وعليكم السلام ورحمة الله
أجد أن 10 أيام جدا جدا قليلة في حق اندونيسيا وما تجي بحق التذاكر
أنصح أن تكون عدد الايام ما بين 12 الى 14 يوم كحد أدنى ... بدون يومي السفر
جاكرتا -- تستحق 3 أيام
بونشاك -- تستحق من 5 الى 7 ايام
باندونق -- تستحق 3 أيام
بالي -- تستحق 4 أيام تقريبا
بناء على مافي كل منطقة من أماكن سياحية وترفيهية وتسويقية
لذلك اذا فيه أمل التعديل في عدد الأيام سيتم تنسيق جدول مميز بإذن الله بالاماكن والفنادق ...
ننتظر الرد

وعليكم السلام
اختي عذبة مثل ما قال لك اخوي عاشق
0ايام قليله وخصوصا اذا في اندونيسيا لان نشاطاتها كثيره
وخصوصا ان فيه يومين طيران يعني المده الفعليه 8 ايام فقط
لكن اذا ما في يدك شي ولا تقدرين تزودين المده
تقدرين تخلين يوم راحه في جاكرتا
وبعده خمس ايام في بونشاك
وبعده يومين في باندوق
وبعدها يومين في جاكرتا يوم تزورين فيه انشول والاسواق
واليوم الثاني رحلت العوده
.. اتمنى اني افدتك

عاشق الترحال 2014
ايوه اخوي 10 ايام من غير يومين السفر
يعني 12 يوم مع يومين السفر يوم رايح ويوم جاي
ياليت تنسق لي جدول حلو وياليت تحط جزيرة بالي لان سمعت
من ناس كثير يقولون مره حلو
ويسلمو عالرد

fares9965
ايوه انا ابغاها 10 ايام من غير يومين السفر
ياليت تفيدني اخوي كم تكلف الميزانية في حدود كم اذا كانت 12 يوم مع يومين السفر؟؟
يعطيك العافية خيو عالرد ماقصرت..

اختي عذبه
بالنسبه لعشره ايام
من غير يومين السفر تقدرين تزورين فيها جاكرتا وبونشاك وباندوق
يوم راحه في جاكرتا
وبعدها خمس سته ايام في الجبل ( بونشاك )
وبعدها ثلاث ايام في باندوق
وبعدها يوم في جاكرتا
..
بالنسبه للميزانية
عندك تذاكر السفر . فيه اكثر من خطوط واسعارها متفاوته .
هذا شي تحددينه انتي .
وعندك سائق خاص 12 يوم يوميته بحدود 200
12×200=2400 ريال
عندك السكن تقدرين تعرفين تكلفته من موقع بوكنق على حسب اختيارك فيه الغالي وفيه المتوسط والرخيص
والمصاريف اليوميه برضو على حسب صرفيتكم بس بحدود متوسط 300 ريال
شامله اكل وشرب ودخول مناطق سياحيه
طبعا تزيد وتنقص على حسب صرفيتكم والاماكن اللي بتروحون لها ..
لو قلنا 300×12= 3600
يعني المواصلات والاكل والشرب والمناطق السياحيه راح تكلف بحدود
2400+3600=6000
عندك اختيار السكن لو قلنا راح تسكنين في جاكرتا بفندق اقتصادي
بتحصلين فنادق او شقق فندقيه رخيصه
بحدود 200 الى 300
لو فرضنا جاكرتا ثلاث ايام 3×300= 900
والجبل برضو فيه الفلل او الفنادق ما تتجاوز ال 300 يعني
300×6=1800
وباندوق فندق سينسا ممتاز
ثلاث ايام بتكلفكم الف ريال
يعني الحسبه تصير
مواصلات = 2400
مصاريف = 3600
فندق جاكرتا = 900
فندق او فلل الجبل = 1800
فندق باندوق = 1000
الاجمالي = 9700
وتقدرين تصرفين اقل من كذا او اكثر من كذا
كل شخص وحسب صرفيته انا حسبتها لك
بحسبه على ساس ترتاحين
..

افضل جدول من وجهة نظري
يوم جاكرتا
4 ايام بونشاك
3 ايام باندونق
يومين جاكرتا
وبالنسبه لجزيرة بالي .. عدد ايامكم قليل ولا يكفي للذهاب الى بالي .. راح يكون جدولكم متعب
بالنسبه للصرفية .. افضل شي تحطين ميزانية 250 دولار تقريبا لليوم .. انتو رايحين تتمشوا مو تضيقوا على نفسكم
وبالنسبه لجاكرتا .. الافضل استخدام التكاسي ولا ينصح بإستخدام سائق خاص .. التكاسي متوفرة وبكثره
بالنسبه لحجوزات الفنادق .. افضل تستخدمين موقع بوكينق .. ممتاز واسعارة حلوه ومضمون بعد الله .. ولو توضحين لنا كم الميزانية المتوقعه اللي ناوين تحطونها للفنادق .. او كم ودكم تدفعون يومية للفنادق .. نفيدك بأفضل الفنادق حسب ميزانيتكم

جزاكم الله خير ماقصرتو يعطيكم العافية عالجدول
بس كان نفسي اروح بالي لاني سمعت انها حلوه وتنفع لزوج وزوجته بحكم انها رومنسية وهادية
والميزانية كلها طبعا مع التذاكر والفنادق 15 الف ريال كيف تكفي ولا نزود؟؟

اختي عذبة ..
مبلغ 15,000
لو حسبنا 12
عندك مواصلات 200×12=2400
عندك سكن بمعدل 300×12=3600
مواصلات وسكن = 6000
وعندك مصروف يومي للاكل والشرب والمناطق السياحيه بحدود 500 ريال اذا بتنبسطون
500×12=6000
الاكل والشرب والسكن والمواصلات 6000+6000
يعني 12.000
باقي 3000 < ما اعتقد بتحصلون تذاكر لشخصين بثلاثه الاف
.. اتمنى قدرت افيدك

عزيزي فارس .. تقدر اختنا تخلي سفرتها بأقل من هذه التكاليف .. ولكن راح تفقد جزء من المتعه ... لانها راح تستغني عن اشياء كثير
وتقدر تلعب في اسعار السكن وتخفضها شوي بحيث تكون يوميتها بأقل من 300 ريال
ولكن تقديرك جاء على من اراد المتعه .. وهذا الطبيعي بالفعل
ولكن اختي .. هل ال 15000 تقصدين انها تشمل التذاكر الداخلية ؟ ام الدولية ؟
اذا الدولية صعب جدا