حياك الله ابو عوض..واستفساراتك على العين والراس لكن حبذا المرة الجاية تخلي الاستفسارات في قسم الاستفسارات عشان نستفيد وتلاقي من يرد عليك.عموما ماعليك بجي احد المشرفين فيمابعد وينقله الى قسم الاستفسارات.
ياعزيزي اول شي ماليزيا بتكون لكم المكان الممتع باذن الله.
وتكلفة الرحلة مانقدر نحددها الا بعد اختيار عدد الايام.
فالرحلة اللي 11ليلة ليست كالرحلة اللي 15ليلة.
وايضا وقت الحجز يخلق لك فرق بالسعر..فاللي حاجز قبل الرحلة ب3اشهر واكثر يلاقي الاسعار صيده ورخيصه والعكس صحيح.
وايضا اللي حاجز برا المواسم يكون افضل لان الموسم كل شي غالي ودبل.
وايضا ياثر في التكلفة نوع الفنادق فخمه او اقتصادية مثلها الطيران.
غير كذا اختيار المدن والتنقلات ومعدل الصرف.
خلنا نقول انك بتجلس بماليزيا 12ليلة من غير يومي الطيران.
يومين سلانقور
ثلاث ايام بينانغ
ثلاث ايام لنكاوي
اربع ايام كوالا.
اذا كانت فنادقك اقتصادية وحاجز من بدري بتكلفك حدود 5000ريال لانكم تحتاجون غرفتين وسرير اضافي
او تاخذون شقق.ومصروفك اليومي فاتوقع 700 لان الزوجين يصرفون 400 الى 500.
الطيران ابحث عن ارخص خطوط وحاول بدون توقف او توقف بسيط.
سرلنكية عمانية قطرية سعودية ماليزية ايراسيا.
الصرف اقصد التحويل يكون بالسعودية افضل.
السحب بالبطاقة حقت الراجحي بيسحب معك.بس بياخذ منك حق السحب وفرق العملة.
اهم شي حاول توفر في التنقلات فمثلا بين كوالا وبينانغ باص ارخص من الطياران
وبين بينانغ ولنكاوي عبارة ارخص من الطيران.
واخر شي عليك بملاهي الصن واي المائية فهي المكان الذي سيستمتع به الاولاد.

ينقل إلى قسم الاستفسارات