اخوي انا رحت كاسوموي العام جزيره حلوه نظيفه بس فيها بعض المناظر يمكن ما تعجبك بس تقدر ما تعطيها اي اهتمام اكثر النشاطات الرياضيه البحريه على شاطى التشاوينغ
وبخصوص رحلات الطيران اعتقد لازم تنزل بانكوك بعدين على طيران داخلي وتروح كاسموي
والفنادق الي على شاطئ التشاوينغ معضمهم حلوين بس اذا تروح اهناك وتجوف الفنادق على الطبيعه يكون افضل
احجز يوم في اي فندق ودور على فندق وبكون ارخص وتقدر اتقاصص مهاهم اشوي
اعتقد 5 ايام كفايه في كاسوموي بس اذا اعجبك الوضع طول المده
والعوده اذا كنت تبي تتسوق روح بانكوك واذا تبي تريح بالك وتوسع صدرك وتسوق خفيف انصحك اتروح كوالالمبور . ماليزيا اغلي من تايلند خاصه من ناحيه الفنادق وسامحنا على لقصور

عزيزي كوجك ..
شكرا على مرورك الكريم ... وعلى ردك الجميل ...
دمت بود ..
تحياتي

1. وهذا موقع للفنادق في كوسوماي


2. وهذا الموقع ايضا يبين لك الفندق وموقعه على الخريطه


3. http://www.hoteltravel.com/thailand/samui/chaweng_beach_map.htm

البلبول
مرحبا اخوي
تروحون وترجعون بالسلامة ان شاء الله
اخوي كوسومواي جميلة بمعنى الكلمة وانا رايحه لها للمرة الثانية ان شاء الله
اخي.. شاطئ الشاوينغ هو شاطئ الحيوية والترفيه والنشاطات البحرية وكل شي موجود هناك واكثر السواح متركزين هناك
شاطئ لامي حلو بس يعيبه انه هادئ وفنادقه غالية .. وهذي الشاطئ لمن يحبون الهدوء والسكينه
وهناك في شارع الشاوينغ مكاتب كثيرة تنظم لك رحلات وبرامج كثيرة وحلوة
وتقدر ايضا لو سكنت في الشاوينغ تزور شاطئ لامي
والله اخوي اسبوع اشوفه حلو لكوسوماي للاستمتاع والاستجمام في نظري لاتكفي ل5 ايام
طبعا كوسوماي نهارهه جميل وليلهه احلى في الشاوينغ طبعا تكون هناك جلسات على الشاطئ عشاء للمأكولات البحرية على ضوء القمر والشموع جميل جدا وشوراعهه الحيه والمطاعم المنتشرة
والفنادق اخوي هناك كثيره واذا تبي فندق حلو وفي الشاوينغ انصحك بفندق ومنتجع بندارا جميل جدا وراقي وطبعا في فنادق كثيرة اخرى لكن عليك الاختيار

وهذا موقع للفنادق في كوسوماي

اضغط هنا http://www.expedia.com/pub/agent.dll?qscr=htfv&&itid=&itdx=&itty=&from=f&fmap=0&srow=0&lmap=&hlbl=0&hbfn=0&hwrq=EX01BE0E98FFJGDC4%2440%24D5%24B25%2440%24D5%24B21%2170P%2416%245C%21H0%240A%21801000%24C03%24C6%240C%2440B%24C6%240C00004%2150%24120Tg.Fmkvj%242C.Yemjnmou%2180%24120Tg.Fmkvj%242C.Yemjnmou%216%24FF%21R010003%2190100020001015%21A0%214%24FF&gobt=6&clvl=&plbl=0&wsds=&xofs=0&yofs=0&xctr=&e3skip=1&yctr=&mofx=&mofy=&altg=&ridp=&rfrr=-2229&phid=0&dlod=&ridc=6050549&samn=1&amna=2&sort=0&HOTAM_0_amid=&HOTAM_1_amid=&HOTAM_2_amid=&HOTAM_3_amid=&HOTAM_4_amid=&HOTAM_5_amid=&HOTAM_6_amid=&HOTAM_7_amid=&HOTAM_8_amid=&HOTAM_9_amid=&HOTAM_10_amid=&HOTAM_11_amid=&HOTAM_12_amid=&HOTAM_13_amid=&camn=14&date1=6%2F18%2F2008&date2=6%2F30%2F2008&chid=0&name=&star=0&rdct=1

وهذا الموقع ايضا يبين لك الفندق وموقعه على الخريطه

http://www.hoteltravel.com/thailand/samui/chaweng_beach_map.htm

بالنسبة للعوده اذا تبي تتسوق روح بانكوك وايضا لانهه ارخص من كوالالمبور .. لكن اذا تبي تكمل رحلتك روح كوالا لمبور واستكشفهه وتسوق على خفيف هي غالية بس مو اغلى من سنغافورة يعني مقبوله اسعارهه لاني تسوقت فيهه وماشفت فيهه اي مشكلة .. بس انت ليش ماتروح كوسوماي بانكوك كوالالمبور ..؟ طبعا في الآخر يعتمد عليك وعلى رحلتك ..
تحياتي لك واي استفسار انا حاضره وان شاء الله اخوانه الاعضاء ومشرفينه بوبدر وبوراشد مابيقصرون معاك
أم حناين

شكرا جزيلا لك اختى العزيزة ام الحناين ... وعلى كل التوصيات والنصايح ...
بس حبيت استفسر .. وبحكم انك من البحرين ... شنو افضل الباكجات للسفر هناك من البحرين ؟ انا شفت الاماراتيه للعطلات وعطوني سعر حوالي 1800 دينار بحريني .. لمدة اسبوعين .. اسبوع في كوساموي ... في فندق Renissance … .. شفت صوره في النت .. يعني مابين البين ..مش بطال .. بس ودي في أفضل .. والاسبوع الثاني في بانكوك في فندق JW Marriot طبعا مع التذاكر والمواصلات والفطار فقط ... فهل هاي السعر مناسب ؟ مازلت في انتظار تسعيرة من الخطوط القطرية للعطلات ..
هل تنصحون بالبكجات .. والا ارتب كل شي بروحي .. واشتري تذاكر بس والفنادق احجزها اون لاين ؟
اتمنى الرد في اقرب وقت اختي ... عشان تساعدين ولد ديرتك ..
تحياتي
ولد البحرين

هلا اخوي
ابدا ماانصحك بالبكج من اي مكان بسبب غلاءها وهذا في اي مكان
والافضل طبعا انت تحجز بنفسك وهذا جدا سهل اسال عن التذاكر واحجز ثم شف الفنادق ثم احجز عليها
وهذي ممكن تسويها من نفس العطلات
يعني اسال عن كل شي لوحده وصدقني راح تشوف الفرق
تحياتي

البلبول
هلا بيك اخوي
انا ترى ماخذه باكج من الاماراتيه ل شنغماي وكوسوماي وبانكوك ... ( شنغماي هوليدي ان .. كوسوماي ماخليت المكتب يحجز لي لان الفنادق عندهم غالية وايد وبانكوك ماجيستيك جراند...والطيران الداخلي والدولي والضائب وسيارة من والى المطار ب 1600 دينار هذي بدون فندق كوسوماي انا حجزته من النت واسمه ( http://www.hoteltravel.com/thailand/samui/chaweng_villa.htm )
وسعره ممتاز جدا وفندق حلو
والقطرية خدمتهم صارت تعبانه الصراحه انا انتظرهم من شهر 3 انه يردون علي للاسعار لليوم هذي محد رد علي فخليتهم يولون ...
انت روح بعد جرب مع الاماراتيه ان يحجز لك الفندق لبانكوك والتذاكر وقوله مابيك تحجز لكوسوماي شوف يرضه ولا لا ...
اذا مارضى روح مكتب البدر للسفر والسياحه في العدلية بتلاقي عنده كل الفنادق بس مو كل الطيران يمكن تلاقي كاثي باسيفك والتايلندية
وبالنسبه انك ترتب بروحك جرب يمكن تلاقي تذاكر واذا لقيت يمكن غالية انت جرب ودور قبل لا تحجز من اي مكان ... انا السنه اللي طافت حجزت من مكتب جالكسي لكوسوماي وبانكوك تذاكر بس التذاكر الداخلية والدولية وبعدين حجزت بروحي الفنادق من النت ....
تحياتي لك اخوي
أم حناين