهم يم مستشفى الاميري
اما ملابس السهره ممكن تلقين اسعارهم معقوله بمجمع النقره الشمالي ومجمع العثمان اما الامكان الثانيه فاسعارها اغلى مثل مجمع زهره والفنار وليلى جاليري وغيرها وايد
اما الملابس الداخليه فتلقين في مجمع المهلب كذا محل
وانا متاكده انج راح تحبين مجمع الكوت اذا رحتيله وقعدتي على الكافيهات الي عند النافوره منظر حلوو
وطبعا الأخ Dhari ماقصر عطاج اكثر من مكان

شكرا ويعطيكم العافية على الرد

مشكورين على الرد ويعطيكم العافية

اختي المحلات اللي بشارع سالم المبارك ماتسكر بس في محلات في مجمع النقرة اول يوم تسكر واذا تبين فساتين سهرة سعرها معقول تحصلين في مجمع النقرة الشمالي الدور الاول محل اسمه الخطوط الذهبية والباقي تحصلينهم في مارينا مول والفنار وسوق شرق واذا تبين قمصان نوم تحصلين في مجمع الايوب في حولي واذا تبين اي شي حاضرين