عادل بن احمد
03-05-2022 - 02:32 am
السلام عليكم و رحمه الله و بركاته
والا: زواجي في يوم الاربعاء 1434/3/4و مقرر الرحله تكون يوم الجمعه بعد الزواج بيومين
الانطلاق يكون من الرياض .. لكن انا ما عمري سافرت خارج السعوديه و ما عمري ركبت طيارة
قبل ما نبداء سؤالي هو هل جو ماليزيا بشهر 1434/3/4 الي يوافق 2013/1/15 مناسب ؟؟ او ما هي كيفيه جوهم
ثانيا : وش يلزمني من اغراض و متى احجز طيران و متى احجز فنادق ؟؟
ثالثا : لو سافرت ماليزيا اخذ المبلغ كاش او اخذ فيزا او بطاقه الصراف العاديه ؟؟
رابعا : ما اعرف شي بالانجليزي هل يمشي وضعي هناك؟؟
خامسا: فزعتكم تسون لي برنامج الرحاله الميزانيه من 15000 الى 18000 شامله التذاكر و الفنادق و المطاعم و المواصلات لمده 12 يوم او 10 ايام
انتظر ردكم
خذ في بالك ان اكثر اللي سافروا هناك هم فعليا بحياتهم ما طلعوا الطياره او سافروا بره البلاد
يعني عادي الامور طيبه طيبه
الاجواء هناك جميله وجوها على مدار السنه حار رطب مع وجود امطار تخفف وتبرد الجو شوي
الاغراض يا غالي الملابس الخفيفه ملابس رياضيه و حذاء خفيف الله يكرمك لانك بتمشي كثير هناك وطبعا لات اخذ عطور وسوائل في حقيبه اليد لانه ممنوع خليهم بالشحن احسن يعني بشنطة الملابس الكبيره
حجز الطيران يكون من الحين ما عندك وقت ابدا رتب امورك من الحين طلع فيزا الراجحي مسبقة الدفع وعبيها فلوس للفنادق حسب الميزانيه اللي راح نحطها لك هنا
وتجهز واقراء كيفية الحجز وتوكل على الله
اولا قم بحجز الطيران الدولي وحاول تخلي المدة 12 يوم من غير يومي السفر احسن
علشان تتمتع هناك بالاجواء
عادي عادي راح تلاقي كثير عرب هناك وانت استخدم بعض الكلمات مثل تريد تروح للاكواريم الل فيه السمك بس قوله اكواريا بيوديك سهله الدنيا هناك فوق ما تتصور
البرنامج ل 12 يوم كالتالي
2 سلانجور
3لنكاوي
3 بينانج
4 كوالالمبور
الفنادق الموصى بها
فندق صن واي بيراميد
بلانجي بيتش
قولدن ساندس
دورست ريجنسي
الميزانيه اليوميه حطها 500 في اليوم شامله الاكل التنقلات و تذاكر الدخول للاماكن السياحيه ممكن تزيد ممكن تنقص حسب النشاط اليومي
500* 12 يوم = 6000
تذاكر طيران دولي متوقعه 5000
فنادق وطيران داخلي 7000
المجموع 18000