السلام عليكم ..
اولا اشكر القائمين على هذا الموقع والمشرفين على البوابات وخاصة بوابة الامارات ..
الحقيقة كنت حاجز على ماليزيا لكن حصل لي ظرف وكنسلت السفرة ..
والحمد لله تيسرت لي بعض الوقت وقررت اسافر للامارات .. وهذي هي المرة الاولى اللي اسافر للامارات ..
حبيت اخذ انطباع عنها قبل لا اجي حتى اخطط لسفرتي صح ..
الله يعينكم وتحملوني تراني احب استفسر عن كل الاشياء الضرورية ..
- راح اسافر على سياراتي من الرياض الى الامارات يوم 3/شوال انا و2 من الزملاء راح نسلك طريق حرض .
اللي حاب استفسر عنه هو :1) الجمارك : السعودية والاماراتية راح يكون معي جهاز كاشف الرادار حق السرعة هل فيه اشكالية عند الجمارك ؟؟؟ وبالعادة وش كيف يفتشون و وش يفتشون ؟؟
2) السكن : وش افضل مكان للسكن ( المهم يكون نظيف وموقعه قريب ) البعض نصحني بالشارقة . لكن تراني ما ادل ياليت اذا بتعطيني اسم فندق او شقة ياليت تحدد المدينة ومعلم واضح يمكنني السؤال عنه ..
3) البرنامج : راح تكون سفرتي من 4 الى 5 أيام تقريباً فياليت تفيدوني باهم الاماكن والمدن ..
4) الصرف : كم يكفينا من الدراهم ؟؟ و وش افضل طريقة للصرف من الريال الى الدرهم من السعودية او من الامارات ؟؟
5) بعد ما تنتهي زيارتي للامارات راح اتوجه بمشيئة الله الى الكويت فيالت توصفون لي الظريق ..
اذا فيه شيء نسيته ياليت احد ينبهني عنه ويفيدني ..
في الاخير تقبلوا خالص تحياتي
هلا اخوي ... ان شاء الله تكون رحلتك موفق ..
بالنسبة لكاشف الرادار ما اتوقع بينتبهون له .. لأني رحت انا كثير ولا يدقون مره .. يعني انت خله عادي وما راح ااحد ينتبه له ... بس مدري وش العقوبه لو مسكوك !!
بلنسبة للسكن ... عندك منطقه اسمها البرشاء يمكن اول مره تسمع عنها , لأن المشهور بدبي عند الي مثلك اول مره يروح اكيد الديره والرقه وشارع نايف .. وكلها زي البطحا بس بأرقى شوي ..
يعني اشوف ان منطقه البرشاء حلوه وقريبه من مول الإماارت ومتوسطه وحلوه .. وفيه فنادق وشقق فندقيه رهيبه .. وبتصل لكم متاكد ان شاء الله ...اما اسماء الشقق الفندقيه فيه وااجد بموقع الحجز العالمي ( بوكينق ) بتلاقي كثير وخيرات واجد بس لازم تكون معك ماستر كارد او فيزا اذا بتحجز عن طريق الموقع واهو اسهل لك واريح لك واوفر لك من النصابين راعيين المكاتب ...
فيه شقق مترو ستار وفيه شقق نجد , وفيه فنادق حلوه واسعارها معقوله ... انت سع سع وبتلاقي كثير
الأماكن وااجد لو تتصفخ المنتدى راح تلاقي كثير كثير .. انا بقولك بالنسبة لي .. القريه المائيه والقريه الثلجيه اللي بمول الإمارات .. وعندك المول الجدي اللي اسمه دبي مول .. هذا يقولون فضيع بشكل خرافي .. لا يفتوتك
وعندك متاحف وعندك شارع الممشى كأنه السولدير بلبان فخم مره .. وعندك السينما وابن بطوطه وعندك سيتي سنتر .. وعندك جزيره النخلف لا تفوتك والفندق العالمي اتلانتس ...
بالنسبة لميزانيه الرحله . .انت ما حددت كم العدد الأشخاص .. اذا انت وخويك راح تكون تقريبا 5000 ريال اذا سكنتو بسكن اربع نجوم يعني ب 500 ريال او يمكن تلاقي بنفس السعر 5 نجوم .. يعني بتكفيك وبتكفي الأكل .. ما عليك الدعوه سهله ويمكن تزيد على حسب صرفكم ...
اما صرف العملات ,.. الميه ريال سعودي تصرف عند الدرهم الإماراتي ب 95 تقريبا تزيد ريال ونتقص ريال عند بعض المحلات ...
اما طريق الكويت ما عندي علم خوي ..
اتمنى لك التوفيق ,,,